AtthaPali Vol.13

10. Bhikkhunupassayasuttavannana [376] Dasame tenupasankamiti tasmim upassaye kammatthanakammika bhikkhuniyo atthi, tasam ussukkapetva kammatthanam kathessamiti upasankami. Ularam pubbenaparam visesanti pubbavisesato aparam olaravisesam. Tattha mahabhutapariggaho pubbaviseso, upadarupapariggaho aparaviseso nama. Tatha sakalarupapariggaho @Footnote: ¹ Ma. vekhamissakenati ² Ma. patisankharakena @³ Ma. mahasamuddagatam ⁴ Si.,Ma.,ka, tamatagge meteti @⁵ Si. ime aggatama evam ⁶ kesam?

--------------------------------------------------------------------------------------------- page278.

Pubbaviseso, arupapariggaho aparaviseso nama. Ruparupapariggaho pubbaviseso, paccayapariggaho aparaviseso nama. Sappaccayanamarupadassanam pubbaviseso, tilakkhanaropanam aparaviseso nama. Evam pubbenaparam olaram visesam janatiti attho. Kayarammanoti yam kayam anupassati, tameva arammanam katva uppajjati kilesaparilaho. Bahiddha va cittam vikkhipatiti bahiddha va puthuttarammane cittuppado vikkhipati. Kismincideva pasadaniye nimitte cittam panidahitabbanti evam kilesaparilahe ca linatte ca bahiddha vikkhepe ca uppanne kilesanuranjitena na vattitabbam, kismincideva pasadaniye pasadavahe buddhadisu annatarasmim thane kammatthanacittam thapetabbam. Cittam samadhiyatiti arammana samma adiyati sutthu thapitam ^1- thapiyati. Patisamharamiti pasadaniyatthanato patisamharami, mulakammatthanabhimukhamyeva nam karotiti attho. So patisamharati cevati mulakammatthanabhimukhanca peseti. Na ca vitakketi na vicaretiti kilesavitakkam na vitakketi, kilesavicaram na vicareti. Avitakkomhi avicaroti kilesavitakkavicarehi avitakkavicaro. Ajjhattam satima sukhamasmiti gocarajjhatte pavattaya satiya "satimahamasmi sukhito ca"ti pajanati. Evam kho ananda panidhaya bhavana hotiti evam ananda thapetva bhavana hoti. Imassa hi bhikkhuno yatha nama purisassa mahantam ucchubharam ukkhipitva yantasalam nentassa kilantakilantakale bhumiyam thapetva ucchukhandam khaditva puna ukkhipitva gamanam hoti, evameva arahattam papunitum uggahitakammatthanassa kayaparilahadisu uppannesu tam kammatthanam thapetva buddhagunadisu anussaranena cittam pasadetva kammaniyam katva bhavana pavatta, tasma "panidhaya bhavana"ti ^2- vuttam. Tassa pana purisassa tam ucchubharam yantasalam @Footnote: ¹ si sutthapitam ² cha.Ma. bhavana hotiti

--------------------------------------------------------------------------------------------- page279.

Netva piletva rasapanam viya imassa bhikkhuno kammatthanam matthakam papetva arahattam pattassa phalasamapattisukhanubhavanam veditabbam. Bahiddhati mulakammatthanam pahaya bahi annasmim arammane. Appanidhayati atthapetva. Atha paccha pure asankhittam vimuttam appanihitanti pajanatiti ettha kammatthanavasena va sariravasena va desanavasena va attho veditabbo. Tattha kammatthane tava kammatthanassa abhiniveso pure nama, arahattam paccha nama. Tattha yo bhikkhu mulakammatthanam gahetva kilesaparilahassa va linattassa va bahiddha vikkhepassa va uppajjitum okasam adento sudantagone yojetva sarento viya caturassacchidde sutacchitam caturassaghatikam ca pakkhipento viya vipassanam patthapetva atitthanto alagganto arahattam papunati, so puresankhatassa kammatthanabhinivesassa pacchasankhatassa arahattassa ca vasena paccha pure asankhittam vimuttam appanihitanti pajanati nama. Sarire pana padangulinam aggapabbani pure nama, sisakataham paccha nama. Tattha yo bhikkhu padangulinam aggapabbaatthikesu abhinivisitva byabhangiya yavakalapam mocento viya vannasanthanadisokasaparicchedavasena atthini parigganhanto antarakilesaparilahadinam uppattim varetva yava sisakataha bhavanam papeti, so puresankhatanam aggapadangulipabbanam pacchasankhatassa sisakatahassa ca vasena paccha pure asankhittam vimuttam appanihitanti pajanati nama. Desanayapi dvattimsakaradesanaya kesa pure nama, matthalungam paccha nama. Yo bhikkhu kesesu abhinivisitva vannasanthanadisokasavasena kesadayo parigganhanto antara kilesaparilahadinam uppatti varetva yava matthalunga

--------------------------------------------------------------------------------------------- page280.

Bhavanam papeti, so puresankhatanam kesanam pacchasankhatassa matthalungassa ca vasena paccha pure asankhittam vimuttam appanihitanti pajanati nama. Evam kho ananda appanidhaya bhavana hotiti evam ananda athapetva bhavana hoti. Imassa hi bhikkhuno yatha nama purisassa gulabharam labhitva attano gamam atiharantassa antara athapetva uccange pakkhittani gulakhandadini khadaniyani khadantassa attano gameyeva otaranam hoti, evameva arahattam papunitum araddhabhavanassa parilahadinam uppattim varetva kammatthanabhavana pavatta, tasma "appanidhaya bhavana"ti vutta. Tassa pana purisassa tam gulabharam attano gamam netva natihi saddhim paribhogo viya imassa bhikkhuno kammatthanam matthakam papetva arahattam pattassa phalasamapattisukhanubhavanam veditabbam. Imasmim sutte pubbabhagavipassana kathita. Sesam sabbattha uttanamevati. Ambapalivaggo pathamo. ----------------

The Pali Atthakatha in Roman Book 13 page 277-280. http://84000.org/tipitaka/atthapali/read_rm.php?B=13&A=6054&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=6054&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=251 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3778 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3689 The Pali Tipitaka in Roman Character :- http://84000.org/tipitaka/read/roman_read.php?B=18&A=3689 Contents of The Tipitaka Volume 18 http://84000.org/tipitaka/read/?index_18