AtthaPali Vol.13

9. Gilanasuttavannana [375] Navame veluvagamaketi vesaliya samipe evamnamako padagamo ^1- atthi, tasmim. Yathamittantiadisu mittati mittava. Sanditthati tattha tattha sangamma ditthamatta natidalhamitta. Sambhattati sutthu bhatta sinehavanto dalhamitta. Yesam yattha yattha evarupa bhikkhu atthi, te tattha tattha vassam upethati attho. Kasma evamaha? tesam phasuviharatthaya. Tesam kira veluvagamake senasanam nappahoti, bhikkhapi manda. Samanta vesaliya pana bahuni senasanani, bhikkhapi sulabha. Tasma evamaha. Atha kasma "yathasukham gacchatha"ti na vissajjesi? tesam anukampaya. Evam Kirassa ahosi "aham addhamasamattam ^2- thatva parinabbayissami. Sace ime duram gacchissanti mam parinibbanakale datthum na sakkhissati. Atha nesam `sattha parinibbayanto amhakam satimattampi na adasi. Sace janeyyama, na evam dure vaseyyama'ti vippatisaro bhaveyya. Vesaliya samanta pana vassam vasanta masassa attha vare agantva dhammam sunissanti, sugatovadam labhissanti"ti na vissajjesi. @Footnote: ¹ Si. dvaragamo ² cha.Ma. dasamasamattam

--------------------------------------------------------------------------------------------- page275.

Kharoti pharuso. Abadhoti visabhagarogo. Balhati balavatiyo. Maranantikati maranantam maranasantikam papanasamattha. Sato sampajano adhivasetiti satim supatthitam katva nanena paricchinditva adhivasesi. Avihannamanoti vedananuvattanavasena aparaparam parivattanam akaronto apiliyamano adukkhiyamano ca ^1- adhivasesi. Anamantetvati ajanapetva. Anapaloketvati ajanapetvava, ^2- ovadanusasanim adatvati vuttam hoti. Viriyenati pubbabhagaviriyena ceva phalasamapattiviriyena ca. Patipanametvati vikkhambhetva. Jivitasankharanti ettha jivitampi jivitasankharo. Yena jivitam sankhariyati chijjamanam ghatetva thapiyati, so phalasamapattidhammopi jivitasankharo. So idha adhippeto. Adhitathayati adhitthahitva pavattetva ^3- jivitathapanasamattham phalasamapattim samapajjeyyanti ayamettha sankhepattho. Kim pana bhagava ito pubbe phalasamapattim na samapajjatiti? samapajjati. Sa pana khanikasamapatti. Khanikasamapatti. Khanikasamapatti ca antosamapattiyamyeva vedanam vikkhambheti, samapattito vutthitamattassa katthapatena va kabalapatena va chinnasevalo viya udakam, puna sariram vedana ajjhottharati. Ya pana rupasattakanca niggumbam nijjatam katva mahavipassanavasena samapanna samapatti, sa sutthu vikkhambheti. Yatha nama purisena pokkharanim ogahetva hatthehi ca padehi ca sutthu apabyulhasevalo ^4- cirena udakam ottharati, evameva tato vutthitassa cirena vedana uppajjati. Iti bhagava tamdivasam mahabodhipallanke abhinavam ^5- vipassanam patthapento viya rupasattakam arupasattakanca niggumbam nijjatam katva cuddasahakarehi sannetva ^6- mahavipassanaya vedanam vikkhambhetva "dasa mase @Footnote: ¹ Ma. surakkhiyamanova ² Si. ananapetva, na apaloketva, su.vi. 2/164/148 @³ ka. pavatte ⁴ Ma. abyulhasevalo @⁵ Si. adhigatam ⁶ Si. santetva, Ma. sannayhitva

--------------------------------------------------------------------------------------------- page276.

Ma uppajjittha"ti samapattim samapajji, samapattivikkhambhita vedana dasa mase na uppajjiyeva. Gilana vutthitoti gilano hutva puna vutthito. Madhurakajato viyati sanjatagarubhavo sanjatathaddhabhavo sule uttasitapuriso viya. ^1- Na pakkhayantiti na pakasanti, nanakarato na upatthahanti. Dhammapi mam nappatibhantiti satipatthanadhamma mayham pakata na hontiti dipeti. Tantidhamma pana therassa suppaguna. Na udaharatiti pacchimaovadam na deti, tam sandhaya vadati. Anantaram abahiranti dhammavasena va puggalavasena va ubhayam akatva. "ettakam dhammam parassa na desessami"ti hi cintento dhammam antaram karoti nama, "ettakam parassa desessami"ti cintento bahiram karoti nama. "imassa puggalassa desessami"ti cintento pana puggalam abbhantaram karoti nama, "imassa na desessami"ti cintento puggalam bahiram karoti nama. Evam akatva desitoti attho. Acariyamutthiti yathabahirakanam acariyamutthi nama hoti, daharakale kassaci akathetva pacchimakale maranamance nipanna piyamanapassa antevasikassa kathenti, evam tathagatassa "idam mahallakakale pacchimathane ^2- kathessami"ti mutthim katva pariharitva thapitam kinci natthiti dasseti. Aham bhikkhusamghanti ahameva bhikkhusamgham pariharissamiti va. Mamuddesikoti va ahamuddisitabbatthena uddeso assati mamuddesiko, mamameva uddisitva mam paccasimsamano bhikkhusamgho hotu, mama accayena ma va ahosi, yam va tam va hotuti iti va pana yassa assati attho. Na evam hotiti bodhipallankeyeva issamaccheranam vigatatta evam na hoti. Sa kinti so kim. Asitikoti asitisamvacchariko, idam @Footnote: ¹ Si. uttasitasadiso viya ² Ma. pacchimaddhane

--------------------------------------------------------------------------------------------- page277.

Pacchimavayam anuppattabhavadipanattham vuttam. Vethamissakenati ^1- bahabandhacakkabandhadina patisankharanena ^2- vethamissakena. Manneti jarasakatam viya vethamissakena manne yapeti, arahattaphalavetthanena catuiriyapathakappanam tathagatassa hotiti dasseti. Idani tamattham pakasento yasmim ananda samayetiadimaha. Tattha sabbanimittananti rupanimittadinam. Ekaccanam vedanananti lokiyanam vedananam. Tasma tihanandati yasma imina phalasamapattiviharena phasu hoti, tasma tumhepi tadatthaya evam viharathati dasseti. Attadipati mahasamuddagata ^3- dipam viya attanam dipam patittham katva viharatha. Attasaranati attagatika hotha, ma annagatika. Dhammadipadhammasaranapadesupi eseva nayo. Ettha ca dhammoti navavidho lokuttaradhammo veditabbo. Tamataggeti ^4- tamaagge, majjhe takaro padasandhi vasena vutto, idam vuttam hoti:- ime aggatamati tamataggati. Evam ^5- sabbam tamasotam chinditva ativiya agge uttamabhave ete ananda mama bhikkhu bhavissanti, tesam ^6- agge bhavissanti. Yekeci sikkhakama, sabbesam tesam catusatipatthanagocara ca bhikkhu agge bhavissantiti arahattakutena desanam ganhatiti.

The Pali Atthakatha in Roman Book 13 page 274-277. http://84000.org/tipitaka/atthapali/read_rm.php?B=13&A=5979&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=5979&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=250 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3761 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3673 The Pali Tipitaka in Roman Character :- http://84000.org/tipitaka/read/roman_read.php?B=18&A=3673 Contents of The Tipitaka Volume 18 http://84000.org/tipitaka/read/?index_18