AtthaPali Vol.12

5. Nagarasuttavannana [65] Pancame namarupe kho sati vinnananti ettha "sankharesu sati vinnanan"ti ca "avijjaya sati sankhara"ti ca vattabbam bhaveyya, tadubhayampi na vuttam. Kasma? avijjasankhara hi tatiyo bhavo, tehi saddhim ayam vipassana na ghatiyati. Mahapuriso hi paccuppannapancavokaravasena abhinivitthoti. Nanu ca avijjasankharesu aditthesu na sakka buddhena bhavitunti. Saccam na sakka, imina pana te bhavaupadanatanhavasena ditthava. Tasma yatha nama godham anubandhanto puriso tam kupam pavittham disva otaretva ^3- pavitthatthanam khanitva godham gahetva pakkameyya, na parabhagam khaneyya, kasma? kassaci natthitaya. Evam mahapuriso godham anubandhanto puriso viya bodhipallanke nisinno @Footnote: ¹ ka. gahetva ² cha.Ma. kannike @³ Si. otaritva

--------------------------------------------------------------------------------------------- page131.

Jaramaranato patthaya "imassa ayam paccayo, imassa ayam paccayo"ti pariyesanto yava namarupadhammanam paccayam disva tassapi paccayam pariyesanto vinnanameva addasa. Tato "ettako ^1- pancavokarabhavavasena sammasanacaro"ti ^2- vipassanam patinivattesi, parato tucchakupassa abhindanatthanam ^3- viya avijjasankharadvayam atthi. Tadetam hettha vipassanaya gahitatta patiyekkam sammasanupagam na hotiti na aggahesi. Paccudavattatiti patinivattati. Katamam panettha vinnanam paccudavattatiti? Patisandhivinnanampi vipassanavinnanampi. ^4- Tattha patisandhivinnanam paccayato patinivattati, vipassanavinnanam ^5- arammanato. Ubhayampi namarupam natikkamati, namarupato param na gacchati. Ettavata jayetha vatiadisu vinnane namarupassa paccaye honte, namarupe vinnanassa paccaye honte, dvisupi annamannapaccayesu hontesu ettakena jayetha va upapajjetha va. Ito hi param yankinci annam jayeyya va upapajjeyya va, ^6- nanu etadeva jayati ca upapajjati cati. Evam saddhim aparaparacutipatisandhihi pancupadanani ^7- dassetva puna tam ettavatati vuttamattham niyyadento yadidam namarupapaccaya vinnanam, vinnanapaccaya namarupanti vatva tato param anulomapaccayakaravasena vinnanapaccaya namarupamulakam ayatijaramaranam ^8- dassetum namarupapaccaya salayatanantiadimaha. @Footnote: ¹ Ma. ettake ² Ma. sammasanam karoti @³ cha.Ma. abhinnatthanam ⁴ Si. vipassanananampi @⁵ Si. vipassanananam ⁶ cha.Ma., i. kimannam jayetha va upapajjetha va @⁷ cha.Ma. panca padani, i. paccudanam ⁸ ka. ayatimpi jatijaramaranam

--------------------------------------------------------------------------------------------- page132.

Anjasanti maggasseva vevacanam. Udapagatanti ^1- apato uggatatta udapagatanti ^2- laddhavoharena pakaravatthuna samannagatam. Ramaniyanti samanta catunnam dvaranam abbhantare ca nanabhandanam sampattiya ramaniyam. Mapehiti mahajanam pesetva vasam karehi. Mapeyyati vasam kareyya. Karenato ca pathamam attharasa manussakotiyo pesetva "sampunnan"ti pucchitva "na tava sampunnan"ti vutte aparani panca kulani peseyya. Puna pucchitva "na tava sampunnan"ti vutte aparani pancapannasa kulani peseyya. Puna pucchitva "na tava sampunnan"ti vutte aparani timsakulani peseyya. Puna pucchitva "na tava sampunnan"ti vutte aparam kulasahassam peseyya. Puna pucchitva "na tava sampunnan"ti vutte aparani ekadasanahutani kulani peseyya. Puna pucchitva "na tava sampunnan"ti vutte aparani caturasiti kulasahassani peseyya. Puna "sampunnan"ti pucchite "maharaja kim vadesi, mahantam nagaram asambadham, imina nayena kulani pesetva na sakka puretum, bherim carapetva ^3- `amhakam nagaram imaya ca imaya ca sampattiya sampannam, ye tattha vasitukama, yathasukham gacchantu, imancimanca pariharam labhissanti'ti nagarassa ceva vannam lokassa ca pariharalabham ghosapetha"ti vadeyya. So evam kareyya. Tato manussa nagaragunanceva pariharalabhanca sutva sabbadisahi samosaritva nagaram pureyyum. Tam aparena samayena iddhanceva assa phitanca. Tam sandhaya tadassa nagaram aparena samayena iddhanceva phitancatiadi vuttam. Tattha iddhanti samiddham subhikkham. Phitanti sabbasampattihi vaddhitam. ^4- Bahujannanta bahuhi natabbam, bahujananam hitam va. "bahujanan"tipi patho. Akinnamanussanti manussehi akinnam nirantaram phuttham. Vuddhivepullappattanti vuddhippattanceva @Footnote: ¹ cha.Ma. uddhapavantanti ² Si., i. uddapanti @³ cha.Ma., i. bherim pana carapetva ⁴ cha.Ma., i pupphitam

--------------------------------------------------------------------------------------------- page133.

Vepullappattanca, setthabhavanceva vipulabhavanca pattam, dasasahassacakkavale agganagaram jatanti attho. Evameva khoti ettha idam opammasamsandanam:- arannapavane caramanapuriso viya hi dipankarapadamulato patthaya paramiyo purayamano mahapuriso dakthabbo, tassa purisassa pubbakehi manussehi anuyatamaggadassanam viya mahasattassa anupubbena bodhipallanke nisinnassa pubbabhage atthangikassa vipassanamaggassa dassanam, purisassa tam ekapadikamaggam anugacchato aparabhage mahamaggadassanam viya mahasattassa upari vipassanaya cinnante lokuttaramaggadassanam, purisassa tena ^1- maggena gacchato purato nagaradassanam viya tathagatassa nibbananagaradassanam, bahiranagaram panettha annena dittham, annena manussavasam katam, nibbananagaram sattha sayameva passi, sayam vasamakasi. Tassa purisassa catunnam dvaranam ditthakalo viya tathagatassa catunnam magganam ditthakalo, tassa catuhi dvarehi nagaram pavitthakalo viya tathagatassa catuhi maggehi nibbanam pavitthakalo, tassa nagarabbhantare bhandavavatthanakalo viya tathagatassa paccavekkhanananena paropannasakusaladhammavavatthanakalo. Nagarassa avasakaranattham ^2- kulapariyesanakalo viya satthu phalasamapattito vutthaya veneyyasatte volokanakalo, tena purisena yacitassa ranno ekam mahakutumbikam ditthakalo, ranno mahakutambikam pakkosapetva "nagaravasam karohi"ti pahitakalo viya bhagavato ekasmim pacchabhatte attharasayojanamaggam gantva asalhapunnamidivase ^4- baranasiyam isipatanam pavisitva theram kayasakkhim katva dhammam desitakalo, mahakutumbikena attharasa purisakotiyo @Footnote: ¹ cha.Ma., i. teneva ² cha.Ma., i. agarakaranattham @³ cha.Ma. annasikondannattheram ⁴ cha.Ma. asalhipunnamadivase

--------------------------------------------------------------------------------------------- page134.

Gahetva nagaram ajjhavutthakalo viya tathagatena dhammacakke pavattite therassa attharasahi brahmakotihi saddhim sotapattiphale patitthitakalo, evam nibbananagaram pathamam avasitam, tato sampunnam nagaranti pucchitva na tavati vutte panca kulani adim katva yava caturasitikulasahassapesanam viya tathagatassa pancamadivasato patthaya anattalakkhanasuttadini desetva pancavaggiye adim katva yasapamukha pancapannasakulaputta timsabhaddavaggiya sahassapuranajatila bimbisarapamukhani ekadasapurisanahutani tirokuddanumodane caturasitisahassaniti ettakassa janassa ariyamaggam otaretva nibbananagaram pesitakalo, atha tena nayena nagare apuriyamane bherim carapetva ^1- nagarassa vannaghosanam kulanam pariharalabhaghosanam viya ^2- masassa attha divase tattha tattha nisiditva dhammakathikanam nibbanavannassa ceva nibbanappattanam jatikantaradinittharanaanisamsassa ca ghosanam, tato sabbadisahi agantva manussanam nagarasamosaranam viya tattha tattha dhammakatham sutva tato ^3- nikkhamitva pabbajjam adim katva anulomapatipadam patipannanam aparimananam kulaputtanam nibbanasamosaranam datthabbam. Puranamagganti ariyam atthangikam maggam. Ayam hi ariyamaggo pavaranasutte ^4- avattamanakatthena "anuppannamaggo"ti vutto, imasmim sutte avalanjanatthena "puranamaggo"ti. Brahmacariyanti sikkhattayasangaham sakalasasanam. Iddhanti jhanassadena samiddham subhikkham, phitanti abhinnabharanehi pupphitam. Vittharikanti vitthinnam. Bahujannanti bahujanavinneyyam. Yava devamanussehi supakasitanti yava dasasahassacakkavale devamanussehi paricchedo atthi, etasmim antare supakasitam sudesitam tathagatenati. Pancamam. @Footnote: ¹ cha.Ma., i. carapetva ² cha.Ma., i. viya ca ³ cha.Ma., i. tato tato @⁴ sam.sa. 15/215/230

The Pali Atthakatha in Roman Book 12 page 130-134. http://84000.org/tipitaka/atthapali/read_rm.php?B=12&A=2916&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=2916&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=250 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2780 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2546 The Pali Tipitaka in Roman Character :- http://84000.org/tipitaka/read/roman_read.php?B=16&A=2546 Contents of The Tipitaka Volume 16 http://84000.org/tipitaka/read/?index_16