AtthaPali Vol.12

4. Atthiragasuttavannana [64] Catutthe ragotiadini lobhasseva namani. So hi rajanavasena ^1- rago, nandanavasena nandi, tanhayanavasena tanhati vuccati. Patitthitam tattha vinnanam virulhanti kammam jirapetva ^2- patisandhiakaddhanasamatthataya patitthitanceva virulhanca. Yatthati tebhumikavatte bhummam, sabbattha va purimapurimapade etam bhummam. Atthi tattha sankharanam vuddhiti idam imasmim vipakavatte thitassa ayatim vattahetuke sankhare sandhaya vuttam. Yattha atthi ayatim punabbhavabhinibbattiti yasmim thane ayatim punabbhavabhinibbatti atthi. Evameva khoti ettha idam opammasamsandanam:- rajakacittakara viya hi sahakammasambharakammam, phalakabhittidussapatam ^3- viya tebhumikavattam. Yatha rajakacittakara parisuddhesu phalakadisu rupam sasamutthapenti, evameva sasambharakakammam bhavesu rupam samutthapeti. Tattha yatha akusalena cittakarena samutthapitam rupam virupam hoti dussanthitam amanapam, evameva ekacco kammam karonto nanavippayuttena cittena karoti, tam kammam rupam samutthapentam cakkhadinam sampattim adatva dubbannam dussanthitam ^4- matapitunampi amanapam rupam samutthapeti. Yatha pana kusalena cittakarena samutthapitam rupam surupam hoti karonto susanthitam manapam, evameva ekacco kammam karonto nanasampayuttena cittena karoti, tam kammam samutthapentam cakkhadinam sampattim datva suvannam susanthitam alankatapatiyattam viya rupam samutthapeti. @Footnote: ¹ cha.Ma. ranjanavasena ² cha.Ma.,i. javapetva @³ cha.Ma. phalakabhittidussapata ⁴ Si. dussanthanam

--------------------------------------------------------------------------------------------- page130.

Ettha ca aharam vinnanena saddhim sankhipitva aharanamarupanam antare eko sandhi, vipakavidhim namarupena sankhipitva namarupasankharanam antare eko sandhi, sankharananca ayatibhavassa ca antare eko sandhiti veditabbo. Kutagaranti ekam kannikam gahapetva ^1- katam agaram. Kutagarasalati dve kannika ^2- gahetva katasala. Evameva khoti ettha khinasavassa kammam suriyarasmisamam veditabbam. Suriyarasmi pana atthi, sa kevalam patitthaya abhavena apatittha nama jata, khinasavassa kammam natthitaya eva apatittham. Tassa hi kayadayo atthi, tehipi pana katakammam kusalakusalam nama na hoti, kiriyamatte thatva avipakam hoti, evamassa kammam natthitaya eva apatittham nama jatanti. Catuttham.

The Pali Atthakatha in Roman Book 12 page 129-130. http://84000.org/tipitaka/atthapali/read_rm.php?B=12&A=2886&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=2886&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=245 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=2697 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=2466 The Pali Tipitaka in Roman Character :- http://84000.org/tipitaka/read/roman_read.php?B=16&A=2466 Contents of The Tipitaka Volume 16 http://84000.org/tipitaka/read/?index_16