AtthaPali Vol.11

10. ^*- bahudhitisuttavannana [196] Dasame annatarasmim vanasandeti paccusasamaye lokam volokento tassa brahmanassa arahattassa upanissayam disva "gacchamissa sangaham karissami"ti gantva tasmim vanasande viharati. Nattha hontiti kasitva visattha atavimukha caramana brahmane bhunjitum gate palata honti. Pallankanti samantato urubaddhasanam. Abhujitvati bandhitva. Ujum kayam panidhayati uparimam sariram ujukam thapetva attharasa pitthikantake kotiya kotim patipadetva. Parimukham satim upatthapetvati kammatthanabhimukham satim thapayitva, mukhasamipe va katvati attho. Teneva vibhange vuttam "ayam sati upatthita hoti supatthita nasikagge va mukhanimitte va, tena vuccati parimukham satim upatthapetva"ti. ^5- Athava "pariti pariggahattho. Mukhanti niyyanattho. Satiti upatthanattho. Tena vuccati parimukham satim upatthapetva"ti patisamabhidayam ^6- vuttanayena cettha ^7- attho datthabbo. Tatrayam sankhepo "pariggahitaniyyanam satim katva"ti. Evam nisidanto ca pana chabbanna @Footnote: ¹ cha.Ma., i. etam ² cha.Ma., i. paticchannoti ³ cha.Ma., i. saretva @⁴ cha.Ma. vati ^* cha.Ma. bahudhitarasutta.... ⁵ abhi. vibhanga. 35/537/304 jhanavibhanga @⁶ khu. pati. 31/388/264 anapanakatha(sya) ⁷ cha.Ma. vuttanayenapettha

--------------------------------------------------------------------------------------------- page227.

Ghanabuddharasmiyo vissajjetva nisidi. Upasankamiti domanassabhibhuto ahindanto "sukhena vatayam samano gotamo ^1- nisinno"ti cintetva upasankami. Ajjasatthim na dissantiti ajja chadivasamattaka patthaya na dissanti. Papakati lamaka tilakhanuka. Tena kira tilakhette vapite ^2- tadaheva devo vassitva tile pamsumhi osidapesi, puppham va phalam va gahetum nasakkhimsu. Yepi vaddhimsu, tesam upari panaka patitva pannadim ^3- khadimsu, ekapanna dupanna khanuka avasissimsu. Brahmano khettam oloketum gato te disva "vaddhiya me tila gahita, tepi nattha"ti domanassajato ahosi, tam gahetva imam gathamaha. Ussolhikayati ussahena kannanangutthadini ukkhipitva vicaranta ^4- uppatita. ^5- Tassa kira anupubbena bhogesu parikkhinesu pakkhipitabbassa abhavena tucchakottha ahesum. Tassa ito cito ca sattahi gharehi agata musika te tucchakotthe ^6- pavisitva uyyanakilitam ^7- kilanta viya naccanti, tam gahetva evamaha. Uppadakehi ^8- sanchannoti uppadakapanakehi ^9- sanchanno. Tassa kira brahmanassa sayanatthaya santhatam tinapannasantharam ^10- koci antarantara patijagganto natthi. So divasam aranne kammam katva sayam agantva tasmim nipajjati. Athassa ca ^11- uppadaka panaka sariram ekacchannam karonta khadanti, tam gahetva evamaha. Vidhavati matapatika. Yava kira tassa brahmanassa gehe vibhavamatta ^12- ahosi, tava ta vidhavapi hutva patikulesu vasitum labhimsu. Yatha pana so niddhano jato, tada ta "pitu gharam ^13- gacchatha"ti sassusasuradihi nikkaddhita tato tasseva gharam agantva vasantiyo brahmanassa bhojanakale "gacchatha ayyakena @Footnote: ¹ cha.Ma., i. ayam patho na dissati ² ka. vapite ³ cha.Ma., i.pannani @⁴ Si. varavanta ⁵ cha.Ma., i. uppatanti ⁶ Ma. tucchakotthani @⁷ cha.Ma. uyyanakilam ⁸ cha.Ma. uppatakehi ⁹ cha.Ma. uppataka... @¹⁰ cha.Ma....santharam ¹¹ cha.Ma. ca-saddo na dissati ¹² cha.Ma. vibhavappatta @¹³ Si. matapitugharam

--------------------------------------------------------------------------------------------- page228.

Saddhim bhunjatha"ti puttam pesenti, tesam hi ^1- catiyam atthesu otaritesu yo brahmano hatthassa okasampi na labhati. Tam gahetva imam gathamaha. Pingalati kalarapingala. Tilakahatati kalasetadivannehi tilakehi ahatagatta. Sottam padena pothetiti ^2- niddam okkantam padena paharitva pabodheti. Ayam kira brahmano musikasaddena ubbalho uppadakehi ca khajjamano sabbarattim niddam alabhitva paccusakale niddayati. Atha nam akkhisu nimmilitamattesveva "kim karosi brahmana, paccha ca pubbe ca gahitassa inassa vaddhi matthakam patta, satta dhitaro posetabba, idani inayika agantva geham parivaressanti, gaccha kammam karohi"ti padena paharitva pabodheti. Tam gahetva imam gathamaha. Inayikati yesam anena hatthato inam gahitam. So kira kassaci hatthato ekam kassaci dve kassaci dasa .pe. Kassaci satanti evam bahunnam hatthato inam aggahesi, te diva brahmanam apassanta "gehato tam nikkhantameva ganhissama"ti balavapaccuse gantva codenti. Tam gahetva imam gathamaha. Bhagava tena brahmanena imahi sattahi gathahi dukkhe kathite "yam yam brahmana taya dukakham kathitam, sabbametam mayham natthi"ti dassento patigathahi brahmanassa dhammadesanam vaddhesi. Brahmano ta gatha sutva bhagavati pasanno saranesu patitthaya pabbajitva arahattam papuni. ^3- Tam dassetum evam vutte bharadvajotiadi ^4- vuttam. Tattha alatthati labhi. Tam ca pana brahmanam bhagava pabbajetva adaya jetavanam gantva punadivase tena therena pacchasamanena kosalaranno gehadvaram agamasi. Raja "sattha agato"ti sutva pasada oruyha vanditva hatthato pattam gahetva tathagatam upari pasadam aropetva varasane nisidapetva gandhodakena pade dhovitva satapakatelena makkhetva yagum aharapetva rajatadandam suvannakatacchum gahetva satthu upanamesi. Satha hatthena pattam pidahi. Raja tathagatassa @Footnote: ¹ cha.Ma. tehi ² cha.Ma. bodhetiti ³ ka. papuniti ⁴ cha.Ma. bharadvajagottotiadi

--------------------------------------------------------------------------------------------- page229.

Padesu nipatitva "sace me bhante doso atthi, khamatha"ti aha. Natthi maharajati. Atha kasma yagum na ganhathati. Palibodho atthi maharajati. Kim pana bhante yagum aganhanteheva labhitabbo esa palibodho, patibalo aham palibodham katum, ^1- yagum ^2- ganhatha bhanteti. Sattha aggahesi. Mahallakattheropi digharattam chato yavadattham yagum pivi. Raja khadaniyam bhojaniyam datva bhattakiccavasane bhagavantam vanditva aha:- "bhagava tumhe paveniya agate okkakavamse uppajjitva cakkavattisirim pahaya pabbajitva loke aggatam patto, ko nama bhante tumhakam palibodho"ti. Maharaja etassa mahallakattherassa palibodho amhakam palibodhasadisovati. Raja theram vanditva "ko bhante tumhakam palibodho"ti pucchi. Inapalibodho maharajati. Kittako bhanteti. Ganehi maharajati. Ranno "ekam dve satam sahassan"ti ganentassa anguliyo nappahonti. Athekam purisam pakkositva "gaccha bhane nagare bherim carapehi `sabbe bahudhitikabrahmanassa inayika rajangane sannipatantu"ti. Manussa bherim sutva sannipatimsu. Raja tesam hatthato pannani aharapetva sabbesam anunam dhanamadasi. Tattha suvannameva satasahassagghanikam ahosi. Puna raja pucchi "annopi atthi bhante palibodho"ti. Inam nama maharaja datva pucchitum sakkoti, ^3- eta pana satta darika mahapalibodha mayhanti. Raja yanani pesetva tassa dhitaro aharapetva attano dhitaro katva tam tam patikulagharam ^4- pesetva "annopi bhante atthi palibodho"ti pucchi. Brahmani maharajati. Raja yanam pesetva tassa brahmanim aharapetva ayyikatthane thapetva puna pucchi "annopi bhante atthi palibodho"ti. Natthi maharajati vutte rajapi civaradussani dapetva "bhante mama santakam tumhakam bhikkhubhavam janatha"ti aha. Ama maharajati. Atha nam raja aha "bhante civarapindapatadayopi sabbe paccaya amhakam santaka @Footnote: ¹ cha.Ma. datum ² cha.Ma. ayam patho na dissati @³ cha.Ma. muccitum sakka ⁴ cha.Ma. kulagharam

--------------------------------------------------------------------------------------------- page230.

Bhavissanti, tumhe tathagatassa manam gahetva samanadhammam karotha"ti. Thero tatheva appatto samanadhammam karonto nacirasseva asavakkhayam pattoti. Dasamam. Arahantavaggo pathamo. ----------------

The Pali Atthakatha in Roman Book 11 page 226-230. http://84000.org/tipitaka/atthapali/read_rm.php?B=11&A=5871&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5871&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=667 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=5493 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4868 The Pali Tipitaka in Roman Character :- http://84000.org/tipitaka/read/roman_read.php?B=15&A=4868 Contents of The Tipitaka Volume 15 http://84000.org/tipitaka/read/?index_15