AtthaPali Vol.11

10. Kokalikasuttavannana [181] Dasame kokaliko bhikkhu yena bhagava tenupasankamiti ko ayam kokaliko, kasma ca upasankami? ayam kira kokalikaratthe kokalike nagare kokalikasetthissa putto pabbajitva pitara karapite vihare pativasati culakokalikoti namena, na devadattassa sisso. Sopi ^4- brahmanaputto mahakokaliko nama. Bhagavati pana savatthiyam viharante dve aggasavaka pancamattehi bhikkhusatehi saddhim janapadacarikancaramana upakatthaya vassupanayikaya vivekavasam vasitukama te bhikkhu uyyojetva attano pattacivaramadaya tasmim janapade tam nagaram patva tam viharam agamamsu. Tattha ca ^5- nesam kokaliko vattam dassesi. Te tena saddhim sammoditva "avuso mayam idha temasam vasissama, ma kassaci arocesi"ti ^6- patinnam gahetva vasimsu. Vasitva pavaranadivase pavaretva "gacchama mayam avuso"ti kokalikam apucchimsu. Kokaliko "ajjekadivasam avuso vasitva sve gamissatha"ti vatva dutiyadivase nagaram pavisitva manusse amantesi "avuso tumhe aggasavake idhagantva vasamanepi na janatha, na koci ^7- paccayenapi nimanteti"ti. Nagaravasino "kaham bhante thera, kasma no na @Footnote: ¹ cha.Ma. padusseyya, i. paduseyya ² Ma. mahattataro ³ cha.Ma. ca-saddo na dissati @⁴ cha.Ma. so hi ⁵ cha.Ma. ca-saddo na dissati @⁶ cha.Ma. arocehiti ⁷ cha.Ma. na ne koci

--------------------------------------------------------------------------------------------- page206.

Arocayittha"ti. Kim avuso arocitena, kim na passatha dve bhikkhu therasane nisidante, ete aggasavakati. Te khippam sannipatitva sappiphanitadini ceva civaradussani ca samharimsu. Kokaliko cintesi "paramappiccha aggasavaka payuttavacaya uppannam labham na sadiyissanti, asadiyanta `avasikassa detha'ti vakkhanti"ti te ^1- labham gahapetva theranam santikam agamasi. Thera disvava "ime paccaya neva amhakam, na kokalikassa kappanti"ti patikkhipitva pakkamimsu. Kokaliko "katham hi nama attana aganhanta mayhampi adapetva pakkamissanti"ti aghatam uppadesi. Tepi bhagavato santikam gantva bhagavantam vanditva puna attano parisam adaya janapadacarikancaranta anupubbena tasmim ratthe tameva nagaram paccagamimsu. Nagara there sanjanitva saha parikkharehi danam sajjetva nagaramajjhe mandapam katva danam adamsu, therananca parikkhare upanamesum. Thera bhikkhusamghassa niyyatayimsu. Tam disva kokaliko cintesi "ime pubbe appiccha ahesum, idani papiccha jata, pubbepi appicchasantutthapavivittasadisava manne"ti there upasankamitva "avuso tumhe pubbe appiccha viya, idani pana papabhikkhu jata"ti vatva "mulatthaneyeva nesam patittham bhindissami"ti taramanarupo nikkhamitva savatthim gantva yena bhagava tenupasankami. Ayamesa ^2- kokaliko iminava ^3- karanena upasankamiti veditabbo. Bhagava tam turitaturitam agacchantam disvava avajjento annasi "ayam aggasavake akkositukamo agato"ti. "sakka nu kho patisedhetun"ti ca avajjento "na sakka patisedhetum, theresu aparajjhitva kalakato ekamsena padumaniraye nibbattissati"ti disva "sariputtamoggallanepi nama ^4- garahantam sutva na nisedheti"ti vadamocanattham ariyupavadassa ca mahasavajjadassanattham ^5- ma hevanti tikkhattum patisedhesi. Tattha ma hevanti ma hi evam abhani. @Footnote: ¹ cha.Ma. tam tam ² cha.Ma. ayameva ³ cha.Ma., i. imina ca @⁴ Si. nama param, ka. aparam ⁵ cha.Ma. mahasavajjabhavadassanattham

--------------------------------------------------------------------------------------------- page207.

Saddhayikoti saddhaya akaro pasadavaho, saddhatabbavacano va. Paccayikoti patiyayitabbavacano. Pakkamiti kammanubhavena codiyamano pakkami. Okasakatam hi kammam na sakka patibahitum, tam tassa tattha thatum na adasi. Acirapakkantassati pakkantassa sato nacireneva. Sabbo kayo phuttho ^1- ahositi kesaggamattampi okasam avajjitva ^2- sakalasariram atthini bhinditva uggatahi pilakahi ajjhotthatam ahosi. Yasma pana buddhanubhavena tatharupam kammam buddhanam sammukhibhave vipakam na deti, dassanupacare vijahitamatte deti, tasma tassa acirapakkantassa pilaka utthahimsu. Kalayamattiyoti valakamattiyo. ^3- Veluvasalatukamattiyoti tarunaveluvamattiyo. Pabhijjimsuti bhijjimsu. Tasu bhinnasu sakalasariram panassa pakkam viya ahosi. So pakkena gattena jetavanadvarakotthake visakalikato maccho viya kadalipattesu sayi. Atha dhammassavanattham agatagata manussapi "kokaliko ^4- ayuttamakasi, attanoyeva vasimukham nissaya anayabyasanam patto"ti ahamsu. Tesam sutva arakkhadevata dhikaram akamsu. Arakkhadevatanam akasadevatati imina upayena yava akanitthabhavana ekadhikkaro udapadi. Athassa upajjhayo agantva ovadam aganhantam natva garahitva pakkami. Kalamakasiti upajjhaye pakkante kalamakasi. Padumanirayanti patiyekko padumanirayo nama natthi, avicimahanirayamhiyeva padumagananaya pacitabbe ekasmim thane nibbatti. Visatikharikoti magadhikena patthena cattaro pattha kosalaratthe ekapattho hoti, tena patthena cattaro pattha alhakam, cattari alhakani donam, caturo dona manika, catumanika khari, taya khariya visatikhariko. Tilavahoti magadhikanam ^5- sukhumatilanam tilasakatam. Abbudo nirayoti abbudo nama patiyekko nirayo natthi, avicimhiyeva pana abbudagananaya pacitabbatthanassetam namam. Nirabbudadisupi eseva nayo. @Footnote: ¹ cha.Ma. phuto ² cha.Ma., i. avajjetva ³ cha. canakamattiyo Ma. calakamattiyo @⁴ cha.Ma. dhi kokalika, dhi kokalika ⁵ cha.Ma., i. magadhakanam

--------------------------------------------------------------------------------------------- page208.

Vassagananapi panettha evam veditabba:- yatheva hi satam satasahassanam ^1- koti hoti, evam satam satasahassakotiyo pakoti nama hoti, satam satasahassapakotiyo kotippakoti nama, satam satasahassakotippakotiyo nahutam, satam satasahassanahutani ninnahutam, satam satasahassaninnahutani ekam abbudam, tato visatigunam nirabbudam. Eseva nayo sabbatthati. Dasamam. Pathamo vaggo. ---------

The Pali Atthakatha in Roman Book 11 page 205-208. http://84000.org/tipitaka/atthapali/read_rm.php?B=11&A=5329&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=5329&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=598 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=4844 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=4288 The Pali Tipitaka in Roman Character :- http://84000.org/tipitaka/read/roman_read.php?B=15&A=4288 Contents of The Tipitaka Volume 15 http://84000.org/tipitaka/read/?index_15