AtthaPali Vol.11

10. Dutiyaaputtakasuttavannana [131] Dasame pindapatena patipadesiti pindapatena saddhim samyojesi, pindapatam adasiti attho. Pakkamiti kenacideva rajupatthanadikiccena gato. @Footnote: ¹ cha.Ma. vavassaggatthe ² Si. ghanakassa ³ cha.Ma., i. pana ko ⁴ cha.Ma., i. kanajakanti @⁵ cha.Ma., i. sakundakabhattam ⁶ cha.Ma., i. nibbattatthanesu ⁷ cha.Ma. setodaka @⁸ cha.Ma. ayam patho na dissati ⁹ cha.Ma. attana kattabbakiccakaro

--------------------------------------------------------------------------------------------- page153.

Paccha vippatisari ahositi so kira annesupi divasesu tam paccekasambuddham passati, datumpanassa cittam na uppajjati. Tasmim pana divase ayam padumavatideviya tatiyaputto tagarasikhi paccekasambuddho gandhamadanapabbate phalasamapattisukhena vitinametva pubbanhasamaye vutthaya anotattadahe mukham dhovitva manosilatale nivasetva kayabandhanam bandhitva pattacivaramadaya abhinnapadakam catutthajjhanam samapajjitva iddhiya vehasam abbhuggantva nagaradvare oruyha civaram parupitva pattamadaya nagaravasinam nagaradvaresu ^1- sahassabhandikam thapento viya pasadikehi abhikkantadihi anupubbena setthino gharadvaram sampatto. Tamdivasanca setthi patova utthaya panitabhojanam bhunjitva gharadvarakotthake asanam pannapetva dantantarani sodhento nisinno hoti. So paccekasambuddham disva tamdivasam pato bhutva nisinnatta danacittam uppadetva bhariyam pakkosapetva "imassa samanassa pindapatam dehi"ti vatva pakkami. Setthibhariya cintesi "maya ettakena kalena imassa `detha'ti vacanam na sutapubbam, dapentopi ca ajja na yassa va tassa va dapeti, vitaragadosamohassa vantakilesassa ohitabharassa paccekasambuddhassa dapeti, yam va tam va adatva panitam pindapatam dassami"ti ghara nikkhamma paccekasambuddham pancapatitthitena vanditva pattam adaya antonivesane pannattasane nisidapetva suparisuddhehi salitandulehi bhattam sampadetva tadanurupam khadaniyabyanjanam supeyyanca sallakkhetva ^2- bahi gandhehi alankaritva ^3- paccekabuddhassa hatthesu patitthapetva vandi. Paccekabuddho "annesampi paccekabuddhanam sangaham karissami"ti aparibhunkhitvava anumodanam katva pakkami. Sopi kho setthi bahirato agacchanto paccekabuddham disva mayam "tumhakam pindapatam detha"ti vatva pakkanta, apica kho ^4- laddhoti. Ama setthi laddhoti. "passami"ti givam ukkhipitva olokesi. Athassa pindapatagandho utthahitva nasaputam pahari. So cittam samyametum asakkonto paccha vippatisari ahositi. @Footnote: ¹ cha.Ma. gharadvaresu ² cha.Ma., i. sallakkhetva pattam puretva @³ cha.Ma. samalankaritva ⁴ cha.Ma., i. api vo

--------------------------------------------------------------------------------------------- page154.

Varametantiadi vippatisarassa uppannakarassa dassanam. Bhatu ca pana ekaputtakam sapateyyassa karana jivita voropesiti tada kirassa avibhatteyeva kutumbe matapitaro ca jetthabhata ca kalamakamsu. So bhatujayaya saddhimyeva samvasam kappesi. Bhatu panassa eko putto hoti, tam vithiya kilantam manussa vadanti "ayam daso ayam dasi idam yanam idam dhanam tava santakan"ti. So tesam katham gahetva "ayandani ^1- mayhan"tiadini ^2- katheti. Athassa culapita cintesi "ayam darako idaneva evam katheti, ^3- mahallakakale kutumbam majjhe chindapeyya, ^4- idanevassa kattabbam karissami"ti ekadivasam vasim adaya "ehi putta arannam gacchama"ti tam arannam netva viravantam viravantam maretva avate pakkhipitva pamsuna paticchadesi. Idam sandhayetam vuttam. Sattakkhattunti satta vare. Pubbapacchimacetanavasena cettha attho veditabbo. Ekapindapatadanasmim hi ekava cetana dve patisandhiyo na deti, pubbapacchimacetanahi panesa sattakkhattum sagge, sattakkhattum setthikule nibbatto. Purananti paccekabuddhassa dinnapindapatacetanakammam. Pariggahanti pariggahitavatthu. Anujivinoti ekam mahakulam nissaya pannasampi satthipi kulani jivanti, te manusse sandhayetam vuttam. Sabbannadaya gantabbanti sabbametam na adiyitva gantabbam. Sabbam nikkhepagaminanti ^5- sabbametam nikkhepasabhavam, ^6- pariccajitabbasabhavamevati attho. Dasamam. Dutiyo vaggo. ---------- @Footnote: ¹ cha.Ma. ayam daso, Si. ayam dasi ² cha.Ma. mayham santakantiadini ³ cha.Ma. kathesi @⁴ cha.Ma., i. bhindapeyya ⁵ cha.Ma. sabbam nikkhippagaminanti @⁶ cha.Ma. nikkhippasabhavam

The Pali Atthakatha in Roman Book 11 page 152-154. http://84000.org/tipitaka/atthapali/read_rm.php?B=11&A=3985&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=3985&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=390 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=2927 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=2564 The Pali Tipitaka in Roman Character :- http://84000.org/tipitaka/read/roman_read.php?B=15&A=2564 Contents of The Tipitaka Volume 15 http://84000.org/tipitaka/read/?index_15