AtthaPali Vol.11

7. Subrahmasuttavannana [98] Sattame subrahmati so kira devaputto accharasanghaparivuto nandanakilikam ^2- gantva parichattakamule pannattasane nisidi. Tam pancasata devadhitaro parivaretva nisinna, pancasata rukkham abhirulha. ^3- Nanu ca devatanam cittavasena yojanasatikopi rukkho namitva hattham agacchati, kasma ta abhirulhati. Khiddapasuttaya. Abhiruyha pana madhurassarena gayitva ^3- pupphani patenti, tani gahetva itara ekatovantikamaladivasena ganthenti. Atha rukkham abhirulha upacchedakakammavasena ekappahareneva kalam katva avicimhi nibbatta mahadukkham anubhavanti. @Footnote: ¹ cha.Ma., i. analambane ² Ma. nandanavanakilitam ³ cha.Ma., i. gayitva gayitva

--------------------------------------------------------------------------------------------- page107.

Atha kale gacchante devaputto "imasam neva saddo suyyati, na pupphani patenti, kaham nukho gata"ti avajjento niraye nibbattabhavam disva piyavatthukasokena ruppamano cintesi "ettavata ^1- yathakammena gata, mayham ayusankharo kittako"ti. So "sattame divase maya ^2- avasesahi pancasatahi saddhim kalam katva tattheva nibbattitabban"ti disva balavatarena sokena ruppi. So "imam mayham sokam sadevake loke annatra tathagata nibbapetum ^3- samattho nama natthi"ti cintetva satthu santikam gantva niccam utrastanti gathamaha. Tattha idanti attano cittam dasseti. Dutiyapadam purimasseva vevacanam. Niccanti ca padassa devaloke nibbattakalato patthayati attho na gahetabbo, sokuppattikalato pana patthaya niccanti veditabbam. Anuppannesu kiccesuti ito sattahaccayena yani dukkhani uppajjissanti, tesu. Atho uppattitesu cati yani pancasatanam accharanam niraye nibbattanam ditthani, tesu cati evam imesu uppannanuppannesu dukkhesu niccam mama utrastam cittam, abbhantare dayhamano viya homi bhagavati dasseti. Nannatra bojjhangatapasati ^4- bojjhangabhavananca tapogunanca muncitva annatra ^5- sotthim na passamiti attho. Sabbanissaggati nibbanato. Ettha ca ^6- kincapi bojjhangabhavana pathamam gahita, indriyasamvaro paccha, atthato pana indriyasamvarova pathamam veditabbo. Indriyasamvare hi gahite catuparisuddhisilam gahitam hoti. Tasmim patitthito bhikkhu nissayamuttako dhutangasankhatam tapogunam samadaya arannam pavisitva kammatthanam bhavetva ^7- saha vipassanaya bojjhange bhaveti. Tassa ariyamaggo yam nibbanam arammanam katva uppajjati, so "sabbanissaggo"ti bhagava catusaccavasena desanam vinivattesi. Devaputto desanapariyosane sotapattiphale patitthahi. ^8- Sattamam. @Footnote: ¹ cha.Ma. eta tava, i. ete tava ² cha.Ma., i.mayapi ³ cha.Ma. niddhamitum @⁴ cha.Ma. nannatra bojjha tapasati, ⁵ cha.Ma., i. annatra muncitva @⁶ cha.Ma., i. ca-saddo na dissati ⁷ cha.Ma. bhavento ⁸ cha.Ma., i. patitthahiti

The Pali Atthakatha in Roman Book 11 page 106-107. http://84000.org/tipitaka/atthapali/read_rm.php?B=11&A=2791&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=2791&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=264 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=1683 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=1413 The Pali Tipitaka in Roman Character :- http://84000.org/tipitaka/read/roman_read.php?B=15&A=1413 Contents of The Tipitaka Volume 15 http://84000.org/tipitaka/read/?index_15