|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Rahulovadasuttavannana [416] Evamme sutanti rahulovadasuttam. 1- Tattha vimuttiparipacaniyati vimuttim paripacentiti vimuttiparipacaniya. Dhammati pannarasa dhamma. Te saddhindriyadinam visuddhikaranavasena veditabba. Vuttam hetam:- "assaddhe puggale parivajjayato saddhe puggale sevato bhajato payirupasato pasadaniye suttante paccavekkhato imehi tihakarehi saddhindriyam visujjhati. Kusite puggale parivajjayato araddhaviriye puggale sevato bhajato payirupasato sammappadhane paccavekkhato imehi tihakarehi viriyindriyam visujjhati. Mutthassatipuggale parivajjayato upatthitassati puggale sevato bhajato payirupasato satipatthane paccavekkhato imehi tihakarehi satindriyam visujjhati. Asamahite puggale parivajjayato samahite puggale sevato bhajato payirupasato jhanavimokkhe paccavekkhato imehi tihakarehi samadhindriyam visujjhati. Duppanne puggale parivajjayato pannavante puggale sevato bhajato payirupasato gambhirananacariyam paccavekkhato imehi tihakarehi pannindriyam visujjhati. Iti ime panca puggale parivajjayato panca puggale sevato bhajato payirupasato suttantakkhandhe paccavekkhato imehi pannarasahi akarehi imani pancindriyani visujjhanti"ti. 2- Aparepi pannarasadhamma vimuttiparipacaniya:- saddhadini pancimani indriyani, aniccasanna, anicce dukkhasanna, dukkhe anattasanna, pahanasanna, viragasannati ima panca nibbedhabhagiya sanna, meghiyattherassa kathita kalyanamittatadayo pancadhammati. Kaya pana velaya bhagavato etadahositi. Paccusasamaye lokam volokentassa. [419] Anekanam devatasahassananti 3- ayasmata rahulena padumuttarassa bhagavato padamule palitanagarajakale patthanam patthapentena saddhim patthanam @Footnote: 1 cularahulovadasuttanti paliyam 2 khu. pati. 31/184/214 @3 Si., ka. anekani devatasahassaniti--------------------------------------------------------------------------------------------- page250.
Patthapentena saddhim patthanam patthapitadevatayeva. Tasu pana kaci bhumatthaka devata, kaci antalikkhaka, kaci catumaharajika, kaci devaloke, kaci brahmaloke nibbatta, imasmim pana divase sabba ekatthane andhavanasminneva sannipatita. Dhammacakkhunti upaliovada 1- dighanakhasuttesu 2- (3)- pathamamaggo dhammacakkhunti vutto, brahmayusutte 4- tini phalani, imasmim sutte cattaro magga cattari ca phalani dhammacakkhunti veditabbani. Tattha hi kaci devata sotapanna ahesum, kaci sakadagami, anagami, khinasava. Tasanca pana devatanam ettakati gananavasena paricchedo natthi. Sesam sabbattha uttanamevati. Papancasudaniya majjhimanikayatthakathaya rahulovadasuttavannana nitthita. ---------------The Pali Atthakatha in Roman Book 10 page 249-250. http://84000.org/tipitaka/atthapali/read_rm.php?B=10&A=6333&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=6333&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=795 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=10191 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=10064 The Pali Tipitaka in Roman Character :- http://84000.org/tipitaka/read/roman_read.php?B=14&A=10064 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]