AtthaPali Vol.10

9. Kayagatasatisuttavannana [153-4] Evamme sutanti kayagatasatisuttam. Tattha gehasitati pancakamagunanissita. Sarasankappati dhavanasankappa. Sarantiti hi sara, dhavantiti attho. Ajjhattamevati gocarajjhattasmimyeva. Kayagatasatinti kayapariggahikampi kayarammanampi satim. Kayapariggahikanti vutte samatho kathito hoti, kayarammananti vutte vipassana. Ubhayena samathavipassana kathita honti. Puna caparam .pe. Evampi bhikkhave bhikkhu kayagata satim bhavetiti satipatthane cuddasavidhena kayanupassana kathita. [156] Antogadhavassati tassa bhikkhuno bhavanaya abbhantaragatava honti. Vijjabhagiyati ettha sampayogavasena vijjam bhajantitipi vijjabhagiya. @Footnote: ¹ Si. anapanam, anapanassati? ² Si. paripureti, evamuparipi @³ Si. anapanassati

--------------------------------------------------------------------------------------------- page104.

Vijjabhage vijjakotthase vattantitipi vijjabhagiya. Tattha vipassanananam, manomayiddhi, cha abhinnati attha vijja. Purimena atthena tahi ^1- sampayuttadhammapi vijjabhagiya. Pacchimena atthena tasu ya kaci eka vijja vijja, ^2- sesa vijjabhagiyati evam vijjapi vijjaya sampayuttadhammapi vijjabhagiyatveva veditabba. Cetasa phutoti ettha duvidham pharanam apopharananca dibbacakkhupharananca, tattha apokasinam samapajjitva apena pharanam apopharanam nama. Evam phutepi mahasamudde sabba samuddangama kunnadiyo antogadhava honti, alokam pana vaddhetva dibbacakkhuna sakalasamuddassa dassanam dibbacakkhupharanam nama. Evam pharanepi mahasamudde sabba samuddangama kunnadiyo antogadhava honti. Otaranti vivaram chiddam. Arammananti kilesuppattipaccayam. Labhetha otaranti labheyya pavesanam, vinivijjhitva yava pariyosana gaccheyyati attho. Nikkhepananti nikkhipanatthanam. [157] Evam abhavitakayagatasatipuggalam allamattikapunjadihi upametva idani bhavitakayagatasatim saraphalakadihi upametum seyyathapitiadimaha. Tattha aggalaphalanti kavatam. [158] Kakapeyyoti mukhavattiyam nisiditva kakena givam panametvava ^3- patabbo. Abhinnasacchikaraniyassati abhinnaya sacchikatabbassa. Sakkhibhabbatam papunatiti paccakkhabhavam papunati. Sati satiayataneti sati satikarane. Kim panettha karananti. Abhinnava karanam. Alibaddhati ^4- mariyadabaddha. Yanikatayati yuttayanam viya kataya. Vatthukatayati patitthakataya. Anutthitayati anupavattitaya. Paricitayati paricayakataya. Susamaraddhayati sutthu samaraddhaya susampaggahitaya. Sesam sabbattha uttanamevati. Papancasudaniya majjhimanikayatthakathaya kayagatasatisuttavannana nitthita. --------------- @Footnote: ¹ Ma. tava ² Ma. eka vijja ³ cha.Ma. anametvava ⁴ cha.Ma. alibandhati

The Pali Atthakatha in Roman Book 10 page 103-104. http://84000.org/tipitaka/atthapali/read_rm.php?B=10&A=2643&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=2643&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=292 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=4182 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=4036 The Pali Tipitaka in Roman Character :- http://84000.org/tipitaka/read/roman_read.php?B=14&A=4036 Contents of The Tipitaka Volume 14 http://84000.org/tipitaka/read/?index_14