|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{90} Rajakattharanam gantvati rajakatittham gantva. Tam hi yasma
tattha rajaka vatthani attharanti tasma rajakattharananti vuccati.
Rajakabhandikanti rajakanam bhandikam. Rajaka sayanhasamaye nagaram
pavisanta bahuni vatthani ekekam bhandikam bandhanti tato ekam
bhandikam tesam pamadena apassantanam avaharitva thenetvati attho.
{92} Gamo namatievamadi gama va aranna vati ettha
vuttassa gamassa ca arannassa ca pabhedadassanattham vuttam. Tattha
yasmim game ekaeva kuti ekam geham seyyathapi malayajanapade ayam
ekakutiko gamo nama. Etena nayena apare veditabba.
Amanusso nama yo sabbaso va manussanam abhavena
yakkhapariggahabhuto. Yato va manussa kenaci karanena punapi
agantukama eva apakkanta. Parikkhitto nama itthakapakaram adim
katva antamaso kantakasakhahipi parikkhitto. Gonisadinivittho
nama vithisannivesadivasena anivisitva yatha gavo tattha tattha
dve tisso nisidanti evam tattha tattha dve tini gharani katva
nivittho. Satthoti janghasatthasakatasatthadisu yokoci. Imasmim ca
sikkhapade nigamopi nagarampi gamaggahaneneva gahitanti veditabbam.
---------------------------------------------------------------------------------------------
page359.
Gamupacarotiadi arannaparicchedadassanattham vuttam. Indakhile
thitassati yassa gamassa anuradhapurasseva dve indakhila tassa
abbhantarime indakhile thitassa. Tassa hi bahiro indakhilo
abhidhammikanayena arannasankhepam gacchati. Yassa pana eko tassa
va 1- gamadvarabahanam vemajjhe thitassa. Yatra hi indakhilo natthi
tatra gamadvarabahanam vemajjhameva indakhiloti vuccati. Tena
vuttam gamadvarabahanam vemajjhe thitassati. Majjhimassati
thamamajjhimassa no pamanamajjhimassa neva appatthamassa na
mahathamassa majjhimatthamassati vuttam hoti. Leddupatoti
yatha matugamo kake utthapento ujukameva hattham ukkhipitva
leddum khipati yatha ca udakukkhepe udakam khipanti evam akhipitva
yatha tarunamanussa attano balam dassenta baham pasaretva
leddum khipanti evam khittassa leddussa patanatthanam. Patito pana
luthitva yattha gacchati tam na gahetabbam. Aparikkhittassa gamassa
gharupacare thitassa majjhimassa purisassa leddupatoti ettha pana
nimbakosassa udakapatatthane thitassa majjhimassa purisassa suppapato
va musalapato va gharupacaro nama. Tasmim gharupacare thitassa
leddupato gamupacaroti kurundatthakathayam vuttam. Mahapaccariyampi
tadisameva. Mahaatthakathayam pana gharannama gharapacaro nama
gamo nama gamupacaro namati matikam thapetva nimbakosassa
@Footnote: 1. vasaddoyam atireko hoti manne.
---------------------------------------------------------------------------------------------
page360.
Udakapatatthanabbhantaram gharannama. Yam pana dvare thito matugamo
bhajanadhovanaudakam chaddeti tassa patanatthananca matugameneva
antogehe thitena pakatiya bahi khittassa suppassa va sammunjaniya
va patanatthananca gharassa purato dvisu konesu sambandhitva majjhe
rukkhasucidvaram thapetva gorupanam pavesananivaranattham kataparikkhepo
ca ayam sabbopi gharupacaro nama. Tasmim gharupacare thitassa
majjhimassa purisassa ledadupatabbhantaram gamo nama. Tato
annassa leddupatassa abbhantaram gamupacaro namati vuttam.
Idamettha pamanam. Yatha ca ettha evam sabbattha yo yo
atthakathavado va theravado va paccha vuccati so pamanato
datthabbo. Yancetam mahaatthakathayam vuttam tam paliya viruddhamiva
dissati paliyam hi gharupacare thitassa majjhimassa purisassa
leddupatoti ettakameva vuttam atthakathayampana tam leddupatam
gamasankhepam katva tato param gamupacaro vuttoti. Vuccate.
Sabbameva paliyam vuttam. Adhippayo panettha veditabbo. So
ca atthakathacariyanameva vidito. Tasma yatha gharapacare thitassati
gharupacaralakkhanam paliyam avuttampi atthakathayam vuttavasena gahitam
evam santepi gahetabbam . Tatrayam nayo. Idha gamo nama
duvidho parikkhitto ca aparikkhitto ca. Tattha parikkhittassa
parikkhepoyeva paricchedo. Tasma visum paricchedam avatva
gamupacaro nama parikkhittassa gamassa indakhile thitassa majjhimassa
---------------------------------------------------------------------------------------------
page361.
Purisassa leddupatoti paliyam vuttam. Aparikkhittassa pana gamassa
gamaparicchedo vattabbo. Tasma tassa gamaparicchedadassanattham
aparikkhittassa gamassa gharupacare thitassa majjhimassa purisassa
leddupatoti vuttam. Gamaparicchedeva dassite gamupacaralakkhanam
pubbe vuttanayeneva sakka natunti puna tattha thitassa majjhimassa
purisassa leddupatoti na vuttam. Yo pana gharupacare thitassa
leddupatamyeva gamupacaroti vadati tassa gharupacaro gamoti
apajjati. Tato gharam gharupacaro gamo gamupacaroti esa
vibhago sankariyati. Asankarato cettha vinicchayo veditabbo
vikale gamappavesanadisu. Tasma palinca atthakathanca samsandetva
vuttanayenevettha gamo ca gamupacaro ca veditabbo. Yopi ca
gamo pubbe maha hutva paccha kulesu natthesu appako hoti
so gharupacarato leddupateneva paricchinditabbo. Purimaparicchedo
panassa parikkhittassapi aparikkhittassapi appamanamevati. Arannam
nama thapetva gamanca gamupacarancati idam yathavuttalakkhanam
gamanca gamupacaranca thapetva imasmim adinnadanasikkhapade
avasesam arannam namati veditabbam. Abhidhamme pana arannanti
nikkhamitva bahiindakhila sabbametam arannanti vuttam.
Arannakasikkhapade arannakannama senasanam pancadhanusatikam pacchimanti vuttam.
Tam indakhilato patthaya aropitena acariyadhanuna pancadhanusatappamananti
veditabbam. Evam bhagavata gama va aranna vati
---------------------------------------------------------------------------------------------
page362.
Etassa attham vibhajantena gharam gharupacaro gamo gamupacaro
arannanti papabhikkhunam lesokasanisedhanattham panca kotthasa
dassita. Tasma ghare va gharupacare va game va gamupacare
va aranne va padagghanakato patthaya sassamikam bhandam
avaharantassa parajikamevati veditabbam.
The Pali Atthakatha in Roman Book 1 page 358-362.
http://84000.org/tipitaka/atthapali/read_rm.php?B=1&A=7524&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=1&A=7524&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=1&i=84
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=6235
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=1605
The Pali Tipitaka in Roman Character :-
http://84000.org/tipitaka/read/roman_read.php?B=1&A=1605
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]