|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Catutthaparajikavannana catusaccavidu sattha catuttham yam pakasayi parajikam tassa dani patto samvannanakkamo yasma tasma suvinneyyam yam pubbe ca pakasitam tam vajjayitva assapi hoti samvannana ayam. {193} Tena samayena buddho bhagava vesaliyam viharati .pe. Gihinam kammantam adhitthemati gihinam khettesu ceva aramadisu ca kattabbakiccam adhitthama. Evam katabbam evam na katabbanti acikkhama ceva anusasama cati vuttam hoti. Duteyyanti dutakammam. Uttarimanussadhammassati manusse uttinnadhammassa. Manusse atikkamitva brahmattam va nibbanam va papanakadhammassati attho. Uttarimanussanam va setthapurisanam jhayinanceva ariyananca dhammassa. Asuko bhikkhutiadisu attana evam mantayitva paccha gihinam bhasanta buddharakkhito nama bhikkhu pathamassa jhanassa labhi dhammarakkhito dutiyassati evam namavaseneva vannam bhasimsuti veditabba. Tattha esoyeva kho avuso seyyoti kammantadhitthanam duteyyaharananca bahusapattam mahasamarambham na ca samanasaruppam tato pana ubhayato esoyeva pasamsataro anuttaro sundarataro yo amhakam gihinam annamannassa--------------------------------------------------------------------------------------------- page588.
Uttarimanussadhammassa vanno bhasito. Kim vuttam hoti. Iriyapatham santhapetva nisinnam va cankamantam va pucchantanam va apucchantanam va gihinam ayam asuko nama bhikkhu pathamassa jhanassa labhitievamadina nayena yo amhakam annamannassa uttarimanussadhammassa vanno bhasito bhavissati esoyeva seyyoti. Anagatasambandhe pana asati na 1- etehi so tasmim khane bhasitova tasma na yujjati tasma anagatasambandham katva yo evam bhasito bhavissati so seyyoti evamettha attho veditabbo. Lakkhanam pana saddasatthato pariyesitabbam. {194} Vannava ahesunti annoyeva tesam abhinavo sariravanno uppajjati tena vannena vannavanto ahesum. Pinindriyati pancahi pasadehi abhinivitthokasassa paripunnatta manachatthanam indriyanam amilatabhavena pinindriya. Pasannamukhavannati kincapi avisesena vannavanto sariravannato pana nesam mukhavanno adhikataram pasanno accho anavilo parisuddhoti attho. Vippasannacchavivannati yena ca te kannikarapupphasadisena vannena vannavanto tadiso sannesampi manussanam vanno atthi yatha pana imesam evam na tesam chavivanno vippasanno. Tena vuttam vippasannacchavivannati. Itiha te bhikkhu neva uddesaparipuccham na kammatthanam anuyunjanta athakho kuhakataya @Footnote: 1. pamadalikhito bhaveyya.--------------------------------------------------------------------------------------------- page589.
Abhutagunasamvannanaya laddhani panitabhojanani bhunjitva yathasukham nindaramatam sanganikaramatanca anuyunjanta imam sarirasobham papunimsu yatha tam bala bhantamigapatibhagati. Vaggumudatiriyati vaggumudatiravasino. Kacci bhikkhave khamaniyanti bhikkhave kacci tumhakam idam catuccakkam navadvaram sarirayantam khamaniyam sakka khamitum sahitum pariharitum na kinci dukkham uppadetiti. Kacci yapaniyanti kacci sabbakiccesu yapetum gametum sakka na kinci antarayam dassetiti. Kucchi parikantoti kucchi parikantito varam bhaveyya. Kucchi parikatthotipi 1- patho yujjati. Evam vaggumudatiriye anekapariyayena vigarahitva idani yasma tehi katakammam corakammam hoti tasma ayatim annesampi evarupassa kammassa akaranattham athakho bhagava bhikkhu amantesi {195} amantetva ca pana pancime bhikkhave mahacoratiadimaha. Tattha santo samvijjamanati atthi ceva upalabbhanti cati vuttam hoti. Idhati imasmim sattaloke. Evam hotiti evam pubbabhage iccha uppajjati. Kudasu namahanti ettha suiti nipato. Kuda namati attho. So aparena samayenati so pubbabhage evam cintetva anukkamena parisam vaddhento panthaduhanakammam paccantimagamavilopantievamadini katva vepullappattapuriso hutva gamepi agame janapadepi ajanapade karonto hananto ghatento .pe. Pacanto pacento. Iti bahirakacoram dassetva tena @Footnote: 1. parikattoti manne.--------------------------------------------------------------------------------------------- page590.
Sadise sasane panca mahacore dassetum evameva khotiadimaha. Tattha papabhikkhunoti annesu thanesu mulacchinno parajikappatto papabhikkhuti vuccati. Idha pana parajikam anapanno icchacare thito khuddanukhuddakani sikkhapadani madditva caranto papabhikkhuti adhippeto. Tassapi bahirakamahacorassa viya pubbabhage evam hoti kudasu namaham .pe. Parikkharananti. Tattha sakkatoti sakkarappatto. Garukatoti garukappatto. Manitoti manasa piyayito. Pujitoti catuppaccayabhiharapujaya pujito. Apacitoti apacitippatto. Tattha yassa cattaro paccaye sakkaritva sutthu abhisankhate 1- panitappanite katva denti so sakkato. Yasmim garubhavam paccupatthapetva denti so garukato. Yam manasa piyayanti so manito. Tassa sabbampetam karonti so pujito. Yassa abhivadanapaccutthana- anjalikammadivasena paramanipaccakaram karonti so apacito. Imassa pana sabbampi imam lokamisam patthayamanassa evam hoti. So aparena samayenati so pubbabhage evam cintetva anukkamena sikkhaya atibbagarave uddhate unnale capale mukhare vikinnavace mutthassati asampajane pakatindriye acariyaupajjhayehi pariccattake labhagaruke papabhikkhu sanganhitva iriyapathasanthapanadini kuhakavattani sikkhapetva ayam thero amukasmim nama senasane @Footnote: 1. katthaci sankhateti likhiyati.--------------------------------------------------------------------------------------------- page591.
Vassam upagamma vattapativattam purayamano vassam vasitva niggatoti lokasammatasenasanasamvannanadihi upayehi lokam paripacetum patibalehi jatakadisu katapariccayehi sarasampannehi papabhikkhuhi samvanniyamanaguno hutva satena va sahassena va parivuto .pe. Bhesajjaparikkharanam. Ayam bhikkhave pathamo mahacoroti ayam sandhicchedakadicorako viya na ekam kulam na dve athakho mahajanam vancetva catuppaccayaggahanato pathamo mahacoroti veditabbo. Ye pana suttantika va abhidhammika va vinayadhara va bhikkhu bhikkhacare asampajjamane palim vacenta atthakatham kathenta anumodanaya dhammakathaya iriyapathasampattiya ca lokam pasadenta janapadacarikam caranti sakkata garukata manita pujita apacita te tantippavenighatanaka sasanajotakati veditabba. Tathagatappaveditanti tathagatena patividdham paccakkhakatam janapitam va. Attano dahatiti parisamajjhe palinca atthakathanca samsandetva madhurena saddena pasadaniyam suttantam kathetva dhammakathavasane acchariyabbhutajatena vinnujanena aho bhante pali ca atthakatha ca suparisuddha kassa santike ugganhitthati pucchito ko amhadise ugganhapetum samatthoti acariyam anuddisitva attana patividdham sayambhunanadhigatam dhammavinayam pavedeti. Ayam tathagatena satasahassakappadhikani cattari asankheyyani paramiyo puretva kicchena kasirena patividdhadhammatthenako dutiyo mahacoro. Suddham brahmacarinti khinasavam bhikkhum.--------------------------------------------------------------------------------------------- page592.
Parisuddham brahmacariyam carantanti nirupakkilesam setthacariyam carantam. Annampi va anagamim adim katva yava silavantam puthujjanam avipatisaradivatthukam parisuddham brahmacariyam carantam. Amulakena abrahmacariyena anuddhamsetiti tasmim puggale avijjamanena antimavatthuna anuvadati codeti. Ayam vijjamanagunamakkhi ariyagunatthenako tatiyo mahacoro. Garubhandani garuparikkharaniti yatha adinnadane caturo jana samvidhaya garubhandam avaharunti ettha pancamasakagghanakam garubhandanti vuccati idha na evam athakho pancimani bhikkhave avissajjaniyani na vissajjetabbani sanghena va ganena va puggalena va vissajjitanipi avissajjitani honti yo vissajjeyya apatti thullaccayassa katamani panca aramo aramavatthu .pe. Darubhandam mattikabhandanti vacanato avissajjitabbatta garubhandani pancimani bhikkhave avebhangiyani na vibhajitabbani sanghena va ganena va puggalena va vibhattanipi avibhattani honti yo vibhajeyya apatti thullaccayassa katamani panca aramo aramavatthu .pe. Darubhandam mattikabhandanti vacanato avebhangikatta sadharanaparikkharabhavena garuparikkharani. Aramo aramavatthutiadisu yam vattabbam tam sabbam pancimani bhikkhave avissajjiya niti khandhake agatasuttavannanayameva bhanissama. Tehi gihi sanganhatiti tani datva gihi sanganhati anugganhati.--------------------------------------------------------------------------------------------- page593.
Upalapetiti aho amhakam ayyoti evam lapanake anubandhanake sinehe 1- karoti. Ayam avissajjiyam avebhangiyanca garuparikkharam tathabhavato thenetva gihisanganhanako catuttho mahacoro. So ca panayam imam garubhandam kulasanganhanattham vissajjento kuladusakadukkatam apajjati pabbajaniyakammaraho ca hoti bhikkhusangham abhibhavitva issaravataya vissajjento thullaccayam apajjati theyyacittena vissajjento bhandam agghapetva karetabboti. Ayam aggo mahacoroti ayam imesam mahacoranam jetthacoro imina sadiso coro nama natthi yo pancindriyaggahanatitam atisanham sukhumam lokuttaradhammam theneti. Kim pana sakka lokuttaradhammo hirannasuvannadini viya vancetva thenetva gahetunti. Na sakka. Tenevaha yo asantam abhutam uttarimanussadhammam ullapatiti. Ayam hi attani asantam dhammam kevalam atthi mayham esoti ullapati na pana sakkoti thana cavetum attani va samvijjamanam katum. Atha kasma coroti vuttoti. Yasma tam ullapitva asantasambhavanaya uppanne paccaye ganhati evam hi ganhata te paccaya sukhumena upayena vancetva thenetva gahita honti. Tenevaha tam kissa hetu theyyaya vo bhikkhave ratthapindo bhuttoti. Ayanhi ettha attho yam avocumha ayam aggo mahacoro yo asantam abhutam uttarimanussadhammam ullapatiti tam kissa hetu @Footnote: 1. sasinehe.--------------------------------------------------------------------------------------------- page594.
Kena karanena etam avocumhati ce theyyaya vo bhikkhave ratthapindo bhuttoti bhikkhave yasma vo tena ratthapindo theyyacittena bhutto hoti. Ettha hi vokaro ye hi vo ariya arannavanapatthanitiadisu viya padapuranamatte nipato. Tasma tumhehi bhuttoti evamassa attho na 1- datthabbo. Idani tamevattham gathahi vibhutataram karonto annatha santantiadimaha. Tattha annatha santanti aparisuddhakayasamacaradikena annena akarena santam. Annatha yo pavedayeti parisuddhakaya- samacaradikena annena akarena yo pavedeyya paramaparisuddho aham atthi me abbhantare lokuttaradhammoti evam janapeyya. Pavedetva ca pana taya pavedanaya uppannam bhojanam araha viya bhunjati. Nikacca kitavasseva bhuttam theyyena tassa tanti nikaccati vancetva annatha santam annatha dassetva agumbagacchabhutameva sakhapalasapallavadicchadanena gumbamiva gacchamiva ca attanam dassetva. Kitavassevati vancakassa keratikassa gumbagacchasannaya aranne agatagate sakune gahetva jivitakappakassa sakunikasseva. Bhuttam theyyena tassa tanti tassapi anarahantasseva sato arahantabhavam dassetva laddham bhojanam bhunjato yam tam bhuttam tam yatha sakunikakitavassa nikacca vancetva sakunaggahanam evam manusse vancetva laddhassa bhojanassa bhuttatta theyyena bhuttam @Footnote: 1. ayam atireko khayati.--------------------------------------------------------------------------------------------- page595.
Nama hoti. Imam pana atthavasam ajananta ye evam bhunjanti kasavakantha .pe. Nirayam te upapajjare. Kasavakanthati kasavena vethitakantha. Ettakameva ariyaddhajadharanamattam yesam samannam annam natthiti vuttam hoti. Bhavissanti kho panananda anagatamaddhanam gotrabhuno kasavakanthati evam vuttadussilanam etam adhivacanam. Papadhammati lamakadhamma. Asannatati kayadihi asannata. Papati lamakapuggala. Papehi kammehiti tehi karanakale adinavam adisva katehi paravancanadihi papakammehi. Nirayante upapajjareti nirassadam duggatim te upapajjanti. Tasma seyyo ayoguloti gatha. Tassattho 1- sacayam dussilo asannato icchacare thito kuhanaya lokavancako puggalo tattam aggisikhupamam ayogulam bhunjeyya ajjhohareyya tassa yancetam ratthapindam bhunjeyya yancetam ayogulam tesu dvisu ayogulova bhutto seyyo sundarataro panitataro ca bhaveyya na hi ayogulassa bhuttatta samparaye sabbannutannanenapi dujjanaparicchedam dukkham anubhavati evam patiladdhassa pana ratthapindassa bhuttatta samparaye vuttappakaram dukkham anubhoti ayam hi kotippatto micchajivoti.The Pali Atthakatha in Roman Book 1 page 587-595. http://84000.org/tipitaka/atthapali/read_rm.php?B=1&A=12322&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=12322&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=227 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=8520 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3224 The Pali Tipitaka in Roman Character :- http://84000.org/tipitaka/read/roman_read.php?B=1&A=3224 Contents of The Tipitaka Volume 1 http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]