PaliRoman Vol.8

[115] Suramerayapane pacittiyam kattha pannattanti. Kosambiya pannattam . kam arabbhati . ayasmantam sagatam arabbha . kismim vatthusminti . ayasma sagato majjam pivi tasmim vatthusmim . Eka pannatti . channam apattisamutthananam dvihi samutthanehi samutthati siya kayato samutthati na vacato na cittato siya kayato ca cittato ca samutthati na vacato .pe. [116] Angulipatodake pacittiyam kattha pannattanti . Savatthiya pannattam . kam arabbhati . chabbaggiye bhikkhu arabbha . kismim vatthusminti . chabbaggiya bhikkhu bhikkhum angulipatodakena hasesum tasmim vatthusmim . eka pannatti . channam apattisamutthananam ekena samutthanena samutthati kayato ca cittato ca samutthati na vacato .pe. [117] Udake hassadhamme ^1- pacittiyam kattha pannattanti . Savatthiya pannattam . kam arabbhati . sattarasavaggiye bhikkhu arabbha . kismim vatthusminti . sattarasavaggiya bhikkhu aciravatiya nadiya udake kilimsu tasmim vatthusmim . eka pannatti . channam apattisamutthananam ekena samutthanena samutthati kayato ca @Footnote: ¹ Po. hasanadhamme. Ma. hasadhamme. Yu. hasadhamme.

--------------------------------------------------------------------------------------------- page49.

Cittato ca samutthati na vacato .pe. [118] Anadariye pacittiyam kattha pannattanti . kosambiya pannattam . kam arabbhati . ayasmantam channam arabbha . kismim vatthusminti . ayasma channo anadariyam akasi tasmim vatthusmim . Eka pannatti . channam apattisamutthananam tihi samutthanehi samutthati .pe. [119] Bhikkhum bhimsapentassa pacittiyam kattha pannattanti . Savatthiya pannattam . kam arabbhati . chabbaggiye bhikkhu arabbha. Kismim vatthusminti . chabbaggiya bhikkhu bhikkhum bhimsapesum tasmim vatthusmim . eka pannatti . channam apattisamutthananam tihi samutthanehi samutthati .pe. [120] Jotim samadahitva visibbentassa pacittiyam kattha pannattanti . bhaggesu pannattam . kam arabbhati . sambahule bhikkhu arabbha . kismim vatthusminti . sambahula bhikkhu jotim samadahitva visibbesum tasmim vatthusmim . eka pannatti dve anuppannatti . Channam apattisamutthananam chahi samutthanehi samutthati .pe. [121] Orenaddhamasam nhayantassa pacittiyam kattha pannattanti . rajagahe pannattam . kam arabbhati . sambahule bhikkhu arabbha . kismim vatthusminti . sambahula bhikkhu rajanampi passitva

--------------------------------------------------------------------------------------------- page50.

Na mattam janitva nhayimsu tasmim vatthusmim . eka pannatti cha anuppannattiyo . sabbattha pannatti padesapannattiti . Padesapannatti . channam apattisamutthananam dvihi samutthanehi samutthati (elakalomake) .pe. [122] Anadayitva tinnam dubbannakarananam annataram dubbannakaranam navam civaram paribhunjantassa pacittiyam kattha pannattanti . Savatthiya pannattam . kam arabbhati . sambahule bhikkhu arabbha . Kismim vatthusminti . sambahula bhikkhu attano civaram na sanjanimsu tasmim vatthusmim . eka pannatti . channam apattisamutthananam dvihi samutthanehi samutthati (elakalomake) .pe. [123] Bhikkhussa va bhikkhuniya va sikkhamanaya va samanerassa va samaneriya va samam civaram vikappetva appaccuddharakam ^1- paribhunjantassa pacittiyam kattha pannattanti . savatthiya pannattam . Kam arabbhati . ayasmantam upanandam sakyaputtam arabbha . kismim vatthusminti . ayasma upanando sakyaputto bhikkhussa samam civaram vikappetva appaccuddharakam paribhunji tasmim vatthusmim . Eka pannatti . channam apattisamutthananam dvihi samutthanehi samutthati (kathinake) .pe. [124] Bhikkhussa pattam va civaram va nisidanam va sucigharam va kayabandhanam va apanidhentassa pacittiyam kattha pannattanti . @Footnote: ¹ Ma. appaccuddharanam.

--------------------------------------------------------------------------------------------- page51.

Savatthiya pannattam . kam arabbhati . chabbaggiye bhikkhu arabbha. Kismim vatthusminti . chabbaggiya bhikkhu bhikkhunam pattampi civarampi nisidanampi ^1- sucigharampi kayabandhanampi apanidhesum tasmim vatthusmim . Eka pannatti . channam apattisamutthananam tihi samutthanehi samutthati .pe. Suramerayavaggo chattho. Tassuddanam [125] Suram angulipatode udake ca anadare bhikkhum va bhimsapananca jotinca nhanadubbanna- karanam vikappanceva civaram apanidhena cati ^2-. -----------

The Pali Tipitaka in Roman Character Volume 8 page 48-51. https://84000.org/tipitaka/read/roman_read.php?B=8&A=983&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=983&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=115&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=12 Study Atthakatha :- https://84000.org/tipitaka/attha/attha.php?b=8&i=115 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8