![]() |
|
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
![]() |
|
[1362] Nava sangaha vatthusangaho vipattisangaho apattisangaho nidanasangaho puggalasangaho khandhasangaho samutthanasangaho adhikaranasangaho samathasangaho 2-. [1363] Adhikarane samuppanne sace ubho atthapaccatthika 3- agacchanti ubhinnampi vatthum 4- arocapetabbam ubhinnampi vatthum arocapetva ubhinnampi patinna sotabba ubhinnampi patinnam sutva ubhopi vattabba amhakam imasmim adhikarane vupasamite 5- @Footnote: 1 Ma. apannatte pannattavaggo. 2 Ma. Yu. samathasangahoti. 3 Yu. attapaccatthika. @4 Ma. Yu. vatthu. 5 Ma. vupasamepi. Ubhopi tuttha bhavissathapi 1- sace ahamsu ubhopi tuttha bhavissamati sanghena tam adhikaranam paticchitabbam 2- . Sace alajjussanna hoti parisa ubbahikaya vupasametabbam . sace balussanna hoti parisa vinayadharo pariyesitabbo . yena dhammena yena vinayena yena satthusasanena tam adhikaranam vupasammati tatha tam adhikaranam vupasametabbam. [1364] Vatthum janitabbam gottam janitabbam namam janitabbam apatti janitabba . methunadhammoti vatthunceva gottanca . Parajikanti namanceva apatti ca . adinnadananti vatthunceva gottanca . parajikanti namanceva apatti ca . manussaviggahoti vatthunceva gottanca . parajikanti namanceva apatti ca . Uttarimanussadhammoti vatthunceva gottanca . parajikanti namanceva apatti ca . sukkavisatthiti vatthunceva gottanca . Sanghadisesoti namanceva apatti ca . kayasamsaggoti vatthunceva gottanca . sanghadisesoti namanceva apatti ca . dutthullavacati vatthunceva gottanca . sanghadisesoti namanceva apatti ca . attakamanti vatthunceva gottanca . sanghadisesoti namanceva apatti ca . sancarittanti vatthunceva gottanca . Sanghadisesoti namanceva apatti ca . sannacikaya kutim karapananti vatthunceva gottanca . sanghadisesoti namanceva @Footnote: 1 Po. Ma. Yu. bhavissathati ayam patho yuttataro. 2 Ma. sampaticchitabbam. Apatti ca . mahallakam viharam karapananti vatthunceva gottanca . Sanghadisesoti namanceva apatti ca . bhikkhum amulakena parajikena dhammena anuddhamsananti vatthunceva gottanca . sanghadisesoti namanceva apatti ca . bhikkhum annabhagiyassa adhikaranassa kinci desam lesamattam upadaya parajikena dhammena anuddhamsananti vatthunceva gottanca . sanghadisesoti namanceva apatti ca . Sanghabhedakassa bhikkhuno yavatatiyam samanubhasanaya nappatinissajjananti vatthunceva gottanca. Sanghadisesoti namanceva apatti ca. {1364.1} Bhedakanuvattakanam bhikkhunam yavatatiyam samanubhasanaya nappatinissajjananti vatthunceva gottanca . sanghadisesoti namanceva apatti ca . dubbacassa bhikkhuno yavatatiyam samanubhasanaya nappatinissajjananti vatthunceva gottanca . sanghadisesoti namanceva apatti ca . Kuladusakassa bhikkhuno yavatatiyam samanubhasanaya nappatinissajjananti vatthunceva gottanca . sanghadisesoti namanceva apatti ca .pe. Anadariyam paticca udake uccaram va passavam va khelam va karananti vatthunceva gottanca. Dukkatanti namanceva apatti cati. Navasangahavaggo nitthito pancamo. -------------- Tassuddanam [1365] Apalokanam natti ca 1- dutiyam catutthena ca vatthu natti anussavanam simaparisameva ca sammukha patipuccha ca patinna vinayaraho vatthusanghapuggalanca nattim paccha nattim thape 2- vatthusanghapuggalanca savanam ca akalikam 3- atikhudda 4- mahanta ca khandacchayanimittaka bahinadisamudde ca jatassare ca bhindati ajjhottharati simaya catupancavaggika dasavisativagga ca anahata ca ahata kammappatta chandaraha kammaraha ca puggala apalokanam pancatthanam natti ca navathanika nattidutiyam sattatthanam catuttha sattathanika sutthu phasu dummankunam 5- pesala capi asava veravajjabhayanceva akusalanca gihinam 6- papiccha appasannanam pasannadhammathapana vinayanuggaha ceva patimokkhuddesena ca @Footnote: 1 Yu. apalokananatti ca. 2 Ma. nattim na paccha natti ca. Yu. nattinam paccha @natti ca. 3 Ma. Yu. savanam akalena ca. 4 Ma. Yu. atikhuddaka. @5 Ma. sutthu phasu ca dummanku. Yu. sutthu phasu ca dummankunam. @6 Ma. Yu. akusalam gihinanca. Patimokkhanca thapana pavarananca thapanam tajjaniyaniyassanca pabbajapatisarani 1- ukkhepanaparivasam mulam manattabbhanakam 2- osaranam nissaranam tatheva upasampada apalokanam natti ca 3- dutiyanca catutthakam appannattenupannattam sammukhavinayo sati amulhapatiyebhuyya papiyatinavattharakam vatthum 4- vipatti apatti nidanam puggalena ca khandha ceva samutthana adhikaranameva ca samatha sangaha ceva nama apattika 5- tathati. Parivaro nitthito. --------The Pali Tipitaka in Roman Character Volume 8 page 549-553. https://84000.org/tipitaka/read/roman_read.php?B=8&A=11134&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=8&A=11134&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=1362&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=8&siri=127 Study Atthakatha :- https://84000.org/tipitaka/attha/attha.php?b=8&i=1362 The Pali Atthakatha in Thai :- https://84000.org/tipitaka/atthapali/read_th.php?B=3&A=12845 The Pali Atthakatha in Roman :- https://84000.org/tipitaka/atthapali/read_rm.php?B=3&A=12845 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8
![]() ![]() ![]() ![]() ![]() ![]() ![]() ![]() ![]() ![]() |
![]() |
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]