บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[570] Tena kho pana samayena bhikkhūnaṃ senāsanaṃ ussannaṃ hoti. Bhikkhunīnaṃ senāsanaṃ 1- na hoti . bhikkhuniyo bhikkhūnaṃ santike dūtaṃ pāhesuṃ sādhu bhante ayyā amhākaṃ senāsanaṃ dentu tāvakālikanti . bhikkhū bhagavato etamatthaṃ ārocesu . anujānāmi bhikkhave bhikkhunīnaṃ senāsanaṃ dātuṃ tāvakālikanti. [571] Tena kho pana samayena utuniyo bhikkhuniyo onaddhamañcaṃ onaddhapīṭhaṃ abhinisīdantipi abhinipajjantipi . senāsanaṃ lohitena @Footnote: 1 Ma. Yu. Rā. ayaṃ pāṭho na dissati.--------------------------------------------------------------------------------------------- page353.
Makkhiyati . bhagavato etamatthaṃ ārocesuṃ . na bhikkhave bhikkhuniyā onaddhamañcaṃ onaddhapīṭhaṃ abhinisīditabbaṃ abhinipajjitabbaṃ yā abhinisīdeyya vā abhinipajjeyya vā āpatti dukkaṭassa anujānāmi bhikkhave āvasathacīvaranti . āvasathacīvaraṃ lohitena makkhiyati . bhagavato etamatthaṃ ārocesuṃ . anujānāmi bhikkhave āṇicoḷakanti . coḷakaṃ nipatati 1- . bhagavato etamatthaṃ ārocesuṃ . anujānāmi bhikkhave suttakena bandhitvā ūruyā bandhitunti . suttakaṃ chijjati . bhagavato etamatthaṃ ārocesuṃ. Anujānāmi bhikkhave saṃvelliyaṃ kaṭisuttakanti. [572] Tena kho pana samayena chabbaggiyā bhikkhuniyo sabbakālaṃ kaṭisuttakaṃ dhārenti . manussā ujjhāyanti khīyanti vipācenti .pe. seyyathāpi gihikāmabhoginiyoti . bhagavato etamatthaṃ ārocesuṃ. Na bhikkhave bhikkhuniyā sabbakālaṃ kaṭisuttakaṃ dhāretabbaṃ yā dhāreyya āpatti dukkaṭassa anujānāmi bhikkhave utuniyā kaṭisuttakanti. Dutiyabhāṇavāraṃ.The Pali Tipitaka in Roman Character Volume 7 page 352-353. https://84000.org/tipitaka/read/roman_read.php?B=7&A=7082&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=7082&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=570&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=89 Study Atthakatha :- https://84000.org/tipitaka/attha/attha.php?b=7&i=570 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]