PaliRoman Vol.7

[90] Tena kho pana samayena bhikkhu nagga naggam abhivadenti. Nagga anaggam abhivadenti . nagga naggam abhivadapenti . nagga anaggam abhivadapenti ^2- . nagga naggassa parikammam karonti . Nagga naggassa parikammam karapenti . nagga naggassa denti . Nagga patigganhanti . nagga khadanti . nagga bhunjanti . Nagga sayanti . nagga pivanti . Bhagavato etamattham arocesum .pe. Na bhikkhave naggena ^3- naggo abhivadetabbo na naggena abhivadetabbam na naggena ^4- naggo abhivadapetabbo na naggena abhivadapetabbam na naggena naggassa parikammam katabbam na naggena ^[5]- parikammam karapetabbam na naggena naggassa databbam na naggena patiggahetabbam na naggena khaditabbam na naggena bhunjitabbam @Footnote: ¹ Yu. padasilam. ² Ma. Yu. nagga naggam abhivadenti. nagga naggam @abhivadapentiti. 3-4 Ma. Yu. naggenati padam na pannayati. @⁵ Ma. Yu. naggassa.

--------------------------------------------------------------------------------------------- page35.

Na naggena sayitabbam na naggena patabbam yo piveyya apatti dukkatassati. [91] Tena kho pana samayena bhikkhu jantaghare chamayam civaram nikkhipanti . civaram pamsukitam hoti . bhagavato etamattham arocesum .pe. Anujanami bhikkhave jantaghare ^1- civaravamsam civararajjunti . deve vassante civaram ovassati .pe. anujanama bhikkhave jantagharasalanti. Jantagharasala nicavatthuka hoti . udakena otthariyati .pe. Anujanami bhikkhave uccavatthukam katunti . cayo paripatati .pe. Anujanami bhikkhave cinitum .pe. arohanta vihannanti .pe. Arohanta paripatanti .pe. Anujanami bhikkhave alambanabahanti. [92] Tena kho pana samayena jantagharasalayam tinacunnam paripatati .pe. anujanami bhikkhave ogumbetva ullittavalittam katum .pe. Civaravamsam civararajjunti. [93] Tena kho pana samayena bhikkhu jantagharepi udakepi pitthiparikammam ^2- katum kukkuccayanti . bhagavato etamattham arocesum . anujanami bhikkhave tisso paticchadiyo jantagharapaticchadim udakapaticchadim vatthapaticchadinti. [94] Tena kho pana samayena jantaghare udakam na hoti . @Footnote: ¹ Ma. Yu. ayam patho natthi. ² Ma. Yu. parikammam.

--------------------------------------------------------------------------------------------- page36.

Bhagavato etamattham arocesum . anujanami bhikkhave udapananti . Udapanassa kulam lujjati .pe. anujanami bhikkhave cinitum tayo caye itthakacayam silacayam darucayanti . udapano nicavatthuko hoti . udakena otthariyati . bhagavato etamattham arocesum . Anujanami bhikkhave uccavatthukam katunti . cayo paripatati .pe. Arohanta vihannanti .pe. arohanta paripatanti .pe. Anujanami bhikkhave alambanabahanti. [95] Tena kho pana samayena bhikkhu valliyapi ^1- kayabandhanenapi udakam vahenti ^2- .pe. anujanami bhikkhave udapanarajjunti ^3-. Hattha dukkha honti .pe. anujanami bhikkhave tulam karakatakam cakkavattakanti . bhajana bahu ^4- bhijjanti .pe. anujanami bhikkhave tayo varake lohavarakam daruvarakam cammakhandanti. [96] Tena kho pana samayena bhikkhu ajjhokase udakam vahenta sitenapi unhenapi kilamanti . bhagavato etamattham arocesum . Anujanami bhikkhave udapanasalanti . udapanasalaya tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam malakammam latakammam makaradantakam pancapatthikam civaravamsam civararajjunti. [97] Tena kho pana samayena udapano aparuto hoti . @Footnote: ¹ Ma. Yu. vallikayapi. ² Yu. vahanti. ³ Ma. Yu. udakavahanarajjunti. @⁴ Yu. bahum.

--------------------------------------------------------------------------------------------- page37.

Tinacunnehipi pamsukehipi okiriyati .pe. anujanami bhikkhave apidhananti. [98] Tena kho pana samayena udakabhajanam na samvijjati .pe. Anujanami bhikkhave udakadonim udakakatahanti. [99] Tena kho pana samayena bhikkhu arame taham taham nahayanti . aramo cikkhallo hoti . bhagavato etamattham arocesum . anujanami bhikkhave udakacandanikanti ^1- . candanika pakata hoti . bhikkhu hiriyanti nahayitum .pe. anujanami bhikkhave parikkhipitum tayo pakare itthakapakaram silapakaram darupakaranti . candanika cikkhalla hoti .pe. anujanami bhikkhave santharitum tayo santhare ^2- itthakasantharam silasantharam darusantharanti . udakam santitthati .pe. anujanami bhikkhave udakaniddhamananti. [100] Tena kho pana samayena bhikkhunam gattani sitikatani honti . bhagavato etamattham arocesum . anujanami bhikkhave udakapunchanim colakenapi paccuddharitunti. [101] Tena kho pana samayena annataro upasako sanghassa atthaya pokkharanim karetukamo hoti . bhagavato etamattham arocesum . anujanami bhikkhave pokkharaninti . pokkharaniya @Footnote: ¹ Ma. Yu. candanikanti. ² Ma. santhare.

--------------------------------------------------------------------------------------------- page38.

Kulam lujjati .pe. anujanami bhikkhave cinitum tayo caye itthakacayam silacayam darucayanti . arohanta vihannanti . anujanami bhikkhave tayo sopane itthakasopanam silasopanam darusopananti . arohanta paripatanti .pe. anujanami bhikkhave alambanabahanti . pokkharaniya udakam puranam hoti .pe. Anujanami bhikkhave udakamatikam ^1- udakaniddhamananti. [102] Tena kho pana samayena annataro upasako bhikkhusanghassa atthaya nillekham jantagharam kattukamo ^2- hoti . bhagavato etamattham arocesum. Anujanami bhikkhave nillekham jantagharanti. [103] Tena kho pana samayena chabbaggiya bhikkhu catumasam nisidanena vippavasanti . bhagavato etamattham arocesum . na bhikkhave catumasam nisidanena vippavasitabbam yo vippavaseyya apatti dukkatassati. [104] Tena kho pana samayena chabbaggiya bhikkhu pupphabhikinnesu sayanesu sayanti . manussa viharacarikam ahindanta passitva ujjhayanti khiyanti vipacenti .pe. seyyathapi gihi kamabhoginoti . bhagavato etamattham arocesum .pe. na bhikkhave pupphabhikinnesu sayanesu sayitabbam yo sayeyya apatti @Footnote: ¹ Yu. udakayatikam. ² Ma. Yu. annataro bhikkhu sanghassa atthaya nillekham @jantagharam kattukamo.

--------------------------------------------------------------------------------------------- page39.

Dukkatassati. [105] Tena kho pana samayena manussa gandhampi malampi adaya aramam agacchanti . bhikkhu kukkuccayanta na patigganhanti . bhagavato etamattham arocesum . anujanami bhikkhave gandham gahetva kavate pancangulikam datum puppham gahetva vihare ekamantam nikkhipitunti. [106] Tena kho pana samayena sanghassa namatakam uppannam hoti . bhagavato etamattham arocesum . anujanami bhikkhave namatakanti . athakho bhikkhunam etadahosi namatakam adhitthatabbam nu kho udahu vikappetabbanti .pe. na bhikkhave namatakam adhitthatabbam na vikappetabbanti. [107] Tena kho pana samayena chabbaggiya bhikkhu asittakupadhane bhunjanti . manussa ujjhayanti khiyanti vipacenti .pe. Seyyathapi gihi kamabhoginoti . bhagavato etamattham arocesum . Na bhikkhave asittakupadhane bhunjitabbam yo bhunjeyya apatti dukkatassati. [108] Tena kho pana samayena annataro bhikkhu gilano hoti . so bhunjamano na sakkoti hatthena pattam sandharetum . Bhagavato etamattham arocesum. Anujanami bhikkhave malorikanti. [109] Tena kho pana samayena chabbaggiya bhikkhu ekabhajanepi

--------------------------------------------------------------------------------------------- page40.

Bhunjanti . ekathalakepi pivanti . ekamancepi tuvattenti . Ekattharanepi tuvattenti . ekapavuranepi tuvattenti . Ekattharanapavuranepi tuvattenti ^1- . manussa ujjhayanti khiyanti vipacenti .pe. seyyathapi gihi kamabhoginoti .pe. Bhagavato etamattham arocesum .pe. na bhikkhave ekabhajane bhunjitabbam na ekathalake patabbam na ekamance tuvattitabbam na ekattharane tuvattitabbam na ekapavurane tuvattitabbam na ekattharanapavurane tuvattitabbam ^2- yo tuvatteyya apatti dukkatassati.

The Pali Tipitaka in Roman Character Volume 7 page 34-40. https://84000.org/tipitaka/read/roman_read.php?B=7&A=659&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=659&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=90&items=20 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=10 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7