PaliRoman Vol.7

page219.

[416] Tena kho pana samayena avasika bhikkhu agantuke bhikkhu disva neva asanam pannapenti na padodakam padapitham padakathalikam upanikkhipanti na paccuggantva pattacivaram patigganhanti na paniyena pucchanti na paribhojaniyena pucchanti ^1- vuddhatarepi agantuke bhikkhu na abhivadenti na senasanam pannapenti . Ye te bhikkhu appiccha .pe. te ujjhayanti khiyanti vipacenti katham hi nama avasika bhikkhu agantuke bhikkhu disva neva asanam pannapessanti na padodakam padapitham padakathalikam upanikkhipissanti na paccuggantva pattacivaram patiggahessanti na paniyena pucchissanti na paribhojaniyena pucchissanti vuddhatarepi agantuke bhikkhu na abhivadessanti na senasanam pannapessantiti . Athakho te bhikkhu bhagavato etamattham arocesum .pe. saccam kira bhikkhave .pe. saccam bhagavati .pe. vigarahitva dhammim katham katva bhikkhu amantesi tenahi bhikkhave avasikanam bhikkhunam vattam pannapessami yatha avasikehi bhikkhuhi samma vattitabbam. [417] Avasikena bhikkhave bhikkhuna agantukam bhikkhum vuddhataram disva asanam pannapetabbam padodakam padapitham padakathalikam @Footnote: ¹ Ma. Yu. Ra. na paribhojaniyena pucchantiti patho na dissati.

--------------------------------------------------------------------------------------------- page220.

Upanikkhipitabbam paccuggantva pattacivaram patiggahetabbam paniyena ^1- pucchitabbo paribhojaniyena pucchitabbo ^1- sace ussahati upahana punchitabba upahana punchantena pathamam sukkhena colakena punchitabba paccha allena upahanapunchanacolakam dhovitva piletva ekamantam vissajjetabbam agantuko vuddho ^2- bhikkhu abhivadetabbo senasanam pannapetabbam etam tumhakam ^3- senasanam papunatiti ajjhavuttham va anajjhavuttham va acikkhitabbam gocaro acikkhitabbo agocaro acikkhitabbo sekkhasammatani kulani acikkhitabbani vaccatthanam acikkhitabbam passavatthanam acikkhitabbam paniyam acikkhitabbam paribhojaniyam acikkhitabbam kattaradando acikkhitabbo sanghassa katikasanthanam acikkhitabbam imam kalam pavisitabbam imam kalam nikkhamitabbanti {417.1} sace navako hoti nisinnakeneva acikkhitabbam atra pattam nikkhipahi atra civaram nikkhipahi idam asanam nisidahiti paniyam acikkhitabbam paribhojaniyam acikkhitabbam upahanapunchanacolakam acikkhitabbam agantuko navako ^4- bhikkhu abhivadapetabbo senasanam acikkhitabbam @Footnote: ¹ Ma. Yu. Ra. paribhojaniyena pucchitabboti na dissati. ² Yu. Ra. ayam patho na @dissati. Ma. agantuko bhikkhu vuddhataro. ³ Ma. Yu. te. ⁴ Yu. Ra. navakoti @patho na dissati. Ma. bhikkhu navako.

--------------------------------------------------------------------------------------------- page221.

Etante senasanam papunatiti ajjhavuttham va anajjhavuttham va acikkhitabbam gocaro acikkhitabbo agocaro acikkhitabbo sekkhasammatani kulani acikkhitabbani vaccatthanam acikkhitabbam passavatthanam acikkhitabbam paniyam acikkhitabbam paribhojaniyam acikkhitabbam kattaradando acikkhitabbo sanghassa katikasanthanam acikkhitabbam imam kalam pavisitabbam imam kalam nikkhamitabbanti {417.2} idam kho bhikkhave avasikanam bhikkhunam vattam yatha avasikehi bhikkhuhi samma vattitabbanti.

The Pali Tipitaka in Roman Character Volume 7 page 219-221. https://84000.org/tipitaka/read/roman_read.php?B=7&A=4387&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=4387&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=416&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=59 Study Atthakatha :- https://84000.org/tipitaka/attha/attha.php?b=7&i=416 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7