บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[377] Tena kho pana samayena rajagahe nalagiri nama hatthi cando hoti manussaghatako . athakho devadatto rajagaham pavisitva hatthisalam gantva hatthibhande etadavoca mayam kho bhane rajanataka nama patibala nicatthaniyam uccatthane thapetum bhattampi vetanampi vaddhapetum tenahi bhane yada samano gotamo imam raccham patipanno hoti tada imam nalagirim hatthim muncitva imam raccham patipadethati . evam bhanteti kho te hatthibhanda devadattassa paccassosum. {377.1} Athakho bhagava pubbanhasamayam nivasetva pattacivaramadaya sambahulehi bhikkhuhi saddhim rajagaham 1- pavisi . Athakho bhagava tam raccham patipajji . addasamsu kho te hatthibhanda bhagavantam tam raccham patipannam disvana nalagirim hatthim 2- muncitva tam raccham patipadesum . addasa kho nalagiri hatthi bhagavantam @Footnote: 1 Ma. Yu. pindaya. 2 Ma. ayam patho natthi. Durato va agacchantam disvana sondam ussapetva pahatthakannavalo yena bhagava tena abhidhavi. {377.2} Addasamsu kho te bhikkhu nalagirim hatthim durato va agacchantam disvana bhagavantam etadavocum ayam bhante nalagiri hatthi cando pharuso 1- manussaghatako imam raccham patipanno patikkamatu bhante bhagava patikkamatu sugatoti . agacchatha bhikkhave ma bhayittha atthanametam bhikkhave anavakaso yo parupakkamena tathagatam jivita voropeyya na parupakkamena bhikkhave tathagata parinibbayantiti. {377.3} Dutiyampi kho te bhikkhu .pe. tatiyampi kho te bhikkhu bhagavantam etadavocum ayam bhante nalagiri hatthi cando pharuso manussaghatako imam raccham patipanno patikkamatu bhante bhagava patikkamatu sugatoti . agacchatha bhikkhave ma bhayittha atthanametam bhikkhave anavakaso yo parupakkamena tathagatam jivita voropeyya na parupakkamena bhikkhave tathagata parinibbayantiti. [378] Tena kho pana samayena manussa pasadesupi hammiyesupi chadanesupi arulha acchanti . tattha ye te manussa assaddha appasanna dubbuddhino te evamahamsu abhirupo vata bho gotamo 2- mahasamano nagena vihethiyissatiti . ye pana te @Footnote: 1 Ma. Yu. ayam patho na pannayati. 2 Ma. Yu. ayam patho natthi. Manussa saddha pasanna pandita buddhimanto te evamahamsu nacirassam 1- vata bho nago nagena sangamessatiti . Athakho bhagava nalagirim hatthim mettena cittena phari . athakho nalagiri hatthi bhagavato mettena cittena phuttho sondam oropetva yena bhagava tenupasankami upasankamitva bhagavato purato atthasi . Athakho bhagava dakkhinena hatthena nalagirissa hatthissa kumbham paramasanto nalagirim hatthim gathahi ajjhabhasi [379] Ma kunjara nagamasado 2- dukkham hi kunjara nagamasado. Na hi nagahatassa kunjara sugati hoti ito param yato. Ma ca mado ma ca pamado na hi pamatta sugatim vajanti te. Tvanneva tatha karissasi yena tvam sugatim gamissasiti. [380] Athakho nalagiri hatthi sondaya bhagavato padapamsuni gahetva uparimuddhani akiritva patikutito patisakki yava bhagavantam adakkhi . athakho nalagiri hatthi hatthisalam gantva sakatthane atthasi. Tathadanto ca pana nalagiri hatthim ahosi. @Footnote: 1 Yu. nasaddo natthi. 2 Yu. nagama asado. [381] Tena kho pana samayena manussa imam gatham gayanti dandeneke damayanti ankusehi kasahi ca. Adandena asatthena nago danto mahesinati. Manussa ujjhayanti khiyanti vipacenti yava papo ayam devadatto alakkhiko yatra hi nama samanassa gotamassa evammahiddhikassa evammahanubhavassa vadhaya parakkamissatiti . devadattassa labhasakkaro parihayi. Bhagavato ca labhasakkaro abhivaddhi. [382] Tena kho pana samayena devadatto parihinalabhasakkaro sapariso kulesu vinnapetva vinnapetva bhunjati . manussa ujjhayanti khiyanti vipacenti katham hi nama samana sakyaputtiya kulesu vinnapetva vinnapetva bhunjissanti kassa sampannam na manapam kassa sadum na ruccatiti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama devadatto sapariso kulesu vinnapetva vinnapetva bhunjissatiti . bhagavato etamattham arocesum .pe. saccam kira tvam devadatta sapariso kulesu vinnapetva vinnapetva bhunjasiti . saccam bhagavati .pe. vigarahitva dhammim katham katva bhikkhu amantesi tenahi bhikkhave bhikkhunam kulesu tikabhojanam pannapessami tayo atthavase paticca dummankunam puggalanam Niggahaya pesalanam bhikkhunam phasuviharaya ma bhikkhu 1- papiccha pakkham nissaya sangham bhindeyyunti kulanudayataya 2- ca ganabhojane yathadhammo karetabboti.The Pali Tipitaka in Roman Character Volume 7 page 187-191. https://84000.org/tipitaka/read/roman_read.php?B=7&A=3758&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=3758&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=377&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=51 Study Atthakatha :- https://84000.org/tipitaka/attha/attha.php?b=7&i=377 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]