PaliRoman Vol.7

[260] Athakho bhagava vesaliyam yathabhirantam viharitva yena savatthi tena carikam pakkami . tena kho pana samayena chabbaggiyanam @Footnote: ¹ Ma. Yu. viharam. Bhikkhunam antevasika bhikkhu buddhappamukhassa sanghassa purato purato gantva vihare parigganhanti seyyayo parigganhanti idam amhakam upajjhayanam bhavissati idam amhakam acariyanam bhavissati idam amhakam bhavissatiti . athakho ayasma sariputto buddhappamukhassa sanghassa pitthito pitthito gantva viharesu pariggahitesu seyyasu pariggahitasu seyyam alabhamano annatarasmim rukkhamule nisidi . Athakho bhagava rattiya paccusasamayam paccutthaya ukkasi . ayasmapi sariputto ukkasi . ko etthati . aham bhagava sariputtoti . Kissa tvam sariputta idha nisinnoti . athakho ayasma sariputto bhagavato etamattham arocesi. [261] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave chabbaggiyanam bhikkhunam antevasika bhikkhu buddhappamukhassa sanghassa purato purato gantva vihare parigganhanti seyyayo parigganhanti idam amhakam upajjhayanam bhavissati idam amhakam acariyanam bhavissati idam amhakam bhavissatiti . saccam bhagavati . vigarahi buddho bhagava katham hi nama te bhikkhave moghapurisa buddhappamukhassa sanghassa purato purato gantva vihare pariggahessanti seyyayo pariggahessanti idam amhakam upajjhayanam bhavissati idam amhakam acariyanam bhavissati idam amhakam bhavissatiti netam bhikkhave Appasannanam va pasadaya .pe. vigarahitva dhammim katham katva bhikkhu amantesi ko bhikkhave arahati aggasanam aggodakam aggapindanti . ekacce bhikkhu evamahamsu yo bhagava khattiyakula pabbajito so arahati aggasanam aggodakam aggapindanti . Ekacce bhikkhu evamahamsu yo bhagava brahmanakula pabbajito so arahati aggasanam aggodakam aggapindanti . ekacce bhikkhu evamahamsu yo bhagava gahapatikula pabbajito so arahati aggasanam aggodakam aggapindanti . ekacce bhikkhu evamahamsu yo bhagava suttantiko so arahati aggasanam aggodakam aggapindanti . Ekacce bhikkhu evamahamsu yo bhagava vinayadharo .pe. yo bhagava dhammakathiko so arahati aggasanam aggodakam aggapindanti. {261.1} Ekacce bhikkhu evamahamsu yo bhagava pathamassa jhanassa labhi so arahati aggasanam aggodakam aggapindanti . ekacce bhikkhu evamahamsu yo bhagava dutiyassa jhanassa labhi so arahati aggasanam aggodakam aggapindanti . ekacce bhikkhu evamahamsu yo bhagava tatiyassa jhanassa labhi .pe. yo bhagava catutthassa jhanassa labhi so arahati aggasanam aggodakam aggapindanti . ekacce bhikkhu evamahamsu yo bhagava sotapanno so arahati aggasanam aggodakam aggapindanti . ekacce bhikkhu evamahamsu yo bhagava sakidagami ^1- .pe. yo bhagava anagami .pe. yo @Footnote: ¹ Ma. Yu. sakadagami. Bhagava araha so arahati aggasanam aggodakam aggapindanti . Ekacce bhikkhu evamahamsu yo bhagava tevijjo so arahati aggasanam aggodakam aggapindanti . ekacce bhikkhu evamahamsu yo bhagava chalabhinno so arahati aggasanam aggodakam aggapindanti. [262] Athakho bhagava bhikkhu amantesi bhutapubbam bhikkhave himavantapasse ^1- mahanigrodho ahosi . tam tayo sahaya upanissaya viharimsu tittiro ca makkato ca hatthinago ca . te annamannam agarava appatissa asabhagavuttika viharimsu ^2- . athakho bhikkhave tesam sahayanam etadahosi aho nuna mayam janeyyama yam amhakam jatiya mahantataram tam mayam sakkareyyama garukareyyama ^3- maneyyama pujeyyama tassa ca mayam ovade tittheyyamati . Athakho bhikkhave tittiro ca makkato ca hatthinagam pucchimsu tvam samma kim poranam sarasiti . yadaham samma potako ^4- homi imam nigrodham antara satthinam karitva atikkamami aggankurakam me udaram chupati imaham samma poranam saramiti . athakho bhikkhave tittiro ca hatthinago ca makkatam pucchimsu tvam samma kim poranam sarasiti . yadaham samma chapo homi chamayam nisiditva imassa nigrodhassa aggankurakam khadami imaham samma poranam saramiti . @Footnote: ¹ Ma. Yu. himavantapadese. ² Ma. Yu. viharanti. ³ Ma. garum kareyyama. @⁴ Yu. chapo. Athakho bhikkhave makkato ca hatthinago ca tittiram pucchimsu tvam samma kim poranam sarasiti . amukasmim samma okase mahanigrodho ahosi tato aham phalam ^1- bhakkhitva imasmim okase vaccam akasim tassayam nigrodho jato tadaham ^2- samma jatiya mahantataroti . athakho bhikkhave makkato ca hatthinago ca tittiram etadavocum tvam samma amhakam jatiya mahantataro tam mayam sakkarissama garukarissama manessama pujessama tuyhanca mayam ovade tittheyyamati ^3- . athakho bhikkhave tittiro makkatanca hatthinaganca pancasu silesu samadapesi attana ca pancasu silesu samadaya vattati . te annamannam sagarava sappatissa sabhagavuttika viharitva kayassa bheda parammarana sugatim saggam lokam upapajjimsu. Etam kho bhikkhave tittiriyam nama brahmacariyam ahositi. [263] Ye vuddhamapacayanti nara dhammassa kovida ditthe dhamme ca pasamsa ^4- samparayo ^5- ca suggatiti. Te hi nama bhikkhave tiracchanagata pana annamannam sagarava sappatissa sabhagavuttika viharissanti idha khvetam ^6- bhikkhave sobhetha yam tumhe evamsvakkhate dhammavinaye pabbajita samana annamannam sagarava sappatissa sabhagavuttika ^7- vihareyyatha netam @Footnote: ¹ Yu. ekam phalam. ² Yu. tadapaham. ³ Yu. titthissamati. Ma. patitthiyamati. @⁴ Yu. ditthe va dhamme pasamsa. ⁵ Ma. Yu. samparaye. ⁶ Ma. Yu. khotam. @⁷ Ma. agarava apatissa asabhagavuttika. Bhikkhave appasannanam va pasadaya .pe. vigarahitva dhammim katham katva bhikkhu amantesi anujanami bhikkhave yathavuddham abhivadanam paccutthanam anjalikammam samicikammam aggasanam aggodakam aggapindam na ca bhikkhave sanghikam yathavuddham patibahitabbam yo patibaheyya apatti dukkatassati. [264] Dasayime bhikkhave avandiya pure upasampannena paccha upasampanno avandiyo anupasampanno avandiyo nanasamvasako vuddhataro adhammavadi avandiyo matugamo avandiyo pandako avandiyo parivasiko ^1- avandiyo mulayapatikassanaraho avandiyo manattaraho avandiyo manattacariko avandiyo abbhanaraho avandiyo ime kho bhikkhave dasa avandiya . tayome bhikkhave vandiya paccha upasampannena pure upasampanno vandiyo nanasamvasako vuddhataro dhammavadi vandiyo sadevake loke bhikkhave ^2- samarake sabrahmake sassamanabrahmaniya pajaya sadevamanussaya tathagato araham sammasambuddho vandiyo ime kho bhikkhave tayo vandiyati. [265] Tena kho pana samayena manussa sangham uddissa mandape patiyadenti santhare patiyadenti okase patiyadenti . Chabbaggiyanam bhikkhunam antevasika bhikkhu sanghikanneva bhagavata yathavuddham @Footnote: ¹ Yu. parivasiko. ² Yu. sadevake bhikkhave loke. Anunnatam no uddissakatanti buddhappamukhassa sanghassa purato purato gantva mandape ^1- parigganhanti santhare ^2- parigganhanti okase ^3- parigganhanti idam amhakam upajjhayanam bhavissati idam amhakam acariyanam bhavissati idam amhakam bhavissatiti . athakho ayasma sariputto buddhappamukhassa sanghassa pitthito pitthito gantva mandapesu pariggahitesu santharesu pariggahitesu okasesu pariggahitesu okasam alabhamano annatarasmim rukkhamule nisidi . Athakho bhagava rattiya paccusasamayam paccutthaya ukkasi . ayasmapi sariputto ukkasi . ko etthati . aham bhagava sariputtoti . Kissa tvam sariputta idha nisinnoti . athakho ayasma sariputto bhagavato etamattham arocesi. [266] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave chabbaggiyanam bhikkhunam antevasika bhikkhu sanghikanneva bhagavata yathavuddham anunnatam no uddissakatanti buddhappamukhassa sanghassa purato purato gantva mandape parigganhanti santhare parigganhanti okase parigganhanti idam amhakam upajjhayanam bhavissati idam amhakam acariyanam bhavissati idam amhakam bhavissatiti . Saccam bhagavati .pe. vigarahitva dhammim katham katva bhikkhu amantesi na bhikkhave uddissakatampi yathavuddham patibahitabbam @Footnote: ¹ Ma. mandapepi. ² Ma. santharepi. ³ Ma. okasepi. Yo patibaheyya apatti dukkatassati. [267] Tena kho pana samayena manussa bhattagge antaraghare uccasayanamahasayanani pannapenti ^1- seyyathidam asandim pallankam gonakam cittakam patikam patalikam tulikam vikatikam uddhalomim ekantalomim katissam ^2- koseyyam kambalam ^3- kuttakam hatthattharam assattharam rathattharam ajinappavenim kadalimigapavarapaccattharanam sauttaracchadam ubhatolohitakupadhanam . Bhikkhu kukkuccayanta nabhinisidanti . bhagavato etamattham arocesum . anujanami bhikkhave thapetva tini asandim pallankam tulikam avasesam ^4- gihivikatam abhinisiditum na tveva abhinipajjitunti. [268] Tena kho pana samayena manussa bhattagge antaraghare tulonaddham mancampi pithampi pannapenti ^1- . bhikkhu kukkuccayanta na abhinisidanti . bhagavato etamattham arocesum . anujanami bhikkhave gihivikatam abhinisiditum na tveva abhinipajjitunti.

The Pali Tipitaka in Roman Character Volume 7 page 113-120. https://84000.org/tipitaka/read/roman_read.php?B=7&A=2271&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=2271&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=260&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=34 Study Atthakatha :- https://84000.org/tipitaka/attha/attha.php?b=7&i=260 The Pali Atthakatha in Thai :- https://84000.org/tipitaka/atthapali/read_th.php?B=3&A=7398 The Pali Atthakatha in Roman :- https://84000.org/tipitaka/atthapali/read_rm.php?B=3&A=7398 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7