PaliRoman Vol.7

[232] Tena kho pana samayena bhikkhu mancapadepi pithapadepi thavikayo laggenti . undurehipi upacikahipi khajjanti . bhagavato etamattham arocesum. Anujanami bhikkhave bhittikhilam nagadantakanti. [233] Tena kho pana samayena bhikkhu mancepi pithepi civaram nikkhipanti . civaram paribhijjati ^1- . bhagavato etamattham arocesum. Anujanami bhikkhave vihare ^2- civaravamsam civararajjunti. [234] Tena kho pana samayena vihara analindaka honti appatisarana . bhagavato etamattham arocesum . anujanami bhikkhave alindam paghanam pakuttam ^3- osarakinti ^4- . alinda pakata honti . bhikkhu hiriyanti nipajjitum .pe. anujanami bhikkhave samsaranakitikam ugghatanakitikanti. [235] Tena kho pana samayena bhikkhu ajjhokase bhattavissaggam karonta sitenapi unhenapi kilamanti . bhagavato etamattham arocesum . anujanami bhikkhave upatthanasalanti . upatthanasala nicavatthuka hoti . udakena otthariyati .pe. anujanami bhikkhave uccavatthukam katunti . cayo paripatati .pe. anujanami bhikkhave cinitum tayo caye itthakacayam silacayam darucayanti . Arohanta vihannanti .pe. anujanami bhikkhave tayo sopane itthakasopanam silasopanam darusopananti . arohanta @Footnote: ¹ Ma. Yu. paribhijjiti. ² Yu. ayam patho na dissati. ³ Ma. Yu. pakutam. @⁴ Ma. osarakanti. Yu. osarakanti. Paripatanti .pe. anujanami bhikkhave alambanabahanti . Upatthanasalaya tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam malakammam latakammam makaradantakam pancapatikam civaravamsam civararajjunti. [236] Tena kho pana samayena bhikkhu ajjhokase chamayam civaram pattharanti . civaram pamsukitam hoti .pe. anujanami bhikkhave ajjhokase civaravamsam civararajjunti .pe. paniyam otappati .pe. Anujanami bhikkhave paniyasalam paniyamandapanti . paniyasala nicavatthuka hoti . udakena otthariyati .pe. anujanami bhikkhave uccavatthukam katunti . cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo sopane itthakasopanam silasopanam darusopananti . arohanta paripatanti .pe. Anujanami bhikkhave alambanabahanti . paniyasalaya tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam malakammam latakammam makaradantakam pancapatikam civaravamsam civararajjunti . paniyabhajanam na samvijjati .pe. Anujanami bhikkhave paniyasankham paniyasaravakanti. [237] Tena kho pana samayena vihara aparikkhitta honti .pe. anujanami bhikkhave parikkhipitum tayo pakare itthakapakaram silapakaram darupakaranti . kotthako na hoti .pe. anujanami bhikkhave kotthakanti . kotthako nicavatthuko hoti. Udakena otthariyati .pe. anujanami bhikkhave uccavatthukam katunti . kotthakassa kavatam na hoti .pe. anujanami bhikkhave kavatam pitthasanghatam udukkhalikam uttarapasakam aggalavattim kapisisakam sucikam ghatikam talacchiddam avinchanacchiddam avinchanarajjunti . kotthake ^1- tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam malakammam latakammam makaradantakam pancapatikanti. [238] Tena kho pana samayena parivenam cikkhallam hoti. Bhagavato etamattham arocesum . anujanami bhikkhave marumbam upakiritunti . na pariyapunanti .pe. anujanami bhikkhave padarasilam nikkhipitunti . Udakam santitthati .pe. Anujanami bhikkhave udakaniddhamananti. [239] Tena kho pana samayena bhikkhu parivene taham taham aggitthanam karonti . parivenam uklapam ^2- hoti . bhagavato etamattham arocesum . anujanami bhikkhave ekamantam aggisalam @Footnote: ¹ Yu. kotthaka. ² Ma. Yu. ukkalapam. Katunti . aggisala nicavatthuka hoti . udakena otthariyati .pe. Anujanami bhikkhave uccavatthukam katunti . cayo paripatati .pe. Anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo sopane itthakasopanam silasopanam darusopananti . Arohanta paripatanti .pe. Anujanami bhikkhave alambanabahanti. {239.1} Aggisalaya kavatam na hoti .pe. Anujanami bhikkhave kavatam pitthasanghatam udukkhalikam uttarapasakam aggalavattim kapisisakam sucikam ghatikam talacchiddam avinchanacchiddam avinchanarajjunti . Aggisalaya tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam malakammam latakammam makaradantakam pancapatikam civaravamsam civarajjunti . aramo aparikkhitto hoti . Ajakapi pasukapi uparope vihethenti . bhagavato etamattham arocesum . anujanami bhikkhave parikkhipitum tayo vate veluvatam kantakavatam ^1- parikhanti . Kotthako na hoti . tatheva ajakapi pasukapi uparope vihethenti. Anujanami bhikkhave kotthakam apesim yamakakavatam toranam palighanti . Kotthake ^2- tinacunnam paripatati .pe. anujanami bhikkhave ogumbetva ullittavalittam katum setavannam kalavannam gerukaparikammam @Footnote: ¹ Ma. Yu. vate veluvatam kantakavatam. Ma. kantakavatam. ² Yu. kotthaka. Malakammam latakammam makaradantakam pancapatikanti . aramo cikkhallo hoti .pe. anujanami bhikkhave marumbam upakiritunti . Na pariyapunanti .pe. anujanami bhikkhave padarasilam nikkhipitunti . Udakam santitthati .pe. Anujanami bhikkhave udakaniddhamananti. [240] Tena kho pana samayena raja magadho seniyo bimbisaro sanghassa atthaya sudhamattikalepanam pasadam karapetukamo hoti . athakho bhikkhunam etadahosi kim nu kho bhagavata chadanam anunnatanti ^1- . bhagavato etamattham arocesum . anujanami bhikkhave panca chadanani itthakachadanam silachadanam sudhachadanam tinacchadanam pannacchadananti. Bhanavaram nitthitam pathamam. ^2-

The Pali Tipitaka in Roman Character Volume 7 page 98-102. https://84000.org/tipitaka/read/roman_read.php?B=7&A=1944&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=1944&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=232&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=31 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7