|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 6 : PALI ROMAN Vinaya Pitaka Vol 6 : Vinaya. Culla (1)
[608] Tena kho pana samayena chabbaggiya bhikkhu appatinnaya bhikkhunam kammani karonti tajjaniyampi niyassampi pabbajaniyampi patisaraniyampi ukkhepaniyampi . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu appatinnaya bhikkhunam kammani karissanti tajjaniyampi niyassampi pabbajaniyampi patisaraniyampi ukkhepaniyampiti . athakho te bhikkhu bhagavato etamattham arocesum . saccam kira bhikkhave .pe. Saccam bhagavati .pe. vigarahitva dhammim katham katva bhikkhu amantesi na bhikkhave appatinnaya bhikkhunam kammam katabbam tajjaniyam va niyassam va pabbajaniyam va patisaraniyam va ukkhepaniyam va yo kareyya apatti dukkatassa. [609] Evam kho bhikkhave adhammikam hoti patinnatakaranam evam dhammikam . kathanca bhikkhave adhammikam hoti patinnatakaranam . Bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti. So evam vadeti na kho aham avuso parajikam--------------------------------------------------------------------------------------------- page322.
Ajjhapanno sanghadisesam ajjhapannoti . tam sangho sanghadisesena kareti . adhammikam patinnatakaranam . bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti . so evam vadeti na kho aham avuso parajikam ajjhapanno thullaccayam ajjhapannoti . tam sangho thullaccayena kareti . Adhammikam patinnatakaranam. {609.1} Bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti . so evam vadeti na kho aham avuso parajikam ajjhapanno pacittiyam ajjhapannoti . tam sangho pacittiyena kareti . adhammikam patinnatakaranam . bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti . so evam vadeti na kho aham avuso parajikam ajjhapanno patidesaniyam ajjhapannoti . tam sangho patidesaniyena kareti . adhammikam patinnatakaranam . bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti . so evam vadeti na kho aham avuso parajikam ajjhapanno dukkatam ajjhapannoti . Tam sangho dukkatena kareti . adhammikam patinnatakaranam . bhikkhu--------------------------------------------------------------------------------------------- page323.
Parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti . So evam vadeti na kho aham avuso parajikam ajjhapanno dubbhasitam ajjhapannoti . tam sangho dubbhasitena kareti . Adhammikam patinnatakaranam. {609.2} Bhikkhu sanghadisesam ajjhapanno .pe. thullaccayam .pe. pacittiyam .pe. patidesaniyam .pe. dukkatam .pe. dubbhasitam ajjhapanno hoti . tamenam codeti sangho va sambahula va ekapuggalo va dubbhasitam ayasma ajjhapannoti . so evam vadeti na kho aham avuso dubbhasitam ajjhapanno parajikam ajjhapannoti . tam sangho parajikena kareti . adhammikam patinnatakaranam . bhikkhu dubbhasitam ajjhapanno hoti . tamenam codeti sangho va sambahula va ekapuggalo va dubbhasitam ayasma ajjhapannoti . so evam vadeti na kho aham avuso dubbhasitam ajjhapanno sanghadisesam .pe. Thullaccayam .pe. pacittiyam .pe. patidesaniyam .pe. dukkatam ajjhapannoti . tam sangho dukkatena kareti . adhammikam patinnatakaranam. Evam kho bhikkhave adhammikam hoti patinnatakaranam. [610] Kathanca bhikkhave dhammikam hoti patinnatakaranam . bhikkhu parajikam ajjhapanno hoti . tamenam codeti sangho va sambahula va ekapuggalo va parajikam ayasma ajjhapannoti .--------------------------------------------------------------------------------------------- page324.
So evam vadeti amavuso 1- parajikam ajjhapannoti . tam sangho parajikena kareti . dhammikam patinnatakaranam . bhikkhu sanghadisesam .pe. thullaccayam .pe. pacittiyam .pe. Patidesaniyam .pe. Dukkatam .pe. dubbhasitam ajjhapanno hoti . tamenam codeti sangho va sambahula va ekapuggalo va dubbhasitam ayasma ajjhapannoti . so evam vadeti amavuso 1- dubbhasitam ajjhapannoti. Tam sangho dubbhasitena kareti . dhammikam patinnatakaranam . Evam kho bhikkhave dhammikam hoti patinnatakarananti.The Pali Tipitaka in Roman Character Volume 6 page 321-324. https://84000.org/tipitaka/read/roman_read.php?B=6&A=6543&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6543&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=608&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=50 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]