PaliRoman Vol.6

[426] So parivutthaparivaso bhikkhunam arocesi aham avuso Ekam apattim apajjim sancetanikam sukkavisatthim pakkhapaticchannam .pe. soham parivutthaparivaso katham nu kho maya patipajjitabbanti . Te bhikkhu bhagavato etamattham arocesum . tenahi bhikkhave sangho udayissa bhikkhuno tissannam apattinam charattam manattam detu. [427] Evanca pana bhikkhave databbam . Tena bhikkhave udayina bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante ekam apattim apajjim sancetanikam sukkavisatthim pakkhapaticchannam .pe. soham bhante parivutthaparivaso sangham tissannam apattinam charattam manattam yacamiti . dutiyampi yacitabbam tatiyampi yacitabbam. [428] Byattena bhikkhuna patibalena sangho napetabbo {428.1} sunatu me bhante sangho ayam udayi bhikkhu ekam apattim apajji sancetanikam sukkavisatthim pakkhapaticchannam .pe. parivutthaparivaso sangham tissannam apattinam charattam manattam yacati . yadi sanghassa pattakallam sangho udayissa bhikkhuno tissannam apattinam charattam manattam dadeyya. Esa natti. {428.2} Sunatu me bhante sangho ayam udayi bhikkhu ekam apattim apajji sancetanikam sukkavisatthim pakkhapaticchannam .pe. so parivutthaparivaso sangham tissannam apattinam charattam manattam yacati . sangho udayissa Bhikkhuno tissannam apattinam charattam manattam deti . yassayasmato khamati udayissa bhikkhuno tissannam apattinam charattam manattassa danam so tunhassa yassa nakkhamati so bhaseyya. {428.3} Dutiyampi etamattham vadami .pe. tatiyampi etamattham vadami .pe. dinnam sanghena udayissa bhikkhuno tissannam apattinam charattam manattam khamati sanghassa tasma tunhi. Evametam dharayamiti. [429] So manattam caranto antara ekam apattim apajji sancetanikam sukkavisatthim pancahapaticchannam . so bhikkhunam arocesi aham avuso ekam apattim apajjim sancetanikam sukkavisatthim pakkhapaticchannam .pe. soham manattam caranto antara ekam apattim apajjim sancetanikam sukkavisatthim pancahapaticchannam katham nu kho maya patipajjitabbanti . te bhikkhu bhagavato etamattham arocesum . tenahi bhikkhave sangho udayim bhikkhum antara ekissa apattiya sancetanikaya sukkavisatthiya pancahapaticchannaya mulaya patikassitva purimaya apattiya samodhanaparivasam datva charattam manattam detu. [430] Evanca pana bhikkhave mulaya patikassitabbo .pe. [431] Evanca pana bhikkhave purimaya apattiya samodhanaparivaso databbo .pe. [432] Evanca pana bhikkhave charattam manattam databbam .pe. Deti .pe. dinnam sanghena udayissa bhikkhuno antara ekissa apattiya sancetanikaya sukkavisatthiya pancahapaticchannaya charattam manattam khamati sanghassa tasma tunhi. Evametam dharayamiti.

The Pali Tipitaka in Roman Character Volume 6 page 208-211. https://84000.org/tipitaka/read/roman_read.php?B=6&A=4252&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=4252&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=426&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=30 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6