|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 45 : PALI ROMAN Sutta Pitaka Vol 37 : Abhi. Pa.(6) Paccanīya-Anulomapaccanīya-Paccanīyānulomapaṭṭhānaṃ
Pītittikenapītittikaṃ [66] Pītisahagataṃ dhammaṃ paṭicca napītisahagato dhammo uppajjati hetupaccayā: pītisahagataṃ dhammaṃ paṭicca nasukhasahagato dhammo uppajjati hetupaccayā: pītisahagataṃ dhammaṃ paṭicca naupekkhā- sahagato dhammo uppajjati hetupaccayā: pītisahagataṃ dhammaṃ paṭicca napītisahagato ca naupekkhāsahagato ca dhammā uppajjanti hetupaccayā: pītisahagataṃ dhammaṃ paṭicca nasukhasahagato ca naupekkhā- sahagato ca dhammā uppajjanti hetupaccayā: pītisahagataṃ dhammaṃ paṭicca napītisahagato ca nasukhasahagato ca dhammā uppajjanti hetupaccayā: pītisahagataṃ dhammaṃ paṭicca napītisahagato ca nasukhasahagato ca naupekkhāsahagato ca dhammā uppajjanti hetupaccayā: satta. [67] Sukhasahagataṃ dhammaṃ paṭicca nasukhasahagato dhammo uppajjati hetupaccayā: satta.--------------------------------------------------------------------------------------------- page156.
[68] Upekkhāsahagataṃ dhammaṃ paṭicca naupekkhāsahagato dhammo uppajjati hetupaccayā: sattaṃ. [69] Pītisahagatañca sukhasahagatañca dhammaṃ paṭicca napītisahagato dhammo uppajjati hetupaccayā: satta. [70] Hetuyā aṭṭhavīsa ārammaṇe catuvīsa avigate aṭṭhavīsa. Sahajātavārampi sampayuttavārampi pañhāvārampi sabbattha vitthāretabbaṃ. Dassanattike nadassanattikaṃ [71] Dassanenapahātabbaṃ dhammaṃ paṭicca nadassanenapahātabbo dhammo uppajjati hetupaccayā: dassanenapahātabbaṃ dhammaṃ paṭicca nabhāvanāyapahātabbo dhammo uppajjati hetupaccayā: dassanena- pahātabbaṃ dhammaṃ paṭicca nanevadassanenanabhāvanāyapahātabbo dhammo uppajjati hetupaccayā: dassanenapahātabbaṃ dhammaṃ paṭicca nabhāvanāyapahātabbo ca nanevadassanenanabhāvanāyapahātabbo ca dhammā uppajjanti hetupaccayā: dassanenapahātabbaṃ dhammaṃ paṭicca nadassanenapahātabbo ca nabhāvanāyapahātabbo ca dhammā uppajjanti hetupaccayā: pañca. [72] Bhāvanāyapahātabbaṃ dhammaṃ paṭicca nabhāvanāyapahātabbo dhammo uppajjati hetupaccayā: pañca. [73] Nevadassanenanabhāvanāyapahātabbaṃ dhammaṃ paṭicca--------------------------------------------------------------------------------------------- page157.
Nadassanenapahātabbo dhammo uppajjati hetupaccayā: tīṇi. [74] Dassanenapahātabbañca nevadassanenanabhāvanāyapahātabbañca dhammaṃ paṭicca nadassanenapahātabbo dhammo uppajjati hetupaccayā: tīṇi. [75] Bhāvanāyapahātabbañca nevadassanenanabhāvanāyapahātabbañca dhammaṃ paṭicca nadassanenapahātabbo dhammo uppajjati hetupaccayā: tīṇi. [76] Hetuyā ekūnavīsa avigate ekūnavīsa. Sahajātavārampi sampayuttavārampi pañhāvārampi vitthāretabbaṃ. Dassanenapahātabbahetukattike nadassanenapahātabbahetukattikaṃ [77] Dassanenapahātabbahetukaṃ dhammaṃ paṭicca nadassanena- pahātabbahetuko dhammo uppajjati hetupaccayā:. [78] Hetuyā chabbīsa avigate chabbīsa vitthāretabbaṃ.The Pali Tipitaka in Roman Character Volume 45 page 155-157. https://84000.org/tipitaka/read/roman_read.php?B=45&A=3064&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=45&A=3064&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=45.2&item=66&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=45&siri=46 Study Atthakatha :- https://84000.org/tipitaka/attha/attha.php?b=45&i=586 Contents of The Tipitaka Volume 45 https://84000.org/tipitaka/read/?index_45 https://84000.org/tipitaka/english/?index_45
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]