ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)

     [37]   Athakho   bhagava   anupubbena   carikam   caramano   yena
uruvela   tadavasari   .   tena   kho   pana  samayena  uruvelayam  tayo
jatila    pativasanti    uruvelakassapo    nadikassapo   gayakassapoti  .
Tesu   uruvelakassapo   jatilo   pancannam   jatilasatanam   nayako   hoti
vinayako   aggo   pamukho   pamokkho   .   nadikassapo  jatilo  tinnam
jatilasatanam nayako hoti vinayako aggo pamukho pamokkho.
     {37.1}   Gayakassapo  jatilo  dvinnam  jatilasatanam  nayako  hoti
vinayako    aggo   pamukho   pamokkho   .   athakho   bhagava   yena
uruvelakassapassa     jatilassa    assamo    tenupasankami    upasankamitva
uruvelakassapam   jatilam   etadavoca   sace  te  kassapa  agaru  vaseyyama
ekarattim  1-  agyagareti  .  na  kho  me  mahasamana  garu  apica kho
candettha   nagaraja   iddhima   asiviso   ghoraviso   so   tam  ma
vihethesiti   .   dutiyampi   kho  bhagava  uruvelakassapam  jatilam  etadavoca
sace   te   kassapa   agaru  vaseyyama  ekarattim  agyagareti  .  na
kho   me   mahasamana   garu   apica  kho  candettha  nagaraja  iddhima
@Footnote: 1 Ma. Yu. ekarattam. itoparam idisameva.
Asiviso   ghoraviso   so   tam   ma   vihethesiti   .   tatiyampi  kho
bhagava   uruvelakassapam   jatilam   etadavoca   sace   te   kassapa  agaru
vaseyyama   ekarattim   agyagareti   .  na  kho  me  mahasamana  garu
apica    kho    candettha   nagaraja   iddhima   asiviso   ghoraviso
so   tam   ma   vihethesiti  .  appeva  mam  na  vihetheyya  ingha  tvam
kassapa   anujanahi   agyagaranti   .  vihara  mahasamana  yathasukhanti .
Athakho    bhagava    agyagaram    pavisitva   tinasantharakam   pannapetva
nisidi    pallankam    abhujitva    ujum   kayam   panidhaya   parimukham   satim
upatthapetva.
     [38]  Athakho  1-  so  nago  addasa  bhagavantam  pavittham  disvana
dukkhi  2-  dummano  padhupasi  3-  .  athakho bhagavato etadahosi yannunaham
imassa    nagassa    anupahacca    chavinca   cammanca   mamsanca   nharunca
atthinca   atthiminjanca   tejasa   tejam  pariyadeyyanti  4-  .  athakho
bhagava   tatharupam  iddhabhisankharam  abhisankharitva  padhupasi  .  athakho  so
nago   makkham   asahanto  pajjali  .  bhagavapi  tejodhatum  samapajjitva
pajjali   .   ubhinnam  sanjotibhutanam  5-  agyagaram  adittam  viya  hoti
sampajjalitam   sanjotibhutam   6-   .   athakho   te   jatila   agyagaram
parivaretva   evamahamsu   abhirupo   vata   bho   mahasamano   nagena
vihethiyatiti   7-   .   athakho  bhagava  tassa  rattiya  accayena  tassa
@Footnote: 1 Ma. addasa kho so bhagavantam pavittham .   2 Ma. ayam patho na dissati.
@3 Ma. padhupayi. ito param idisameva .   4 Ma. Yu. pariyadiyeyyanti.
@5-6 sajjotibhutanam sajjotibhutantipi patha .     7 Yu. vihethissatiti.
Nagassa    anupahacca    chavinca   cammanca   mamsanca   nharunca   atthinca
atthiminjanca    tejasa    tejam    pariyadayitva    patte   pakkhipitva
uruvelakassapassa     jatilassa    dassesi    ayante    kassapa    nago
pariyadinno   assa   tejasa   tejoti   .   athakho   uruvelakassapassa
jatilassa    etadahosi    mahiddhiko    kho    mahasamano    mahanubhavo
yatra    hi    nama    candassa    nagarajassa   iddhimato   asivisassa
ghoravisassa   tejasa   tejam   pariyadayissati  na  tveva  ca  kho  araha
yatha ahanti.
     [39] Neranjaraya bhagava uruvelakassapam jatilamavoca
        sace te kassapa agaru viharemu ajjunho aggisaranamhiti.
        Na kho me mahasamana garu phasukamo ca 1- tam nivaremi
        candettha nagaraja iddhima asiviso ghoraviso so
tam ma vihethesiti.
        Appeva 2- mam na vihetheyya ingha tvam kassapa anujanahi
agyagaranti.
        Dinnanti nam viditva abhito 3- pavisi bhayamatito.
        Disva isim pavittham ahinago dummano padhupasi.
        Sumanamanaso 4- na vimano 5- manussanagopi tattha padhupasi.
@Footnote: 1 Yu. phasukamo va .     2 Po. appeva nama .   3 Yu. asambhito.
@4 Yu. sumanaso. 5 Si. Ma. adhimano. Yu. avimano.
        Makkhanca asahamano ahinago pavakova pajjali.
        Tejodhatukusalo manussanagopi tattha 1- pajjali.
        Ubhinnam sanjotibhutanam agyagaram [2]- udiccare.
        Jatila abhirupo vata bho mahasamano nagena vihethiyatiti
bhananti 3-.
        Atha 4- rattiya accayena ahinagassa 5- acciyo na
        honti 6-. Iddhimato pana thita 7- anekavanna acciyo
        honti. Nila atha lohitaka 8- manjettha pitaka
        phalikavannayo angirasassa kaye anekavanna acciyo honti.
        Pattamhi odahitva ahinagam brahmanassa dassesi ayam te
        kassapa nago pariyadinno assa tejasa tejoti 9-.
     Athakho   uruvelakassapo  jatilo  bhagavato  imina  iddhipatihariyena
abhippasanno    bhagavantam   etadavoca   idheva   mahasamana   viharam   10-
ahante dhuvabhattenati.
                      Pathamam patihariyam
     [40]    Athakho   bhagava   uruvelakassapassa   jatilassa   assamassa
@Footnote: 1 Ra. tattheva .   2 Ma. adittam hoti sampajjalitam sanjotibhutam.
@3 Si. iti bhananti .  4 Ma. atha tassa .   Yu. athakho tassa .   5 Si. yava nagassa.
@Ma. Yu. hata nagassa .  6 Si. Ma. Yu. honti .   7 Si. patthata.
@8 Si. Ma. Yu. salohitika. 9 neranjaraya bhagavatiadigathayo
@paccha pakkhittati tabbannanayam vuttam. 10 Po. viharatha.
Avidure   annatarasmim  vanasande  vihasi  .  athakho  cattaro  maharaja
abhikkantaya     rattiya     abhikkantavanna     kevalakappam     vanasandam
obhasetva    yena   bhagava   tenupasankamimsu   upasankamitva   bhagavantam
abhivadetva catuddisa atthamsu seyyathapi mahanta aggikkhandha.
     {40.1}  Athakho  uruvelakassapo  jatilo  tassa  rattiya accayena
yena   bhagava   tenupasankami   upasankamitva  bhagavantam  etadavoca  kalo
mahasamana  nitthitam  bhattam  ke  nu  kho  te  mahasamana abhikkantaya rattiya
abhikkantavanna    kevalakappam    vanasandam    obhasetva    yena   tvam
tenupasankamimsu    upasankamitva    tam   abhivadetva   catuddisa   atthamsu
seyyathapi   mahanta   aggikkhandhati   .  ete  kho  kassapa  cattaro
maharaja    yenaham    tenupasankamimsu    dhammassavanayati   .   athakho
uruvelakassapassa    jatilassa    etadahosi   mahiddhiko   kho   mahasamano
mahanubhavo   yatra   hi   nama   cattaropi  maharaja  upasankamissanti
dhammassavanaya   na   tveva   ca   kho  araha  yatha  ahanti  .  athakho
bhagava    uruvelakassapassa    jatilassa    bhattam    bhunjitva    tasmimyeva
vanasande vihasi.
                     Dutiyam patihariyam.
     [41]    Athakho   sakko   devanamindo   abhikkantaya   rattiya
abhikkantavanno   1-   kevalakappam   vanasandam  obhasetva  yena  bhagava
@Footnote: 1 sabbattha abhikkantavannati dissati. tattha karanam pariyesitabbam.
Tenupasankami     upasankamitva     bhagavantam    abhivadetva    ekamantam
atthasi     seyyathapi     mahaaggikkhandho     purimahi     vannanibhahi
abhikkantataro   ca   panitataro   ca   .   athakho  uruvelakassapo  jatilo
tassa   rattiya   accayena   yena   bhagava  tenupasankami  upasankamitva
bhagavantam    etadavoca    kalo    [1]-    mahasamana   nitthitam   bhattam
ko   nu   kho   so   mahasamana   abhikkantaya  rattiya  abhikkantavanno
kevalakappam     vanasandam    obhasetva    yena    tvam    tenupasankami
upasankamitva    tam    abhivadetva    ekamantam   atthasi   seyyathapi
mahaaggikkhandho    purimahi   vannanibhahi   abhikkantataro   ca   panitataro
cati    .    eso   kho   kassapa   sakko   devanamindo   yenaham
tenupasankami   dhammassavanayati   .   athakho   uruvelakassapassa   jatilassa
etadahosi    mahiddhiko    kho    mahasamano   mahanubhavo   yatra   hi
nama  sakko  2-  devanamindo  upasankamissati  dhammassavanaya  na  tveva
ca   kho   araha   yatha   ahanti   .  athakho  bhagava  uruvelakassapassa
jatilassa bhattam bhunjitva tasmimyeva vanasande vihasi.
                     Tatiyam patihariyam.
     [42]  Athakho  brahma  sahampati abhikkantaya rattiya abhikkantavanno
kevalakappam    vanasandam    obhasetva    yena    bhagava   tenupasankami
upasankamitva      bhagavantam     abhivadetva     ekamantam     atthasi
seyyathapi    mahaaggikkhandho    purimahi    vannanibhahi    abhikkantataro
@Footnote: 1 Ma. kho .    2 Ma. Yu. sakkopi.
Ca   panitataro   ca   .  athakho  uruvelakassapo  jatilo  tassa  rattiya
accayena    yena    bhagava    tenupasankami    upasankamitva    bhagavantam
etadavoca   kalo   mahasamana   nitthitam   bhattam   ko   nu   kho   so
mahasamana     abhikkantaya     rattiya     abhikkantavanno    kevalakappam
vanasandam    obhasetva    yena    tvam    tenupasankami   upasankamitva
tam    abhivadetva   ekamantam   atthasi   seyyathapi   mahaaggikkhandho
purimahi   vannanibhahi   abhikkantataro   ca   panitataro   cati  .  eso
kho  kassapa  brahma  sahampati  yenaham  tenupasankami  dhammassavanayati .
Athakho    uruvelakassapassa    jatilassa    etadahosi    mahiddhiko    kho
mahasamano   mahanubhavo   yatra   hi   nama   brahma   1-   sahampati
upasankamissati  dhammassavanaya  na  tveva  ca  kho  araha  yatha  ahanti.
Athakho   bhagava   uruvelakassapassa   jatilassa   bhattam  bhunjitva  tasmimyeva
vanasande vihasi.
                    Catuttham patihariyam.
     [43]  Tena  kho  pana  samayena uruvelakassapassa jatilassa mahayanno
paccupatthito   hoti   .   kevalakappa   ca   angamagadha  pahutam  khadaniyam
bhojaniyam   adaya   abhikkamitukama   honti  .  athakho  uruvelakassapassa
jatilassa    etadahosi   etarahi   kho   me   mahayanno   paccupatthito
kevalakappa    ca    angamagadha    pahutam   khadaniyam   bhojaniyam   adaya
abhikkamissanti     sace    mahasamano    mahajanakaye    iddhipatihariyam
@Footnote: 1 Ma. Yu. brahmapi.
Karissati   mahasamanassa   labhasakkaro   abhivaddhissati   mama  labhasakkaro
parihayissati   aho   nuna   mahasamano   svatanaya   nagaccheyyati .
Athakho   bhagava  uruvelakassapassa  jatilassa  cetasa  cetoparivitakkamannaya
uttarakurum    gantva    tato    pindapatam    aharitva   anotattadahe
paribhunjitva tattheva divaviharam akasi.
     {43.1}  Athakho  uruvelakassapo  jatilo  tassa  rattiya accayena
yena   bhagava   tenupasankami   upasankamitva  bhagavantam  etadavoca  kalo
mahasamana   nitthitam  bhattam  kim  nu  kho  mahasamana  hiyyo  nagamasi  apica
mayam   tam   sarama   kim   nu   kho   mahasamano   nagacchatiti  khadaniyassa
ca  1-  te  pativiso  2-  thapitoti . Nanu te kassapa etadahosi etarahi
kho    me    mahayanno   paccupatthito   kevalakappa   ca   angamagadha
pahutam   khadaniyam   bhojaniyam   adaya   abhikkamissanti   sace   mahasamano
mahajanakaye    iddhipatihariyam    karissati   mahasamanassa   labhasakkaro
abhivaddhissati     mama     labhasakkaro     parihayissati    aho    nuna
mahasamano    svatanaya    nagaccheyyati    so   kho   aham   kassapa
tava    cetasa    cetoparivitakkamannaya    uttarakurum    gantva   tato
pindapatam   aharitva   anotattadahe   paribhunjitva  tattheva  divaviharam
akasinti   .   athakho   uruvelakassapassa  jatilassa  etadahosi  mahiddhiko
kho    mahasamano   mahanubhavo   yatra   hi   nama   cetasapi   cittam
@Footnote: 1 Ma. Yu. khadaniyassa ca bhojaniyassa ca .    2 Si. pativimso.
Pajanissati   na   tveva   ca   kho   araha   yatha  ahanti  .  athakho
bhagava   uruvelakassapassa   jatilassa   bhattam   bhunjitva   1-   tasmimyeva
vanasande vihasi.
                    Pancamam patihariyam.
     [44]  Tena  kho  pana  samayena  bhagavato  pamsukulam  uppannam hoti.
Athakho  bhagavato  etadahosi  kattha  nu  kho  aham  pamsukulam  dhoveyyanti .
Athakho   sakko   devanamindo   bhagavato  cetasa  cetoparivitakkamannaya
panina    pokkharanim    khanitva    bhagavantam   etadavoca   idha   bhante
bhagava    pamsukulam   dhovatuti   .   athakho   bhagavato   etadahosi   kimhi
nu   kho   aham  pamsukulam  parimaddeyyanti  .  athakho  sakko  devanamindo
bhagavato    cetasa    cetoparivitakkamannaya    mahatim    silam   upanikkhipi
idha bhante bhagava pamsukulam parimaddatuti.
     {44.1}  Athakho  bhagavato  etadahosi  kimhi nu kho aham alambitva
uttareyyanti   .   athakho  kakudhe  adhivattha  devata  bhagavato  cetasa
cetoparivitakkamannaya    sakham    onamesi    idha    bhante    bhagava
alambitva   uttaratuti   .  athakho  bhagavato  etadahosi  kimhi  nu  kho
aham   pamsukulam   vissajjeyyanti  .  athakho  sakko  devanamindo  bhagavato
cetasa   cetoparivitakkamannaya   mahatim   silam   upanikkhipi   idha   bhante
bhagava pamsukulam vissajjetuti.
     Athakho    uruvelakassapo    jatilo   tassa   rattiya   accayena
yena    bhagava    tenupasankami    upasankamitva    bhagavantam   etadavoca
@Footnote: 1 Ma. Yu. paribhunjitva.
Kalo    mahasamana   nitthitam   bhattam   kim   nu   kho   mahasamana   nayam
pubbe    idha    pokkharani    sayam    idha   pokkharani   nayima   sila
pubbe     upanikkhitta     kenima    sila    upanikkhitta    nayimassa
kakudhassa   pubbe   sakha   onata   sayam   sakha  onatati  .  idha
me    kassapa    pamsukulam    uppannam    ahosi    tassa   mayham   kassapa
etadahosi    kattha    nu    kho   aham   pamsukulam   dhoveyyanti   athakho
kassapa    sakko   devanamindo   mama   cetasa   cetoparivitakkamannaya
panina   pokkharanim   khanitva   mam   etadavoca   idha   bhante   bhagava
pamsukulam    dhovatuti    sayam    amanussena   panina   khanita   pokkharani
tassa    mayham    kassapa   etadahosi   kimhi   nu   kho   aham   pamsukulam
parimaddeyyanti   athakho   kassapa   sakko   devanamindo   mama  cetasa
cetoparivitakkamannaya    mahatim   silam   upanikkhipi   idha   bhante   bhagava
pamsukulam    parimaddatuti    sayam    amanussena    nikkhitta   sila   tassa
mayham    kassapa    etadahosi    kimhi    nu   kho   aham   alambitva
uttareyyanti    athakho    kassapa    kakudhe   adhivattha   devata   mama
cetasa    cetoparivitakkamannaya    sakham    onamesi    idha   bhante
bhagava   alambitva   uttaratuti   svayam   aharahattho   kakudho   tassa
mayham   kassapa   etadahosi   kimhi  nu  kho  aham  pamsukulam  vissajjeyyanti
athakho  kassapa  sakko  devanamindo  mama  cetasa  cetoparivitakkamannaya
mahatim     silam     upanikkhipi     idha     bhante     bhagava     pamsukulam
Vissajjetuti    sayam    amanussena    nikkhitta    silati   .   athakho
uruvelakassapassa    jatilassa    etadahosi   mahiddhiko   kho   mahasamano
mahanubhavo    yatra   hi   nama   sakko   devanamindo   veyyavaccam
karissati   na   tveva  ca  kho  araha  yatha  ahanti  .  athakho  bhagava
uruvelakassapassa    jatilassa    bhattam    bhunjitva   tasmimyeva   vanasande
vihasi.
     [45]   Athakho  uruvelakassapo  jatilo  tassa  rattiya  accayena
yena   bhagava   tenupasankami   upasankamitva   bhagavato  kalam  arocesi
kalo    mahasamana    nitthitam    bhattanti    .    gaccha   tvam   kassapa
ayamahanti   .  uruvelakassapam  jatilam  uyyojetva  yaya  jambuya  1-
jambudipo    pannayati    tato   phalam   gahetva   pathamataram   agantva
agyagare   nisidi   .   addasa  kho  uruvelakassapo  jatilo  bhagavantam
agyagare    nisinnam   disvana   bhagavantam   etadavoca   katamena   tvam
mahasamana    maggena    agato    aham    taya    pathamataram   pakkanto
so   tvam   pathamataram   agantva   agyagare   nisinnoti   .  idhaham
kassapa    tam    uyyojetva    yaya   jambuya   jambudipo   pannayati
tato    phalam   gahetva   pathamataram   agantva   agyagare   nisinno
idam    kho   kassapa   jambuphalam   vannasampannam   gandhasampannam   rasasampannam
sace   akankhasi   paribhunjati   .   alam   mahasamana   tvamyevetam   2-
@Footnote: 1 Yu. jambuyayam. ito param idisameva .   2 Ma. tvamyeva tam.
Aharasi   tvamyevetam   paribhunjati   1-   .   athakho   uruvelakassapassa
jatilassa    etadahosi    mahiddhiko    kho    mahasamano    mahanubhavo
yatra   hi   nama   mam  pathamataram  uyyojetva  yaya  jambuya  jambudipo
pannayati   tato   phalam   gahetva   pathamataram   agantva   agyagare
nisidissati na tveva ca kho araha yatha ahanti.
     {45.1}  Athakho  bhagava  uruvelakassapassa  jatilassa  bhattam bhunjitva
tasmimyeva   vanasande   vihasi  .  athakho  uruvelakassapo  jatilo  tassa
rattiya   accayena   yena   bhagava  tenupasankami  upasankamitva  bhagavato
kalam    arocesi   kalo   mahasamana   nitthitam   bhattanti   .   gaccha
tvam    kassapa    ayamahanti    uruvelakassapam    jatilam    uyyojetva
yaya    jambuya    jambudipo    pannayati    tassa   avidure   ambo
.pe.   tassa   avidure   amalaki   .pe.   tassa   avidure  haritaki
.pe.    tavatimsam    gantva    paricchattakapuppham    gahetva   pathamataram
agantva agyagare nisidi.
     {45.2}  Addasa  kho  uruvelakassapo  jatilo bhagavantam agyagare
nisinnam   disvana   bhagavantam  etadavoca  katamena  tvam  mahasamana  maggena
agato   aham   taya  pathamataram  pakkanto  so  tvam  pathamataram  agantva
agyagare   nisinnoti   .   idhaham  kassapa  tam  uyyojetva  tavatimsam
gantva   paricchattakapuppham   gahetva   pathamataram  agantva  agyagare
nisinno idam kho kassapa
@Footnote: 1 Yu. paribhunjahiti.
Paricchattakapuppham    vannasampannam    gandhasampannanti    1-    .   athakho
uruvelakassapassa    jatilassa    etadahosi   mahiddhiko   kho   mahasamano
mahanubhavo   yatra   hi   nama   mam   pathamataram   uyyojetva  tavatimsam
gantva   paricchattakapuppham   gahetva   pathamataram  agantva  agyagare
nisidissati na tveva ca kho araha yatha ahanti.
     [46]  Tena  kho  pana  samayena  te  jatila  aggi  paricaritukama
na   sakkonti   katthani  phaletum  .  athakho  tesam  jatilanam  etadahosi
nissamsayam   kho   mahasamanassa   iddhanubhavo   yatha   mayam   na  sakkoma
katthani   phaletunti  .  athakho  bhagava  uruvelakassapam  jatilam  etadavoca
phaliyantu   kassapa   katthaniti   .   phaliyantu  mahasamanati  .  sakideva
panca    katthasatani   phaliyimsu   .   athakho   uruvelakassapassa   jatilassa
etadahosi    mahiddhiko    kho    mahasamano   mahanubhavo   yatra   hi
nama   katthanipi   phaliyissanti   na   tveva   ca   kho   araha  yatha
ahanti.
     [47]  Tena  kho  pana  samayena  te  jatila  aggi  paricaritukama
na  sakkonti  aggi  ujjaletum  2-  .  athakho  tesam  jatilanam etadahosi
nissamsayam   kho   mahasamanassa   iddhanubhavo   yatha   mayam   na  sakkoma
@Footnote: 1 Yu. idam kho kassapa paricchattakapuppham vannasampannam gandhasampannam sace akankhasi
@ganhati. alam mahasamana tvamyevetam aharasi tvamyevetam ganhatiti dissati.
@2 Si. jaletum.
Aggi  ujjaletunti  1-  .  athakho  bhagava  uruvelakassapam jatilam etadavoca
ujjaliyantu   kassapa   aggiti   .   ujjaliyantu  mahasamanati  .  sakideva
panca   aggisatani   ujjalimsu   2-  .  athakho  uruvelakassapassa  jatilassa
etadahosi    mahiddhiko    kho    mahasamano   mahanubhavo   yatra   hi
nama aggipi ujjaliyissanti na tveva ca kho araha yatha ahanti.
     [48]  Tena  kho  pana  samayena  te  jatila  aggi  paricaritva na
sakkonti   aggi   vijjhapetum   .   athakho   tesam  jatilanam  etadahosi
nissamsayam   kho   mahasamanassa   iddhanubhavo   yatha   mayam   na  sakkoma
aggi   vijjhapetunti  .  athakho  bhagava  uruvelakassapam  jatilam  etadavoca
vijjhayantu   kassapa   aggiti   .   vijjhayantu  mahasamanati  .  sakideva
panca   aggisatani   vijjhayimsu   .   athakho   uruvelakassapassa   jatilassa
etadahosi    mahiddhiko    kho    mahasamano   mahanubhavo   yatra   hi
nama   aggipi   vijjhayissanti   na   tveva   ca   kho   araha   yatha
ahanti.
     [49]  Tena  kho  pana  samayena  te  jatila  sitasu  hemantikasu
rattisu  antaratthakasu  himapatasamaye  najja  neranjarayam  nimujjantipi  3-
ummujjantipi     ummujjanimujjampi     karonti    .    athakho    bhagava
pancamattani     mandamukhisatani     abhinimmini    yattha    te    jatila
uttaritva   visibbesum   .   athakho  tesam  jatilanam  etadahosi  nissamsayam
@Footnote: 1 Si. jaletunti .   2 Ma. ujjaliyimsu .    3 Ma. ummujjantipi nimujjantipi
@ummujjananimujjanampi.
Kho    mahasamanassa    iddhanubhavo    yathayima    1-    mandamukhiyo
nimmitati     .    athakho    uruvelakassapassa    jatilassa    etadahosi
mahiddhiko   kho   mahasamano   mahanubhavo   yatra   hi   nama  tavabahu
mandamukhiyopi 2- abhinimminissati na tveva ca kho araha yatha ahanti.
     [50]   Tena   kho   pana   samayena   mahaakalamegho   pavassi
mahaudakavahako   sanjayi   .   yasmim   padese   bhagava   viharati  so
padeso   udakena  otthato  3-  hoti  .  athakho  bhagavato  etadahosi
yannunaham    samanta   udakam   ussadetva   4-   majjhe   renuhataya
bhumiya   cankameyyanti   .  athakho  bhagava  samanta  udakam  ussadetva
majjhe   renuhataya   bhumiya   cankami  .  athakho  uruvelakassapo  jatilo
ma   heva   kho   mahasamano   udakena   vulho  ahositi  .  navaya
sambahulehi   jatilehi   saddhim   yasmim  padese  bhagava  viharati  tam  padesam
agamasi.
     {50.1}   Addasa  kho  uruvelakassapo  jatilo  bhagavantam  samanta
udakam   ussadetva   majjhe   renuhataya   bhumiya   cankamantam  disvana
bhagavantam   etadavoca  idha  nu  tvam  mahasamanati  .  ama  ahamasmi  5-
kassapati   bhagava   vehasam   abbhuggantva   navaya   paccutthasi  .
Athakho    uruvelakassapassa    jatilassa    etadahosi    mahiddhiko    kho
mahasamano   mahanubhavo   yatra   hi   nama  udakampi  nappavahissati  6-
@Footnote: 1 Ma. yathayima. Yu. yathahima .     2 Yu. mahamandamukhiyo.
@3 Ma. na otthato. Yu. anuotthato. 4 Ma. Yu. ussaretva.
@5 Si. Ma. Yu. ayamahamasmi .  6 Si. nappasahissati. Yu. na pavahisusati.
Na tveva ca kho araha yatha ahanti.
     [51]  Athakho  bhagavato  etadahosi  cirampi  kho  imassa moghapurisassa
evam   bhavissati   mahiddhiko   kho   mahasamano   mahanubhavo  na  tveva
ca   kho   araha  yatha  ahanti  yannunaham  imam  jatilam  samvejeyyanti .
Athakho   bhagava   uruvelakassapam   jatilam  etadavoca  neva  1-  kho  tvam
kassapa    araha    napi    arahattamaggam    samapanno    sapi    te
patipada   natthi   yaya   tvam   araha   va   assasi  2-  arahattamaggam
va   samapannoti   .  athakho  uruvelakassapo  jatilo  bhagavato  padesu
sirasa   nipatitva   bhagavantam   etadavoca   labheyyamaham  bhante  bhagavato
santike   pabbajjam   labheyyami   upasampadanti   .   tvam   khosi  kassapa
pancannam   jatilasatanam   nayako   vinayako   aggo   pamukho  pamokkho
tepi tava apalokehi yatha te mannissanti tatha karissantiti.
     {51.1}  Athakho  uruvelakassapo jatilo yena te jatila tenupasankami
upasankamitva   te   jatile   etadavoca   icchamaham   bho   mahasamane
brahmacariyam    caritum   yatha   bhavanto   mannanti   tatha   karontuti  .
Cirapatika   mayam   bho   mahasamane   abhippasanna  sace  bhavam  mahasamane
brahmacariyam    carissati    sabbe    va    mayam   mahasamane   brahmacariyam
carissamati   .  athakho  te  jatila  kesamissam  jatamissam  kharikajamissam
aggihuttamissam    udake    pavahetva    yena   bhagava   tenupasankamimsu
upasankamitva   bhagavato   padesu  sirasa  nipatitva  bhagavantam  etadavocum
@Footnote: 1 Ma. neva ca kho ... .    2 Yu. assa.
Labheyyama    mayam    bhante   bhagavato   santike   pabbajjam   labheyyama
upasampadanti    .    etha    bhikkhavoti   bhagava   avoca   svakkhato
dhammo    caratha    brahmacariyam    samma   dukkhassa   antakiriyayati  .
Sa va tesam ayasmantanam upasampada ahosi.
     [52]   Addasa   kho   nadikassapo   jatilo  kesamissam  jatamissam
kharikajamissam    aggihuttamissam    udake    vuyhamane   .   disvanassa
etadahosi   ma   heva   me   bhatuno  upasaggo  ahositi  .  jatile
pahesi   gacchatha   me   bhataram   janathati   samanca  tihi  jatilasatehi
saddhim     yenayasma    uruvelakassapo    tenupasankami    upasankamitva
ayasmantam  uruvelakassapam  etadavoca  idam  nu  kho  kassapa  seyyoti .
Amavuso idam seyyoti.
     {52.1}   Athakho  te  jatila  kesamissam  jatamissam  kharikajamissam
aggihuttamissam    udake    pavahetva    yena   bhagava   tenupasankamimsu
upasankamitva     bhagavato    padesu    sirasa    nipatitva    bhagavantam
etadavocum    labheyyama    mayam   bhante   bhagavato   santike   pabbajjam
labheyyama    upasampadanti    .    etha    bhikkhavoti   bhagava   avoca
svakkhato  dhammo  caratha  brahmacariyam  samma  dukkhassa  antakiriyayati.
Sa va tesam ayasmantanam upasampada ahosi.
     [53]   Addasa   kho   gayakassapo  jatilo  kesamissam  jatamissam
kharikajamissam    aggihuttamissam    udake    vuyhamane   .   disvanassa
etadahosi   ma   heva   me   bhatunam   upasaggo  ahositi  .  jatile
Pahesi  gacchatha  me  bhataro  janathati  samanca dvihi jatilasatehi [1]-
yenayasma    uruvelakassapo   tenupasankami   upasankamitva   ayasmantam
uruvelakassapam  etadavoca  idam  nu  kho  kassapa  seyyoti  .  amavuso
idam  seyyoti  .  athakho  te  jatila  kesamissam  jatamissam kharikajamissam
aggihuttamissam    udake    pavahetva    yena   bhagava   tenupasankamimsu
upasankamitva   bhagavato   padesu  sirasa  nipatitva  bhagavantam  etadavocum
labheyyama  mayam  bhante  bhagavato santike pabbajjam labheyyama upasampadanti.
Etha  bhikkhavoti  bhagava  avoca  svakkhato dhammo caratha brahmacariyam samma
dukkhassa   antakiriyayati   .   sa  va  tesam  ayasmantanam  upasampada
ahosi.
     [54]  Bhagavato  adhitthanena  panca  katthasatani  na phaliyimsu phaliyimsu
aggi  na  ujjalimsu  ujjalimsu  na  vijjhayimsu  vijjhayimsu  panca mandamukhisatani
abhinimmini. Etena nayena addhuddhapatihariyasahassani honti.
     [55]   Athakho   bhagava   uruvelayam  yathabhirantam  viharitva  yena
gayasisam  tena  carikam  pakkami  mahata  bhikkhusanghena  saddhim  bhikkhusahassena
sabbeheva   puranajatilehi   .   tatra   sudam   bhagava   gayayam   viharati
gayasise   saddhim  bhikkhusahassena  .  tatra  kho  bhagava  bhikkhu  amantesi
sabbam     bhikkhave     adittam    kinca    bhikkhave    sabbam    adittam
@Footnote: 1 Ma. Yu. saddhim.
Cakkhum   1-   bhikkhave   adittam   rupa  aditta  cakkhuvinnanam  adittam
cakkhusamphasso   aditto   yampidam   2-   cakkhusamphassapaccaya   uppajjati
vedayitam   sukham   va   dukkham  va  adukkhamasukham  va  tampi  adittam  kena
adittam   adittam   ragaggina   3-   dosaggina   mohaggina  adittam
jatiya    jaramaranena    sokehi   paridevehi   dukkhehi   domanassehi
upayasehi   adittanti   vadami   .  sotam  adittam  sadda  aditta
.pe.  ghanam  adittam  gandha  aditta  .pe.  jivha  aditta  rasa
aditta   .pe.  kayo  aditto  photthabba  aditta  .pe.  mano
aditto    dhamma    aditta   manovinnanam   adittam   manosamphasso
aditto   yampidam  4-  manosamphassapaccaya  uppajjati  vedayitam  sukham  va
dukkham   va   adukkhamasukham   va   tampi  adittam  kena  adittam  adittam
ragaggina    dosaggina   mohaggina   adittam   jatiya   jaramaranena
sokehi   paridevehi   dukkhehi   domanassehi   upayasehi   adittanti
vadami.
     {55.1}   Evam   passam   bhikkhave  sutava  ariyasavako  cakkhusmimpi
nibbindati      rupesupi      nibbindati     cakkhuvinnanepi     nibbindati
cakkhusamphassepi   nibbindati   yampidam   5-   cakkhusamphassapaccaya  uppajjati
vedayitam   sukham   va   dukkham   va   adukkhamasukham   va  tasmimpi  nibbindati
@Footnote: 1 Ma. cakkhu adittam .   3 ragaggina dosaggina mohaggina adittam jatiya jaraya
@maranena sokehi .pe. adittanti vadamiti sabbapotthakesu agatam. ayampana
@sihalapotthakam anuvattitva sodhitoti veditabbo .  2-4-5 Yu. yidam.
Sotasmimpi   nibbindati   saddesupi   nibbindati  .pe.  ghanasmimpi  nibbindati
gandhesupi   nibbindati   .pe.   jivhayapi   nibbindati  rasesupi  nibbindati
.pe.    kayasmimpi    nibbindati    photthabbesupi    nibbindati    .pe.
Manasmimpi    nibbindati   dhammesupi   nibbindati   manovinnanepi   nibbindati
manosamphassepi    nibbindati    yampidam    manosamphassapaccaya    uppajjati
vedayitam   sukham   va   dukkham   va   adukkhamasukham   va  tasmimpi  nibbindati
nibbindam    virajjati    viraga    vimuccati   vimuttasmim   vimuttamiti   1-
nanam   hoti   khina   jati   vusitam   brahmacariyam   katam   karaniyam  naparam
itthattayati    pajanatiti    .    imasmim   ca   pana   veyyakaranasmim
bhannamane    tassa    bhikkhusahassassa    anupadaya   asavehi   cittani
vimuccimsu.
                   Adittapariyayam nitthitam.
             Uruvelapatihariyam tatiyabhanavaram nitthitam.



             The Pali Tipitaka in Roman Character Volume 4 page 45-64. https://84000.org/tipitaka/read/roman_read.php?B=4&A=906&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=906&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=4&item=37&items=19              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=16              Study Atthakatha :- https://84000.org/tipitaka/attha/attha.php?b=4&i=37              The Pali Atthakatha in Thai :- https://84000.org/tipitaka/atthapali/read_th.php?B=3&A=552              The Pali Atthakatha in Roman :- https://84000.org/tipitaka/atthapali/read_rm.php?B=3&A=552              Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]