ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)

     [175]   Athakho   bhagava   rajagahe  yathabhirantam  viharitva  yena
codanavatthu   2-   tena  carikam  pakkami  anupubbena  carikam  caramano
yena   codanavatthu   tadavasari   .  tena  kho  pana  samayena  annatarasmim
avase  sambahula  bhikkhu  viharanti  .  tattha  thero  bhikkhu  balo hoti
abyatto  .  so  na  janati  uposatham  va  uposathakammam va patimokkham
va  patimokkhuddesam  va  .  athakho  tesam  bhikkhunam  etadahosi  bhagavata
pannattam   theradhikam   patimokkhanti   ayanca   amhakam   thero   balo
abyatto   na   janati   uposatham   va   uposathakammam  va  patimokkham
va   patimokkhuddesam   va   katham  nu  kho  amhehi  patipajjitabbanti .
Bhagavato  etamattham  arocesum  .  anujanami  bhikkhave  yo  tattha  bhikkhu
byatto patibalo tassadheyyam patimokkhanti.
     [176]  Tena  kho  pana  samayena  annatarasmim avase tadahuposathe
sambahula   bhikkhu   viharanti   bala   abyatta   .   te  na  jananti
uposatham   va   uposathakammam   va   patimokkham   va   patimokkhuddesam
va  .  te  theram  ajjhesimsu  uddisatu  bhante  thero  patimokkhanti .
So  evamaha  na  me  avuso  vattatiti  .  dutiyam  theram  3- ajjhesimsu
@Footnote: 1 Ma. Yu. annatitthiyabhanavaram nitthitam .   Si. annatitthiyabhanavaram ekadasamam.
@2 codanavatthu nama ekam nagaranti tattika .   3 Ma. Yu. dutiyatheram.
Uddisatu   bhante   thero   patimokkhanti   .  sopi  evamaha  na  me
avuso   vattatiti   .   tatiyam   theram   1-  ajjhesimsu  uddisatu  bhante
thero  patimokkhanti  .  sopi   evamaha  na  me  avuso  vattatiti.
Eteneva    upayena   yavasanghanavakam   ajjhesimsu   uddisatu   ayasma
patimokkhanti   .   sopi   evamaha   na   me   bhante   vattatiti .
Bhagavato etamattham arocesum.
     {176.1}   Idha  pana  bhikkhave  annatarasmim  avase  tadahuposathe
sambahula  bhikkhu  viharanti  bala  abyatta  .  te  na  jananti uposatham
va  uposathakammam  va  patimokkham  va  patimokkhuddesam  va. Te theram
ajjhesanti  uddisatu  bhante  thero  patimokkhanti  .  so  evam  vadeti
na   me  avuso  vattatiti  .  dutiyam  theram  ajjhesanti  uddisatu  bhante
thero  patimokkhanti  .  sopi  evam  vadeti  na  me avuso vattatiti.
Tatiyam   theram   ajjhesanti   uddisatu   bhante   thero  patimokkhanti .
Sopi  evam  vadeti  na  me  avuso  vattatiti  .  eteneva  upayena
yavasanghanavakam    ajjhesanti    uddisatu    ayasma   patimokkhanti  .
Sopi  evam  vadeti  na  me  bhante  vattatiti  .  tehi  bhikkhave  bhikkhuhi
eko   bhikkhu   samanta   avasa   sajjukam   pahetabbo  gacchavuso
sankhittena     va    vittharena    va    patimokkham    pariyapunitva
agacchati.
     {176.2}  Athakho  bhikkhunam etadahosi ko 2- nu kho pahetabboti.
@Footnote: 1 Ma. Yu. tatiyatharam .    2 Ma. Yu. kena nukho.
Bhagavato  etamattham  arocesum  .  anujanami  bhikkhave  therena  bhikkhuna
navakam   bhikkhum   anapetunti   .   therena   anatta  nava  bhikkhu  na
gacchanti   .   bhagavato   etamattham  arocesum  .  na  bhikkhave  therena
anattena   agilanena   na   gantabbam   yo   na   gaccheyya   apatti
dukkatassati.
     [177]   Athakho   bhagava   codanavatthusmim   yathabhirantam  viharitva
punadeva   rajagaham   paccagacchi   .   tena  kho  pana  samayena  manussa
bhikkhu   pindaya   carante   pucchanti   katimi  1-  bhante  pakkhassati .
Bhikkhu   evamahamsu   na   kho   mayam   avuso   janamati  .  manussa
ujjhayanti     khiyanti     vipacenti     pakkhagananamattampime     samana
sakyaputtiya    na    jananti    kimpanime    annam    kinci    kalyanam
janissantiti   .  bhagavato  etamattham  arocesum  .  anujanami  bhikkhave
pakkhagananam   uggahetunti   .   athakho   bhikkhunam   etadahosi   kena   nu
kho   pakkhaganana   uggahetabbati  .  bhagavato  etamattham  arocesum .
Anujanami bhikkhave sabbeheva pakkhagananam uggahetunti.
     {177.1}  Tena  kho  pana  samayena  manussa bhikkhu pindaya carante
pucchanti   kivatika   bhante   bhikkhuti   .   bhikkhu   evamahamsu   na  kho
mayam   avuso   janamati   .  manussa  ujjhayanti  khiyanti  vipacenti
annamannampime   samana   sakyaputtiya   na   jananti   kimpanime   annam
@Footnote: 1 Si. katami.
Kinci   kalyanam   janissantiti   .   bhagavato   etamattham  arocesum .
Anujanami   bhikkhave   bhikkhu   ganetunti   .  athakho  bhikkhunam  etadahosi
kada  nu  kho  bhikkhu  ganetabbati  .  bhagavato  etamattham  arocesum .
Anujanami  bhikkhave  tadahuposathe  namamattena  1-   va  ganetum  salakam
va gahetunti 2-.
     [178]  Tena  kho  pana  samayena  bhikkhu  ajananta  ajjuposathoti
duram   gamam  pindaya  gacchanti  3-  .  te  uddissamanepi  patimokkhe
agacchanti  udditthamattepi  agacchanti  .  bhagavato etamattham arocesum.
Anujanami  bhikkhave  arocetum  ajjuposathoti . Athakho bhikkhunam etadahosi
kena  nu  kho arocetabboti. Bhagavato etamattham arocesum. Anujanami
bhikkhave  therena  bhikkhuna  kalavato arocetunti. Tena kho pana samayena
annataro  thero  kalavato  nassari  4-. Bhagavato etamattham arocesum.
Anujanami  bhikkhave  bhattakalepi  arocetunti  .  bhattakalepi nassari.
Bhagavato   etamattham  arocesum  .  anujanami  bhikkhave  yam  kalam  sarati
tam kalam arocetunti.
     [179]  Tena  kho  pana  samayena annatarasmim avase uposathagaram
uklapam   hoti   .   agantuka   bhikkhu  ujjhayanti  khiyanti  vipacenti
@Footnote: 1 Ma. namaggena .  Yu. ganamaggena Si. namattena .   2 gahetuntipi patho.
@3 Ma. Yu. caranti .   4 Ma. Yu. nassarati.
Katham   hi   nama   bhikkhu   uposathagaram  na  sammajjissantiti  .  bhagavato
etamattham  arocesum  .  anujanami  bhikkhave uposathagaram sammajjitunti.
Athakho  bhikkhunam  etadahosi  kena  nu  kho  uposathagaram sammajjitabbanti.
Bhagavato  etamattham  arocesum  .  anujanami bhikkhave therena bhikkhuna navam
bhikkhum  anapetunti  .  therena  anatta  nava  bhikkhu  na sammajjanti.
Bhagavato  etamattham  arocesum . Na bhikkhave therena anattena agilanena
na sammajjitabbam yo na sammajjeyya apatti dukkatassati.
     {179.1}  Tena  kho  pana samayena uposathagare asanam appannattam
hoti  .  bhikkhu  chamayam  nisidanti . Gattanipi civaranipi pamsukitani honti.
Bhagavato  etamattham  arocesum . Anujanami bhikkhave uposathagare asanam
pannapetunti  .  athakho  bhikkhunam  etadahosi  kena  nu kho uposathagare
asanam  pannapetabbanti  .  bhagavato  etamattham  arocesum . Anujanami
bhikkhave  therena  bhikkhuna  navam  bhikkhum  anapetunti . Therena anatta
nava  bhikkhu  asanam  1-  na pannapenti. Bhagavato etamattham arocesum.
Na  bhikkhave  therena  anattena  agilanena  asanam  1- na pannapetabbam
yo na pannapeyya apatti dukkatassati.
     {179.2}  Tena  kho  pana samayena uposathagare padipo na hoti.
Bhikkhu    andhakare    kayampi    civarampi    akkamanti    .   bhagavato
etamattham    arocesum    .    anujanami    bhikkhave   uposathagare
@Footnote: 1 Ma. Yu. ayam patho natthi.
Padipam  katunti  .  athakho  bhikkhunam  etadahosi  kena nu kho uposathagare
padipo   katabboti   .   bhagavato  etamattham  arocesum  .  anujanami
bhikkhave  therena  bhikkhuna  navam  bhikkhum  anapetunti . Therena anatta
nava  bhikkhu  na  padipenti  .  bhagavato  etamattham arocesum. Na bhikkhave
therena   anattena   agilanena  nappadipetabbo  1-  yo  nappadipeyya
apatti dukkatassati 2-.
     [180]  Tena  kho  pana  samayena  sambahula  bhikkhu bala abyatta
@Footnote: 1 nappadipetabbam .  2 ito param paniyaparibhojaniyupatthapanavatthu Ma. Yu. potthakesu
@evam dissati tena kho pana samayena annatarasmim avase avasika bhikkhu neva
@paniyam upatthapenti na paribhojaniyam upatthapenti. agantuka bhikkhu ujjhayanti
@khiyanti vipacenti katham hi nama avasika bhikkhu neva paniyam upatthapessanti na
@paribhojaniyam upatthapessantiti. bhagavato etamattham arocesum. anujanami
@bhikkhave paniyam paribhojaniyam upatthapetunti. athakho bhikkhunam etadahosi kena
@nu kho paniyam paribhojaniyam upatthapetabbanti. bhagavato etamattham arocesum.
@anujanami bhikkhave therena bhikkhuna navam bhikkhum anapetunti. therena anatta nava
@bhikkhu na upatthapenti. bhagavato etamattham arocesum. na bhikkhave therena anattena
@agilanena na upatthapetabbam yo na upatthapeyya apatti dukkatassati.
Disangamika   acariyupajjhaye   na  1-  apucchimsu  .  bhagavato  etamattham
arocesum.
     {180.1}   Idha  pana  bhikkhave  sambahula  bhikkhu  bala  abyatta
disangamika   acariyupajjhaye  na  1-  apucchanti  .  te  2-  bhikkhave
acariyupajjhayehi   pucchitabba  kaham  gamissatha  kena  saddhim  gamissathati .
Te  ce  bhikkhave  bala  abyatta  anne  bale  abyatte apadiseyyum
na    bhikkhave    acariyupajjhayehi    anujanitabba   anujaneyyum   ce
apatti  dukkatassa  .  te  ce  3- bhikkhave bala abyatta ananunnata
acariyupajjhayehi gaccheyyunce 4- apatti dukkatassa.
     {180.2}  Idha  pana  bhikkhave  annatarasmim  avase sambahula bhikkhu
viharanti  bala  abyatta  .  te  na  jananti  uposatham va uposathakammam
va   patimokkham   va   patimokkhuddesam   va  .  tattha  anno  bhikkhu
agacchati   bahussuto   agatagamo   dhammadharo   vinayadharo   matikadharo
pandito   byatto   medhavi   lajji   kukkuccako  sikkhakamo  .  tehi
bhikkhave  bhikkhuhi  so  bhikkhu  sangahetabbo  anuggahetabbo  upalapetabbo
upatthapetabbo     cunnena     mattikaya    dantakatthena    mukhodakena
no    ce    sanganheyyum   anugganheyyum   upalapeyyum   upatthapeyyum
cunnena mattikaya dantakatthena mukhodakena apatti dukkatassa.
     {180.3} Idha pana bhikkhave annatarasmim avase tadahuposathe sambahula
@Footnote: 1 Ma. nasaddo natthi .    2 sabbattha tehiti dissati .   3 Ma. ca.
@4 Yu. gaccheyyum. Si. gaccheyyunceva.
Bhikkhu   viharanti   bala   abyatta  .  te  na  jananti  uposatham  va
uposathakammam   va   patimokkham   va   patimokkhuddesam   va  .  tehi
bhikkhave   bhikkhuhi  eko  bhikkhu  samanta  avasa  sajjukam  pahetabbo
gacchavuso   sankhittena   va  vittharena  va  patimokkham  pariyapunitva
agacchati   .   evancetam   labhetha   iccetam  kusalam  no  ce  labhetha
tehi   bhikkhave   bhikkhuhi   sabbeheva   yattha   jananti   uposatham   va
uposathakammam   va  patimokkham  va  patimokkhuddesam  va  so  avaso
gantabbo no ce gaccheyyum apatti dukkatassa.
     {180.4}   Idha   pana   bhikkhave  annatarasmim  avase  sambahula
bhikkhu  vassam  vasanti  bala  abyatta  .  te  na  jananti  uposatham va
uposathakammam   va   patimokkham   va   patimokkhuddesam   va  .  tehi
bhikkhave   bhikkhuhi  eko  bhikkhu  samanta  avasa  sajjukam  pahetabbo
gacchavuso   sankhittena   va  vittharena  va  patimokkham  pariyapunitva
agacchati  .  evancetam  labhetha  iccetam  kusalam  no  ce labhetha eko
bhikkhu  sattahakalikam  pahetabbo  gacchavuso  sankhittena  va  vittharena
va   patimokkham   pariyapunitva   agacchati   .   evancetam   labhetha
iccetam  kusalam  no  ce  labhetha  na  bhikkhave  tehi bhikkhuhi tasmim avase
vassam vasitabbam vaseyyum ce apatti dukkatassati.



             The Pali Tipitaka in Roman Character Volume 4 page 227-234. https://84000.org/tipitaka/read/roman_read.php?B=4&A=4668&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=4668&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=4&item=175&items=6              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=60              Study Atthakatha :- https://84000.org/tipitaka/attha/attha.php?b=4&i=175              The Pali Atthakatha in Thai :- https://84000.org/tipitaka/atthapali/read_th.php?B=3&A=3069              The Pali Atthakatha in Roman :- https://84000.org/tipitaka/atthapali/read_rm.php?B=3&A=3069              Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]