|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[168] Tena kho pana samayena chabbaggiya bhikkhu sanghamajjhe anajjhittha dhammam bhasanti . bhagavato etamattham arocesum . Na bhikkhave sanghamajjhe anajjhitthena dhammo bhasitabbo yo bhaseyya apatti dukkatassa . anujanami bhikkhave therena bhikkhuna samam va dhammam bhasitum param va ajjhesitunti. [169] Tena kho pana samayena chabbaggiya bhikkhu sanghamajjhe asammata vinayam pucchanti . bhagavato etamattham arocesum . na bhikkhave sanghamajjhe asammatena vinayo pucchitabbo yo puccheyya apatti dukkatassa . anujanami bhikkhave sanghamajjhe sammatena vinayam pucchitum . evanca pana bhikkhave sammannitabbo . attana va 1- attanam sammannitabbam parena va paro sammannitabbo . @Footnote: 1 Ma. va. ito param idisameva.--------------------------------------------------------------------------------------------- page223.
Kathanca attana va attanam sammannitabbam . byattena bhikkhuna patibalena sangho napetabbo {169.1} sunatu me bhante sangho yadi sanghassa pattakallam aham itthannamam vinayam puccheyyanti . evam attana va attanam sammannitabbam. {169.2} Kathanca parena paro sammannitabbo . byattena bhikkhuna patibalena sangho napetabbo sunatu me bhante sangho yadi sanghassa pattakallam itthannamo itthannamam vinayam puccheyyati . Evam parena paro sammannitabboti. {169.3} Tena kho pana samayena pesala bhikkhu sanghamajjhe sammata vinayam pucchanti . chabbaggiya bhikkhu labhanti aghatam labhanti appaccayam vadhena tajjenti . bhagavato etamattham arocesum. Anujanami bhikkhave sanghamajjhe sammatenapi parisam oloketva puggalam tulayitva vinayam pucchitunti. {169.4} Tena kho pana samayena chabbaggiya bhikkhu sanghamajjhe asammata vinayam vissajjenti . bhagavato etamattham arocesum . na bhikkhave sanghamajjhe asammatena vinayo vissajjetabbo yo vissajjeyya apatti dukkatassa . anujanami bhikkhave sanghamajjhe sammatena vinayam vissajjetum . evanca pana bhikkhave sammannitabbo 1- . Attana va attanam sammannitabbam parena va paro sammannitabbo . Kathanca attana va attanam sammannitabbam . byattena bhikkhuna patibalena sangho napetabbo {169.5} sunatu me bhante sangho yadi sanghassa pattakallam @Footnote: 1 Ma. sammannitabbam.--------------------------------------------------------------------------------------------- page224.
Aham itthannamena vinayam puttho vissajjeyyanti . evam attana va attanam sammannitabbam . kathanca parena paro sammannitabbo . Byattena bhikkhuna patibalena sangho napetabbo {169.6} sunatu me bhante sangho yadi sanghassa pattakallam itthannamo itthannamena vinayam puttho vissajjeyyati . evam parena paro sammannitabboti . tena kho pana samayena pesala bhikkhu sanghamajjhe sammata vinayam vissajjenti . chabbaggiya bhikkhu labhanti aghatam labhanti appaccayam vadhena tajjenti . bhagavato etamattham arocesum . anujanami bhikkhave sanghamajjhe sammatenapi parisam oloketva puggalam tulayitva vinayam vissajjetunti. [170] Tena kho pana samayena chabbaggiya bhikkhu anokasakatam bhikkhum apattiya codenti . bhagavato etamattham arocesum . Na bhikkhave anokasakato bhikkhu apattiya codetabbo yo codeyya apatti dukkatassa . anujanami bhikkhave okasam karapetva apattiya codetum karotu ayasma okasam ahantam vattukamoti. {170.1} Tena kho pana samayena pesala bhikkhu chabbaggiye bhikkhu okasam karapetva apattiya codenti . chabbaggiya bhikkhu labhanti aghatam labhanti appaccayam vadhena tajjenti . Bhagavato etamattham arocesum . anujanami bhikkhave katepi okase puggalam tulayitva apattiya codetunti.--------------------------------------------------------------------------------------------- page225.
{170.2} Tena kho pana samayena chabbaggiya bhikkhu puramhakam pesala bhikkhu okasam karapentiti patikacceva suddhanam bhikkhunam anapattikanam avatthusmim akarane okasam karapenti. Bhagavato etamattham arocesum. Na bhikkhave suddhanam bhikkhunam anapattikanam avatthusmim akarane okaso karapetabbo yo karapeyya apatti dukkatassa . anujanami bhikkhave puggalam tulayitva okasam karapetunti 1-. [171] Tena kho pana samayena chabbaggiya bhikkhu sanghamajjhe adhammakammam karonti . bhagavato etamattham arocesum . na bhikkhave sanghamajjhe 2- adhammakammam katabbam yo kareyya apatti dukkatassati . karontiyeva adhammakammam . bhagavato etamattham arocesum. Anujanami bhikkhave adhammakamme kayiramane patikkositunti. {171.1} Tena kho pana samayena pesala bhikkhu chabbaggiyehi bhikkhuhi adhammakamme kayiramane patikkosanti . chabbaggiya bhikkhu labhanti aghatam labhanti appaccayam vadhena tajjenti . bhagavato etamattham arocesum . anujanami bhikkhave ditthimpi avikatunti . Tesamyeva santike ditthim avikaronti . chabbaggiya bhikkhu labhanti aghatam labhanti appaccayam vadhena tajjenti . bhagavato etamattham arocesum . anujanami bhikkhave catuhi pancahi patikkositum dvihi tihi ditthim avikatum ekena adhitthatum na me tam khamatiti. [172] Tena kho pana samayena chabbaggiya bhikkhu sanghamajjhe @Footnote: 1 Ma. katunti . 2 Ma. ayam patho natthi.--------------------------------------------------------------------------------------------- page226.
Patimokkham uddisamana sancicca na saventi . bhagavato etamattham arocesum . na bhikkhave patimokkhuddesakena sancicca na savetabbam yo na saveyya apatti dukkatassati . tena kho pana samayena ayasma udayi sanghassa patimokkhuddesako hoti kakassarako . Athakho ayasmato udayissa etadahosi bhagavata pannattam patimokkhuddesakena savetabbanti ahancamhi kakassarako katham nu kho maya patipajjitabbanti . bhagavato etamattham arocesum . anujanami bhikkhave patimokkhuddesakena vayamitum katham saveyyanti vayamantassa anapattiti. [173] Tena kho pana samayena devadatto sagahatthaya parisaya patimokkham uddisati . bhagavato etamattham arocesum . na bhikkhave sagahatthaya parisaya patimokkham uddisitabbam yo uddiseyya apatti dukkatassati. [174] Tena kho pana samayena chabbaggiya bhikkhu sanghamajjhe anajjhittha patimokkham uddisanti . bhagavato etamattham arocesum . Na bhikkhave sanghamajjhe anajjhitthena patimokkham uddisitabbam yo uddiseyya apatti dukkatassa . anujanami bhikkhave theradhikam 1- patimokkhanti. @Footnote: 1 Si. theradheyyam. theradhikanti theradhinam therayattam bhavitunti attho. @theradheyyantipi pathoti tabbannana.--------------------------------------------------------------------------------------------- page227.
Annatitthiyabhanavaram nitthitam ekadasamam 1-The Pali Tipitaka in Roman Character Volume 4 page 222-227. https://84000.org/tipitaka/read/roman_read.php?B=4&A=4569&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=4569&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=168&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=59 Study Atthakatha :- https://84000.org/tipitaka/attha/attha.php?b=4&i=168 The Pali Atthakatha in Thai :- https://84000.org/tipitaka/atthapali/read_th.php?B=3&A=3018 The Pali Atthakatha in Roman :- https://84000.org/tipitaka/atthapali/read_rm.php?B=3&A=3018 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]