ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 34 : PALI ROMAN Sutta Pitaka Vol 26 : Abhi. Dhammasaṅgaṇi

     [74]  Tasmim  kho  pana  samaye  cattaro khandha honti dvayatanani
honti   dve   dhatuyo   honti  tayo  ahara  honti  atthindriyani
honti    pancangikam   jhanam   hoti   pancangiko   maggo   hoti   satta
balani  honti  tayo  hetu  honti  eko  phasso  hoti  eka vedana
hoti   eka   sanna  hoti  eka  cetana  hoti  ekam  cittam  hoti
eko  vedanakkhandho hoti eko sannakkhandho hoti eko sankharakkhandho
hoti    eko    vinnanakkhandho    hoti    ekam    manayatanam   hoti
ekam   manindriyam  hoti  eka  manovinnanadhatu  hoti  ekam  dhammayatanam
hoti   eka   dhammadhatu   hoti  ye  va  pana  tasmim  samaye  annepi
atthi paticcasamuppanna arupino dhamma ime dhamma kusala.
     [75]  Katame  tasmim  samaye  cattaro khandha honti vedanakkhandho
sannakkhandho    sankharakkhandho    vinnanakkhandho    .   katamo   tasmim
samaye   vedanakkhandho  hoti  yam  tasmim  samaye  cetasikam  satam  cetasikam
sukham   cetosamphassajam  satam  sukham  vedayitam  cetosamphassaja  sata  sukha
vedana   ayam   tasmim   samaye   vedanakkhandho  hoti  .  katamo  tasmim
samaye   sannakkhandho   hoti   ya   tasmim   samaye  sanna  sanjanana
sanjanitattam ayam tasmim samaye sannakkhandho hoti.
     {75.1}  Katamo  tasmim  samaye  sankharakkhandho hoti phasso cetana
vitakko  vicaro  piti  cittassekaggata saddhindriyam viriyindriyam satindriyam
samadhindriyam    pannindriyam    jivitindriyam    sammaditthi   sammasankappo
sammavayamo    sammasati   sammasamadhi   saddhabalam   viriyabalam   satibalam
samadhibalam     pannabalam    hiribalam    ottappabalam    alobho    adoso
amoho     anabhijjha    abyapado    sammaditthi    hiri    ottappam
kayappassaddhi    cittappassaddhi    kayalahuta    cittalahuta    kayamuduta
cittamuduta      kayakammannata      cittakammannata      kayapagunnata
cittapagunnata    kayujukata    cittujukata    sati    sampajannam   samatho
vipassana   paggaho   avikkhepo  ye  va  pana  tasmim  samaye  annepi
atthi     paticcasamuppanna    arupinodhamma    thapetva    vedanakkhandham
thapetva     sannakkhandham    thapetva    vinnanakkhandham    ayam    tasmim
samaye   sankharakkhandho   hoti  .  katamo  tasmim  samaye  vinnanakkhandho
Hoti  yam  tasmim  samaye  cittam  mano  manasam  hadayam  pandaram mano manayatanam
manindriyam     vinnanam     vinnanakkhandho     tajja    manovinnanadhatu
ayam  tasmim  samaye  vinnanakkhandho  hoti  .  ime  tasmim samaye cattaro
khandha honti.
     [76]   Katamani   tasmim   samaye   dvayatanani  honti  manayatanam
dhammayatanam   .   katamam   tasmim   samaye   manayatanam   hoti   yam   tasmim
samaye   cittam   mano   manasam  hadayam  pandaram  mano  manayatanam  manindriyam
vinnanam    vinnanakkhandho    tajja    manovinnanadhatu    idam    tasmim
samaye   manayatanam   hoti   .   katamam   tasmim  samaye  dhammayatanam  hoti
vedanakkhandho    sannakkhandho    sankharakkhandho   idam   tasmim   samaye
dhammayatanam hoti. Imani tasmim samaye dvayatanani honti.
     [77]  Katama  tasmim  samaye  dve  dhatuyo honti manovinnanadhatu
dhammadhatu    .    katama    tasmim    samaye    manovinnanadhatu   hoti
yam   tasmim   samaye   cittam  mano  manasam  hadayam  pandaram  mano  manayatanam
manindriyam     vinnanam     vinnanakkhandho     tajja    manovinnanadhatu
ayam   tasmim   samaye   manovinnanadhatu   hoti  .  katama  tasmim  samaye
dhammadhatu     hoti    vedanakkhandho    sannakkhandho    sankharakkhandho
ayam   tasmim   samaye   dhammadhatu   hoti   .  ima  tasmim  samaye  dve
dhatuyo honti.
     [78]  Katame  tasmim  samaye  tayo  ahara  honti  phassaharo
Manosancetanaharo    vinnanaharo    .    katamo    tasmim   samaye
phassaharo   hoti   yo   tasmim   samaye   phasso   phusana   samphusana
samphusitattam    ayam    tasmim   samaye   phassaharo   hoti   .   katamo
tasmim   samaye   manosancetanaharo   hoti  ya  tasmim  samaye  cetana
sancetana    sancetayitattam   ayam   tasmim   samaye   manosancetanaharo
hoti   .  katamo  tasmim  samaye  vinnanaharo  hoti  yam  tasmim  samaye
cittam   mano   manasam  hadayam  pandaram  mano  manayatanam  manindriyam  vinnanam
vinnanakkhandho     tajja    manovinnanadhatu    ayam    tasmim    samaye
vinnanaharo hoti. Ime tasmim samaye tayo ahara honti.
     [79]   Katamani   tasmim  samaye  atthindriyani  honti  saddhindriyam
viriyindriyam     satindriyam    samadhindriyam    pannindriyam    manindriyam
somanassindriyam  jivitindriyam  .  katamam  tasmim  samaye  saddhindriyam  hoti ya
tasmim    samaye   saddha   saddahana   okappana   abhippasado   saddha
saddhindriyam saddhabalam idam tasmim samaye saddhindriyam hoti.
     {79.1} Katamam tasmim samaye viriyindriyam hoti yo tasmim samaye cetasiko
viriyarambho  nikkamo  parakkamo  uyyamo  vayamo  ussaho  ussolhi
thamo    dhiti    asithilaparakkamata    anikkhittacchandata    anikkhittadhurata
dhurasampaggaho    viriyam    viriyindriyam    viriyabalam   sammavayamo   idam
tasmim samaye viriyindriyam hoti.
     {79.2}     Katamam     tasmim     samaye     satindriyam     hoti
ya    tasmim    samaye    sati    anussati    patissati    sati   saranata
Dharanata       apilapanata      asammusanata      sati      satindriyam
satibalam sammasati idam tasmim samaye satindriyam hoti.
     {79.3}   Katamam   tasmim   samaye   samadhindriyam  hoti  ya  tasmim
samaye    cittassa    thiti   santhiti   avatthiti   avisaharo   avikkhepo
avisahatamanasata     samatho    samadhindriyam    samadhibalam    sammasamadhi
idam tasmim samaye samadhindriyam hoti.
     {79.4}  Katamam  tasmim  samaye  pannindriyam  hoti  ya  tasmim samaye
panna   pajanana   vicayo   pavicayo  dhammavicayo  sallakkhana  upalakkhana
paccupalakkhana   pandiccam   kosallam  nepunnam  vebhabya  cinta  upaparikkha
bhuri    medha    parinayika    vipassana   sampajannam   patodo   panna
pannindriyam    pannabalam    pannasattham    pannapasado   pannaaloko
pannaobhaso    pannapajjoto    pannaratanam    amoho    dhammavicayo
sammaditthi idam tasmim samaye pannindriyam hoti.
     {79.5}  Katamam  tasmim  samaye  manindriyam  hoti yam tasmim samaye cittam
mano   manasam   hadayam   pandaram   mano   manayatanam   manindriyam   vinnanam
vinnanakkhandho     tajja    manovinnanadhatu    idam    tasmim    samaye
manindriyam hoti.
     {79.6}    Katamam    tasmim   samaye   somanassindriyam   hoti   yam
tasmim   samaye   cetasikam   satam   cetasikam   sukham   cetosamphassajam  satam
sukham  vedayitam  cetosamphassaja  sata  sukha  vedana  idam  tasmim  samaye
somanassindriyam hoti.
     {79.7}  Katamam  tasmim  samaye  jivitindriyam  hoti  yo  tesam arupinam
dhammanam   ayu   thiti   yapana   yapana   iriyana   vattana   palana
jivitam      jivitindriyam      idam      tasmim      samaye     jivitindriyam
Hoti. Imani tasmim samaye atthindriyani honti.
     [80]  Katamam  tasmim  samaye pancangikam jhanam hoti vitakko vicaro piti
sukham cittassekaggata.
     {80.1}  Katamo  tasmim  samaye vitakko hoti yo tasmim samaye takko
vitakko  sankappo  appana  byappana  cetaso abhiniropana sammasankappo
ayam tasmim samaye vitakko hoti.
     {80.2}  Katamo  tasmim  samaye vicaro hoti yo tasmim samaye caro
vicaro   anuvicaro   upavicaro   cittassa   anusandhanata  anupekkhanata
ayam tasmim samaye vicaro hoti.
     {80.3}  Katama  tasmim  samaye  piti  hoti  ya  tasmim  samaye piti
pamojjam    amodana   pamodana   haso   pahaso   vitti   odagyam
attamanata cittassa ayam tasmim samaye piti hoti.
     {80.4}  Katamam  tasmim  samaye sukham hoti yam tasmim samaye cetasikam satam
cetasikam  sukham  cetosamphassajam  satam  sukham  vedayitam  cetosamphassaja sata
sukha vedana idam tasmim samaye sukham hoti.
     {80.5}  Katama  tasmim  samaye  cittassekaggata  hoti  ya  tasmim
samaye    cittassa    thiti   santhiti   avatthiti   avisaharo   avikkhepo
avisahatamanasata     samatho    samadhindriyam    samadhibalam    sammasamadhi
ayam   tasmim   samaye   cittassekaggata   hoti   .   idam  tasmim  samaye
pancangikam jhanam hoti.
     [81]  Katamo  tasmim  samaye  pancangiko  maggo  hoti  sammaditthi
sammasankappo    sammavayamo   sammasati   sammasamadhi   .   katama
Tasmim   samaye   sammaditthi   hoti  ya  tasmim  samaye  panna  pajanana
vicayo    pavicayo   dhammavicayo   sallakkhana   upalakkhana   paccupalakkhana
pandiccam   kosallam   nepunnam   vebhabya  cinta  upaparikkha  bhuri  medha
parinayika    vipassana    sampajannam    patodo    panna    pannindriyam
pannabalam   pannasattham   pannapasado   pannaaloko   pannaobhaso
pannapajjoto     pannaratanam     amoho     dhammavicayo    sammaditthi
ayam tasmim samaye sammaditthi hoti.
     {81.1}  Katamo  tasmim  samaye sammasankappo hoti yo tasmim samaye
takko   vitakko   sankappo   appana   byappana  cetaso  abhiniropana
sammasankappo ayam tasmim samaye sammasankappo hoti.
     {81.2}  Katamo  tasmim  samaye sammavayamo hoti yo tasmim samaye
cetasiko  viriyarambho  nikkamo  parakkamo  uyyamo  vayamo  ussaho
ussolhi  thamo  dhiti  asithilaparakkamata  anikkhittacchandata  anikkhittadhurata
dhurasampaggaho   viriyam   viriyindriyam   viriyabalam  sammavayamo  ayam  tasmim
samaye sammavayamo hoti.
     {81.3}  Katama  tasmim  samaye  sammasati hoti ya tasmim samaye sati
anussati   patissati   sati   saranata   dharanata  apilapanata  asammusanata
sati satindriyam satibalam sammasati ayam tasmim samaye sammasati hoti.
     {81.4}   Katamo   tasmim   samaye  sammasamadhi  hoti  ya  tasmim
samaye    cittassa    thiti   santhiti   avatthiti   avisaharo   avikkhepo
avisahatamanasata     samatho    samadhindriyam    samadhibalam    sammasamadhi
Ayam  tasmim  samaye  sammasamadhi  hoti  .  ayam  tasmim  samaye  pancangiko
maggo hoti.
     [82]   Katamani   tasmim   samaye  satta  balani  honti  saddhabalam
viriyabalam satibalam samadhibalam pannabalam hiribalam ottappabalam.
     {82.1}  Katamam  tasmim  samaye saddhabalam hoti ya tasmim samaye saddha
saddahana    okappana    abhippasado   saddha   saddhindriyam   saddhabalam
idam tasmim samaye saddhabalam hoti.
     {82.2}  Katamam  tasmim samaye viriyabalam hoti yo tasmim samaye cetasiko
viriyarambho  nikkamo  parakkamo  uyyamo  vayamo  ussaho  ussolhi
thamo    dhiti    asithilaparakkamata    anikkhittacchandata    anikkhittadhurata
dhurasampaggaho   viriyam   viriyindriyam   viriyabalam  sammavayamo  idam  tasmim
samaye viriyabalam hoti.
     {82.3}  Katamam  tasmim  samaye  satibalam  hoti  ya  tasmim samaye sati
anussati   patissati   sati   saranata   dharanata  apilapanata  asammusanata
sati satindriyam satibalam sammasati idam tasmim samaye satibalam hoti.
     {82.4}  Katamam  tasmim samaye samadhibalam hoti ya tasmim samaye cittassa
thiti   santhiti  avatthiti  avisaharo  avikkhepo  avisahatamanasata  samatho
samadhindriyam samadhibalam sammasamadhi idam tasmim samaye samadhibalam hoti.
     {82.5}  Katamam  tasmim  samaye pannabalam hoti ya tasmim samaye panna
pajanana  vicayo  pavicayo  dhammavicayo  sallakkhana upalakkhana paccupalakkhana
pandiccam   kosallam   nepunnam   vebhabya  cinta  upaparikkha  bhuri  medha
Parinayika    vipassana    sampajannam    patodo    panna    pannindriyam
pannabalam   pannasattham   pannapasado   pannaaloko   pannaobhaso
pannapajjoto     pannaratanam     amoho     dhammavicayo    sammaditthi
idam tasmim samaye pannabalam hoti.
     {82.6}  Katamam  tasmim  samaye  hiribalam  hoti  yam tasmim samaye hiriyati
hiriyitabbena   hiriyati   papakanam   akusalanam   dhammanam  samapattiya  idam
tasmim samaye hiribalam hoti.
     {82.7} Katamam tasmim samaye ottappabalam hoti yam tasmim samaye ottappati
ottappitabbena   ottappati   papakanam  akusalanam  dhammanam  samapattiya
idam   tasmim   samaye  ottappabalam  hoti  .  imani  tasmim  samaye  satta
balani honti.
     [83]  Katame  tasmim  samaye  tayo  hetu  honti  alobho adoso
amoho.
     {83.1}  Katamo  tasmim  samaye  alobho  hoti  yo  tasmim  samaye
alobho   alubbhana   alubbhitattam   asarago  asarajjana  asarajjitattam
anabhijjha alobho kusalamulam ayam tasmim samaye alobho hoti.
     {83.2}  Katamo  tasmim samaye adoso hoti yo tasmim samaye adoso
adusana    adusitattam    abyapado    abyapajjo   adoso   kusalamulam
ayam tasmim samaye adoso hoti.
     {83.3}  Katamo  tasmim  samaye  amoho  hoti  ya  tasmim  samaye
panna     pajanana     vicayo    pavicayo    dhammavicayo    sallakkhana
upalakkhana      paccupalakkhana      pandiccam      kosallam      nepunnam
vebhabya    cinta   upaparikkha   bhuri   medha   parinayika   vipassana
Sampajannam    patodo    panna    pannindriyam    pannabalam    pannasattham
pannapasado     pannaaloko     pannaobhaso     pannapajjoto
pannaratanam   amoho   dhammavicayo   sammaditthi   amoho   kusalamulam  ayam
tasmim samaye amoho hoti. Ime tasmim samaye tayo hetu honti.
     [84]   Katamo   tasmim   samaye  eko  phasso  hoti  yo  tasmim
samaye   phasso   phusana   samphusana   samphusitattam   ayam   tasmim   samaye
eko phasso hoti.
     [85]  Katama  tasmim  samaye  eka  vedana  hoti yam tasmim samaye
cetasikam   satam   cetasikam   sukham   cetosamphassajam   satam   sukham  vedayitam
cetosamphassaja   sata   sukha   vedana   ayam   tasmim  samaye  eka
vedana hoti 1-.
     [86]  Katama  tasmim  samaye  eka  sanna  hoti ya tasmim samaye
sanna    sanjanana    sanjanitattam    ayam    tasmim    samaye   eka
sanna hoti 2-.
     [87]  Katama  tasmim  samaye  eka  cetana hoti ya tasmim samaye
cetana   sancetana   sancetayitattam  ayam  tasmim  samaye  eka  cetana
hoti 3-.
@Footnote:1-2-3 imani padabhajanani purimehi na samenti. tattha hi
@tajjamanovinnanadhatusamphassajanti ca tajjamanovinnanadhatusamphassajati
@ca dissati. tasma tattha atirekam va idha unam va siya.
     [88]  Katamam  tasmim  samaye  ekam  cittam  hoti yam tasmim samaye cittam
mano   manasam   hadayam   pandaram   mano   manayatanam   manindriyam   vinnanam
vinnanakkhandho   tajja   manovinnanadhatu   idam   tasmim   samaye   ekam
cittam hoti.
     [89]   Katamo   tasmim   samaye  eko  vedanakkhandho  hoti  yam
tasmim   samaye   cetasikam  satam  cetasikam  sukham  cetosamphassajam  satam  sukham
vedayitam   cetosamphassaja   sata   sukha   vedana  ayam  tasmim  samaye
eko vedanakkhandho hoti.
     [90]   Katamo   tasmim   samaye  eko  sannakkhandho  hoti  ya
tasmim   samaye   sanna   sanjanana   sanjanitattam   ayam   tasmim  samaye
eko sannakkhandho hoti.
     [91]  Katamo  tasmim  samaye  eko  sankharakkhandho  hoti  phasso
cetana   vitakko  vicaro  piti  cittassekaggata  saddhindriyam  viriyindriyam
satindriyam     samadhindriyam    pannindriyam    jivitindriyam    sammaditthi
sammasankappo  sammavayamo  sammasati  sammasamadhi  saddhabalam  viriyabalam
satibalam   samadhibalam   pannabalam   hiribalam   ottappabalam   alobho  adoso
amoho     anabhijjha    abyapado    sammaditthi    hiri    ottappam
kayappassaddhi    cittappassaddhi    kayalahuta    cittalahuta    kayamuduta
cittamuduta      kayakammannata      cittakammannata      kayapagunnata
cittapagunnata    kayujukata    cittujukata    sati    sampajannam   samatho
Vipassana   paggaho   avikkhepo  ye  va  pana  tasmim  samaye  annepi
atthi    paticcasamuppanna    arupino   dhamma   thapetva   vedanakkhandham
thapetva   sannakkhandham   thapetva   vinnanakkhandham   ayam   tasmim  samaye
eko sankharakkhandho hoti.
     [92]   Katamo   tasmim   samaye  eko  vinnanakkhandho  hoti  yam
tasmim   samaye   cittam   mano   manasam   hadayam   pandaram  mano  manayatanam
manindriyam     vinnanam     vinnanakkhandho     tajja    manovinnanadhatu
ayam tasmim samaye eko vinnanakkhandho hoti.
     [93]   Katamam   tasmim   samaye   ekam  manayatanam  hoti  yam  tasmim
samaye   cittam   mano   manasam  hadayam  pandaram  mano  manayatanam  manindriyam
vinnanam    vinnanakkhandho    tajja    manovinnanadhatu    idam    tasmim
samaye ekam manayatanam hoti.
     [94]   Katamam   tasmim   samaye   ekam  manindriyam  hoti  yam  tasmim
samaye   cittam   mano   manasam  hadayam  pandaram  mano  manayatanam  manindriyam
vinnanam    vinnanakkhandho    tajja    manovinnanadhatu    idam    tasmim
samaye ekam manindriyam hoti.
     [95]   Katama   tasmim  samaye  eka  manovinnanadhatu  hoti  yam
tasmim   samaye   cittam   mano   manasam   .pe.  tajja  manovinnanadhatu
ayam tasmim samaye eka manovinnanadhatu hoti.
     [96]  Katamam  tasmim  samaye  ekam  dhammayatanam  hoti vedanakkhandho
Sannakkhandho sankharakkhandho idam tasmim samaye ekam dhammayatanam hoti.
     [97]  Katama  tasmim  samaye  eka  dhammadhatu hoti vedanakkhandho
sannakkhandho   sankharakkhandho   ayam   tasmim   samaye   eka  dhammadhatu
hoti.
     [98]  Ye  va  pana  tasmim  samaye  annepi atthi paticcasamuppanna
arupino dhamma ime dhamma kusala.
                      Kotthasavaram.



             The Pali Tipitaka in Roman Character Volume 34 page 21-33. https://84000.org/tipitaka/read/roman_read.php?B=34&A=403&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=34&A=403&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=34&item=74&items=25              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=34&siri=17              Study Atthakatha :- https://84000.org/tipitaka/attha/attha.php?b=34&i=73              The Pali Atthakatha in Thai :- https://84000.org/tipitaka/atthapali/read_th.php?B=53&A=5084              The Pali Atthakatha in Roman :- https://84000.org/tipitaka/atthapali/read_rm.php?B=53&A=5084              Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]