PaliRoman Vol.33

Dasamam patacaratheriyapadanam (20) [160] |160.466| Padumuttaro nama jino sabbadhammana paragu ito satasahassamhi kappe uppajji nayako. |160.467| Tadaham hamsavatiyam jata setthikule ahu nanaratanapajjote mahasukhasamappita. |160.468| Upetva tam mahaviram assosim dhammadesanam tato jatappasadaham upesim saranam jinam. |160.469| Tato vinayadharinam aggam vannesi nayako bhikkhunim lajjinim tadim kappakappavisaradam. |160.470| Tada muditacittaham tam thanam abhikankhayim nimantetva dasabalam sasangham lokanayakam. |160.471| Bhojayitvana sattaham daditva ^1- pattacivaram nipacca sirasa pade imam vacanamabravim. |160.472| Ya taya vannita dhira ito atthamake muni ^2- tadisaham bhavissami yadi sijjhati nayaka. |160.473| Tada avoca mam sattha bhadde ma bhayi assasa anagatamhi addhane lacchasetam manoratham. |160.474| Satasahasse ito kappe okkakakulasambhavo gotamo nama namena sattha loke bhavissati. |160.475| Tassa dhammesu dayada orasa dhammanimmita patacarati namena hessati satthusavika. |160.476| Tadaham mudita hutva yavajivam tada jinam mettacitta paricarim sasangham lokanayakam. |160.477| Tena kammena sukatena cetanapanidhihi ca jahitva manusam deham tavatimsam aganchaham. |160.478| Imamhi bhaddake kappe brahmabandhu mahayaso kassapo nama namena uppajji vadatam varo. |160.479| Upatthako mahesissa tada asi narissaro kasiraja kiki nama baranasipuruttame. @Footnote: ¹ Ma. daditvava ticivaram. Yu. daditva ca ticivaram. ² Yu. dine. |160.480| Tassasim tatiya dhita bhikkhuni iti vissuta dhammam sutva jinaggassa pabbajjam samarocayim. |160.481| Anujani na no tato agareva tada mayam visam vassasahassani vicarimha atandita. |160.482| Komaribrahmacariyam rajakanna sukhetthita ^1- buddhopatthananirata mudita satta dhitaro. |160.483| Samani samanagutta ca bhikkhuni bhikkhudasika dhamma ceva sudhamma ca sattami sanghadasika. |160.484| Aham uppalavanna ca khema bhadda ca bhikkhuni kisagotami dhammadinna visakha hoti sattami. |160.485| Tehi kammehi sukatehi cetanapanidhihi ca jahitva manusam deham tavatimsam aganchaham ^2-. |160.486| Pacchime ca bhave dani jata setthikule aham savatthiyam puravare iddhe phite mahaddhane. |160.487| Yada ca yobbanupeta vitakkavasaga aham naranjanapadam ^3- disva tena saddhim aganchaham. |160.488| Ekaputtappasutaham dutiyo kucchiya mama tadaham matapitaro ikkhamiti ^4- sunicchita. |160.489| Narocesim patim mayham tada tamhi pavasite ekika niggata geha gantum savatthimuttamam. @Footnote: ¹ Ma. sabbattha sukhedhita. ² Ma. sabbattha agacchaham. Yu. agamhase. @³ Ma. naranjarapatim. ⁴ Ma. Yu. okkamiti. |160.490| Tato me sami agantva sambhavesi pathe mamam tada me kammaja vata uppanna atidaruna. |160.491| Uditova ^1- mahamegho pasutisamaye mama dabbatthaya tada gantva sami sappena marito. |160.492| Tada vijatadukkhena anatha kapana aham kunnadim puritam disva gacchanti sakulalayam ^2-. |160.493| Balam adaya otarim ^3- parakule ca ekika ^4- payetva ^5- balakam puttam itaram taranayaham. |160.494| Nivatta ukkuso hasi tarunam vilapantakam itaranca vahi soto saham sokasamappita. |160.495| Savatthinagaram gantva assosim sajane mate tada avoca ^6- sokatta mahasokasamappita. |160.496| Ubho putta kalakata vane mayham pati mato mata pita ca bhata ca ekacitamhi dayhare. |160.497| Tada kisa ca pandu ca anatha dinamanasa ito tato gacchantiham ^7- addasam narasarathim. |160.498| Tato avoca mam sattha putte ma soci assasa attanam te gavesassu kim nirattham vihannasi. |160.499| Na santi putta tanaya na nati napi bandhava antakenadhipannassa natthi natisu tanata. @Footnote: ¹ Ma. Yu. udito ca. ² Yu. sakunalayam. ³ Ma. Yu. atarim. ⁴ Ma. ekakam. Yu. ekako. @⁵ Po. Ma. Yu. sayetva. ⁶ Yu. avocam. ⁷ Ma. Yu. bhamantiham. |160.500| Tam sutva munino vakyam pathamam phalamajjhagam pabbajitvana na ciram arahattam apapunim. |160.501| Iddhisu ca vasi homi dibbaya sotadhatuya paracittani janami satthu sasanakarika. |160.502| Pubbenivasam janami dibbacakkhum visodhitam khepetva asave sabbe visuddhasim sunimmala. |160.503| Tatoham vinayam sabbam santike sabbadassino uggahim sabbavittharam byaharim ca yathatatham. |160.504| Jino tasmim gune tuttho etadagge thapesi mam aggam ^1- vinayadharinam patacarava ^2- ekika. |160.505| Paricinno maya sattha katam buddhassa sasanam ohito garuko bharo bhavanetti samuhata. |160.506| Yassa atthaya pabbajita agarasma anagariyam so me attho anuppatto sabbasamyojanakkhayo. |160.507| Kilesa jhapita mayham bhava sabbe samuhata nagiva bandhanam chetva viharami anasava. |160.508| Svagatam vata me asi buddhasetthassa santike tisso vijja anuppatta katam buddhassa sasanam. |160.509| Patisambhida catasso vimokkhapica atthime chalabhinna sacchikata katam buddhassa sasananti. @Footnote: ¹ Ma. agga. ² Po. Yu. ca. Ittham sudam patacara bhikkhuni ima gathayo abhasitthati. Patacaratheriya apadanam samattam. Uddanam ekuposathika ceva salala catha modaka ekasana pancadipa nalamali ca gotami. Khema uppalavanna ca patacara ca bhikkhuni gathasatani panceva ^1- nava capi taduttari. Ekuposathavaggo dutiyo. -------------- @Footnote: ¹ Po. Yu. ... cattari navutim sattameva ca.

The Pali Tipitaka in Roman Character Volume 33 page 319-324. https://84000.org/tipitaka/read/roman_read.php?B=33&A=6487&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=6487&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=160&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=171 Study Atthakatha :- https://84000.org/tipitaka/attha/attha.php?b=33&i=160 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33