|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Chatthasanghadisesam [57] Tena samayena buddho bhagava savatthiyam viharati jetavane anathapindikassa arame . tena kho pana samayena sundarinanda bhikkhuni abhirupa hoti dassaniya pasadika . manussa bhattagge sundarinandam bhikkhunim passitva avassuta sundarinandaya bhikkhuniya aggamaggani bhojanani denti . sundarinanda bhikkhuni kukkuccayanti nappatigganhati . anantarika bhikkhuni sundarinandam bhikkhunim etadavoca kissa tvam ayye nappatigganhasiti . avassuto ayyeti . tvam pana ayye avassutati . naham ayye 1- avassutati . kinte ayye eso purisapuggalo karissati avassuto va anavassuto va yato tvam anavassuta inghayye yante eso purisapuggalo deti khadaniyam va bhojaniyam va tam tvam sahattha patiggahetva khada va bhunja vati. {57.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni evam vakkhati kinte ayye eso purisapuggalo karissati avassuto va anavassuto va yato tvam anavassuta inghayye yante eso purisapuggalo deti khadaniyam @Footnote: 1 Ma. Yu. ayam patho natthi.--------------------------------------------------------------------------------------------- page42.
Va bhojaniyam va tam tvam sahattha patiggahetva khada va bhunja vati .pe. saccam kira bhikkhave bhikkhuni evam vadeti kinte ayye eso purisapuggalo karissati avassuto va anavassuto va yato tvam anavassuta inghayye yante eso purisapuggalo deti khadaniyam va bhojaniyam va tam tvam sahattha patiggahetva khada va bhunja vati . saccam bhagavati . vigarahi buddho bhagava katham hi nama bhikkhave bhikkhuni evam vakkhati kinte ayye eso purisapuggalo karissati avassuto va anavassuto va yato tvam anavassuta inghayye yante eso purisapuggalo deti khadaniyam va bhojaniyam va tam tvam sahattha patiggahetva khada va bhunja vati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {57.2} ya pana bhikkhuni evam vadeyya kinte ayye eso purisapuggalo karissati avassuto va anavassuto va yato tvam anavassuta inghayye yante eso purisapuggalo deti khadaniyam va bhojaniyam va tam tvam sahattha patiggahetva khada va bhunja vati ayampi bhikkhuni pathamapattikam dhammam apanna nissaraniyam sanghadisesanti. [58] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . evam vadeyyati kinte ayye eso purisapuggalo karissati avassuto va anavassuto va yato--------------------------------------------------------------------------------------------- page43.
Tvam anavassuta inghayye yante eso purisapuggalo deti khadaniyam va bhojaniyam va tam tvam sahattha patiggahetva khada va bhunja vati uyyojeti apatti dukkatassa tassa vacanena khadissami bhunjissamiti patigganhati apatti dukkatassa ajjhohare ajjhohare apatti thullaccayassa bhojanapariyosane apatti sanghadisesassa . ayampiti purimayo upadaya vuccati . Pathamapattikanti saha vatthujjhacara apajjati asamanubhasanaya . Nissaraniyanti sanghamha nissariyati . sanghadisesoti .pe. Tena vuccati sanghadisesoti . udakadantaponam patigganhati uyyojeti apatti dukkatassa . tassa vacanena khadissami bhunjissamiti patigganhati apatti dukkatassa. [59] Ekato avassute yakkhassa va petassa va pandakassa va tiracchanagatamanussaviggahassa va hatthato khadaniyam va bhojaniyam va khada va bhunja vati uyyojeti apatti dukkatassa tassa vacanena khadissami bhunjissamiti patigganhati apatti dukkatassa ajjhohare ajjhohare apatti dukkatassa bhojanapariyosane apatti thullaccayassa . udakadantaponam patigganhati uyyojeti apatti dukkatassa tassa vacanena khadissami bhunjissamiti patigganhati apatti dukkatassa. [60] Anapatti anavassutoti jananti uyyojeti kupita--------------------------------------------------------------------------------------------- page44.
Nappatigganhatiti uyyojeti kulanuddayataya nappatigganhatiti uyyojeti ummattikaya adikammikayati. --------The Pali Tipitaka in Roman Character Volume 3 page 41-44. https://84000.org/tipitaka/read/roman_read.php?B=3&A=787&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=787&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=57&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=10 Study Atthakatha :- https://84000.org/tipitaka/attha/attha.php?b=3&i=57 The Pali Atthakatha in Thai :- https://84000.org/tipitaka/atthapali/read_th.php?B=2&A=11074 The Pali Atthakatha in Roman :- https://84000.org/tipitaka/atthapali/read_rm.php?B=2&A=11074 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]