บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Tatiyasanghadisesam [40] Tena samayena buddho bhagava savatthiyam viharati jetavane anathapindikassa arame . tena kho pana samayena bhaddaya kapilaniya antevasini 1- bhikkhunihi saddhim bhanditva gamake 2- natikulam agamasi . bhadda kapilani tam bhikkhunim apassanti bhikkhuniyo pucchi kaham itthannama na dissatiti . bhikkhunihi saddhim ayye bhanditva na dissatiti . amma amukasmim gamake etissa natikulam tattha gantva vicinathati. {40.1} Bhikkhuniyo tattha gantva tam bhikkhunim passitva etadavocum kissa tvam ayye ekika agata kaccisi appadhamsitati . appadhamsitamhi ayyeti . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni eka gamantaram gacchissatiti .pe. Saccam kira bhikkhave bhikkhuni eka gamantaram gacchatiti. Saccam bhagavati. @Footnote: 1 Ma. Yu. antevasika . 2 Ma. Yu. gamakam. Vigarahi buddho bhagava katham hi nama bhikkhave bhikkhuni eka gamantaram gacchissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {40.2} ya pana bhikkhuni eka gamantaram gaccheyya ayampi bhikkhuni pathamapattikam dhammam apanna nissaraniyam sanghadisesanti. {40.3} Evancidam bhagavata bhikkhuninam sikkhapadam pannattam hoti. [41] Tena kho pana samayena dve bhikkhuniyo saketa savatthim addhanamaggapatipanna honti . antaramagge nadi taritabba hoti . Athakho ta bhikkhuniyo navike upasankamitva etadavocum sadhu no avuso tarethati . nayye sakka ubho sakim taretunti. Eko ekam uttaresi . uttinno uttinnam dusesi . anuttinno anuttinnam dusesi . ta paccha samagantva pucchimsu kaccisi ayye appadhamsitati . padhamsitamhi ayye tvam panayye appadhamsitati . Padhamsitamhi ayyeti . athakho ta bhikkhuniyo savatthim gantva bhikkhuninam etamattham arocesum . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni eka nadiparam gacchissatiti . athakho ta bhikkhuniyo bhikkhunam etamattham arocesum . Bhikkhu bhagavato etamattham arocesum .pe. saccam kira bhikkhave bhikkhuni eka nadiparam gacchantiti . saccam bhagavati . vigarahi buddho bhagava katham hi nama bhikkhave bhikkhuni eka nadiparam gacchissati Netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {41.1} ya pana bhikkhuni eka va gamantaram gaccheyya eka va nadiparam gaccheyya ayampi bhikkhuni pathamapattikam dhammam apanna nissaraniyam sanghadisesanti . evancidam bhagavata bhikkhuninam sikkhapadam pannattam hoti. [42] Tena kho pana samayena sambahula bhikkhuniyo kosalesu janapadesu savatthim gacchanta 1- sayam annataram gamam upagacchimsu. Tattha annatara bhikkhuni abhirupa hoti dassaniya pasadika . annataro puriso tassa bhikkhuniya saha dassanena patibaddhacitto hoti . athakho so puriso tasam bhikkhuninam seyyam pannapento tassa bhikkhuniya seyyam ekamantam pannapesi . athakho sa bhikkhuni sallakkhetva pariyutthito ayam puriso sace rattim agacchissati vissaro me bhavissatiti bhikkhuniyo anapuccha annataram kulam gantva seyyam kappesi. Athakho so puriso rattim agantva tam bhikkhunim gavesanto bhikkhuniyo ghattesi . bhikkhuniyo tam bhikkhunim apassantiyo evamahamsu nissamsayam kho sa bhikkhuni purisena saddhim nikkhantati. {42.1} Athakho sa bhikkhuni tassa rattiya accayena yena ta bhikkhuniyo tenupasankami . bhikkhuniyo tam bhikkhunim etadavocum kissa tvam ayye purisena saddhim nikkhantati . naham ayye purisena saddhim nikkhantati bhikkhuninam @Footnote: 1 Ma. Yu. gantva. Etamattham arocesi . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni eka rattim vippavasissatiti .pe. saccam kira bhikkhave bhikkhuni eka rattim vippavasatiti . saccam bhagavati . vigarahi buddho bhagava katham hi nama bhikkhave bhikkhuni eka rattim vippavasissati netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave bhikkhuniyo imam sikkhapadam uddisantu {42.2} ya pana bhikkhuni eka va gamantaram gaccheyya eka va nadiparam gaccheyya eka va rattim vippavaseyya ayampi bhikkhuni pathamapattikam dhammam apanna nissaraniyam sanghadisesanti. {42.3} Evancidam bhagavata bhikkhuninam sikkhapadam pannattam hoti. [43] Tena kho pana samayena sambahula bhikkhuniyo kosalesu janapadesu savatthim addhanamaggapatipanna honti . tattha annatara bhikkhuni vaccena pilita ekika ohiyitva paccha agamasi . Manussa tam bhikkhunim passitva dusesum . athakho sa bhikkhuni yena ta bhikkhuniyo tenupasankami . bhikkhuniyo tam bhikkhunim etadavocum kissa tvam ayye ekika ohina kaccisi appadhamsitati . padhamsitamhi ayyeti . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuni eka ganamha ohiyissatiti .pe. saccam kira bhikkhave bhikkhuni eka ganamha ohiyatiti 1-. Saccam @Footnote: 1 Ma. Yu. ohiyiti. Bhagavati . vigarahi buddho bhagava katham hi nama bhikkhave bhikkhuni eka ganamha ohiyissati netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {43.1} ya pana bhikkhuni eka va gamantaram gaccheyya eka va nadiparam gaccheyya eka va rattim vippavaseyya eka va ganamha ohiyeyya ayampi bhikkhuni pathamapattikam dhammam apanna nissaraniyam sanghadisesanti. [44] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . eka va gamantaram gaccheyyati parikkhittassa gamassa parikkhepam pathamam padam atikkamentiya apatti thullaccayassa dutiyam padam atikkamentiya apatti sanghadisesassa. {44.1} Aparikkhittassa gamassa upacaram pathamam padam atikkamentiya apatti thullaccayassa dutiyam padam atikkamentiya apatti sanghadisesassa. Eka va nadiparam gaccheyyati nadi nama timandalam paticchadetva yattha katthaci uttarantiya bhikkhuniya antaravasako temiyati . pathamam padam uttarentiya 1- apatti thullaccayassa dutiyam padam uttarentiya 2- apatti sanghadisesassa. {44.2} Eka va rattim vippavaseyyati saha arunuggamana dutiyikaya bhikkhuniya hatthapasam vijahantiya apatti thullaccayassa vijahite apatti sanghadisesassa . eka va ganamha ohiyeyyati agamake aranne dutiyikaya bhikkhuniya dassanupacaram @Footnote: 1-2 Ma. Yu. uttarantiya. Va savanupacaram va vijahantiya apatti thullaccayassa vijahite apatti sanghadisesassa. [45] Ayampiti purimayo upadaya vuccati . pathamapattikanti saha vatthujjhacara apajjati asamanubhasanaya . nissaraniyanti sanghamha nissariyati . sanghadiseso .pe. tenapi vuccati sanghadisesoti. [46] Anapatti dutiyika bhikkhuni pakkanta va hoti vibbhanta va kalakata va pakkhasankanta va apadasu ummattikaya adikammikayati. ---------The Pali Tipitaka in Roman Character Volume 3 page 30-35. https://84000.org/tipitaka/read/roman_read.php?B=3&A=564&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=564&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=40&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=7 Study Atthakatha :- https://84000.org/tipitaka/attha/attha.php?b=3&i=40 The Pali Atthakatha in Thai :- https://84000.org/tipitaka/atthapali/read_th.php?B=2&A=10979 The Pali Atthakatha in Roman :- https://84000.org/tipitaka/atthapali/read_rm.php?B=2&A=10979 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]