ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī

                Kumaribhutavaggassa sattamasikkhapadam
     [423]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana   samayena  annatara
sikkhamana    thullanandam   bhikkhunim   upasankamitva   upasampadam   yaci  .
Thullananda   bhikkhuni  tam  sikkhamanam  sace  me  tvam  ayye  civaram  dassasi
evahantam   vutthapessamiti   vatva  neva  vutthapeti  na  vutthapanaya
ussukkam  karoti  .  athakho  sa sikkhamana bhikkhuninam etamattham arocesi.
Ya    ta   bhikkhuniyo   appiccha   .pe.   ta   ujjhayanti   khiyanti
vipacenti    katham   hi   nama   ayya   thullananda   sikkhamanam   sace
me   tvam   ayye   civaram   dassasi  evahantam  vutthapessamiti  vatva
neva    vutthapessati   na   vutthapanaya   ussukkam   karissatiti   .pe.
Saccam   kira   bhikkhave   thullananda   bhikkhuni   sikkhamanam  sace  me  tvam
Ayye    civaram   dassasi   evahantam   vutthapessamiti   vatva   neva
vutthapeti   na   vutthapanaya   ussukkam  karotiti  .  saccam  bhagavati .
Vigarahi   buddho   bhagava   katham   hi   nama  bhikkhave  thullananda  bhikkhuni
sikkhamanam    sace    me    tvam   ayye   civaram   dassasi   evahantam
vutthapessamiti   vatva   neva  vutthapessati  na  vutthapanaya  ussukkam
karissati   netam   bhikkhave   appasannanam  va  pasadaya  .pe.  evanca
pana bhikkhave bhikkhuniyo imam sikkhapadam uddisantu
     {423.1}  ya pana bhikkhuni sikkhamanam sace me tvam ayye civaram dassasi
evahantam   vutthapessamiti   vatva   sa  paccha  anantarayikini  neva
vutthapeyya na vutthapanaya ussukkam kareyya pacittiyanti.
     [424]   Ya  panati  ya  yadisa  .pe.  bhikkhuniti  .pe.  ayam
imasmim  atthe  adhippeta  bhikkhuniti  .  sikkhamana  nama  dve  vassani
chasu   dhammesu   sikkhitasikkha   .  sace  me  tvam  ayye  civaram  dassasi
evahantam   vutthapessamiti   evahantam   upasampadessami   .   sa
paccha   anantarayikiniti   asati  antaraye  .  neva  vutthapeyyati  na
sayam   vutthapeyya   .   na  vutthapanaya  ussukkam  kareyyati  na  annam
anapeyya    .   neva   vutthapessami   na   vutthapanaya   ussukkam
karissamiti dhuram nikkhittamatte apatti pacittiyassa.
     [425]   Anapatti   sati   antaraye   pariyesitva   na   labhati
gilanaya apadasu ummattikaya adikammikayati.



             The Pali Tipitaka in Roman Character Volume 3 page 232-233. https://84000.org/tipitaka/read/roman_read.php?B=3&A=4702&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=4702&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=3&item=423&items=3              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=105              Study Atthakatha :- https://84000.org/tipitaka/attha/attha.php?b=3&i=423              The Pali Atthakatha in Thai :- https://84000.org/tipitaka/atthapali/read_th.php?B=2&A=11817              The Pali Atthakatha in Roman :- https://84000.org/tipitaka/atthapali/read_rm.php?B=2&A=11817              Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]