|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Gabbhinivaggassa sattamasikkhapadam [388] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo @Footnote:1-2-3 Ma. etthantare vutthapetiti dissati. Paripunnadvadasavassam gihigatam dve vassani chasu dhammesu sikkhitasikkham sanghena asammatam vutthapenti . bhikkhuniyo evamahamsu etha sikkhamana imam janatha imam detha imam aharatha imina attho imam kappiyam karothati . ta evamahamsu na mayam ayye sikkhamana bhikkhuniyo mayanti . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo paripunna- dvadasavassam gihigatam dve vassani chasu dhammesu sikkhitasikkham sanghena asammatam vutthapessantiti .pe. saccam kira bhikkhave bhikkhuniyo paripunnadvadasavassam gihigatam dve vassani chasu dhammesu sikkhitasikkham sanghena asammatam vutthapentiti. Saccam bhagavati. {388.1} Vigarahi buddho bhagava katham hi nama bhikkhave bhikkhuniyo paripunnadvadasavassam gihigatam dve vassani chasu dhammesu sikkhitasikkham sanghena asammatam vutthapessanti netam bhikkhave appasannanam va pasadaya .pe. vigarahitva dhammim katham katva bhikkhu amantesi anujanami bhikkhave paripunnadvadasavassaya gihigataya dve vassani chasu dhammesu sikkhitasikkhaya vutthanasammatim datum . evanca pana bhikkhave databba . taya paripunnadvadasavassaya gihigataya dve vassani chasu dhammesu sikkhitasikkhaya sangham upasankamitva ekamsam uttarasangam karitva bhikkhuninam pade vanditva ukkutikam nisiditva anjalim paggahetva evamassa vacaniyo aham ayye itthannama Itthannamaya ayyaya paripunnadvadasavassa gihigata dve vassani chasu dhammesu sikkhitasikkha sangham vutthanasammatim yacamiti . dutiyampi yacitabba tatiyampi yacitabba . byattaya bhikkhuniya patibalaya sangho napetabbo {388.2} sunatu me ayye sangho ayam itthannama itthannamaya ayyaya paripunnadvadasavassa gihigata dve vassani chasu dhammesu sikkhitasikkha sangham vutthanasammatim yacati . yadi sanghassa pattakallam sangho itthannamaya paripunnadvadasavassaya gihigataya dve vassani chasu dhammesu sikkhitasikkhaya vutthanasammatim dadeyya. Esa natti. {388.3} Sunatu me ayye sangho ayam itthannama itthannamaya ayyaya paripunnadvadasavassa gihigata dve vassani chasu dhammesu sikkhitasikkha sangham vutthanasammatim yacati . sangho itthannamaya paripunnadvadasavassaya gihigataya dve vassani chasu dhammesu sikkhitasikkhaya vutthanasammatim deti . yassa ayyaya khamati itthannamaya paripunnadvadasavassaya gihigataya dve vassani chasu dhammesu sikkhitasikkhaya vutthanasammatiya danam sa tunhassa yassa nakkhamati sa bhaseyya. {388.4} Dinna sanghena itthannamaya paripunnadvadasavassaya gihigataya dve vassani chasu dhammesu sikkhitasikkhaya vutthanasammati . Khamati sanghassa tasma tunhi. Evametam dharayamiti. {388.5} Athakho bhagava ta bhikkhuniyo anekapariyayena vigarahitva dubbharataya .pe. evanca pana bhikkhave Bhikkhuniyo imam sikkhapadam uddisantu {388.6} ya pana bhikkhuni paripunnadvadasavassam gihigatam dve vassani chasu dhammesu sikkhitasikkham sanghena asammatam vutthapeyya pacittiyanti. [389] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . paripunnadvadasavassa nama pattadvadasavassa . gihigata nama purisantaragata vuccati . Dve vassaniti dve samvaccharani . sikkhitasikkha nama chasu dhammesu sikkhitasikkha . asammata nama nattidutiyena kammena vutthanasammati na dinna hoti . vutthapeyyati upasampadeyya . vutthapessamiti ganam va acarinim va pattam va civaram va pariyesati simam va sammannati apatti dukkatassa nattiya dukkatam dvihi kammavacahi dukkata kammavacapariyosane upajjhayaya apatti pacittiyassa ganassa ca acariniya ca apatti dukkatassa. [390] Dhammakamme dhammakammasanna vutthapeti apatti pacittiyassa . dhammakamme vematika vutthapeti apatti pacittiyassa . dhammakamme adhammakammasanna vutthapeti apatti pacittiyassa . adhammakamme dhammakammasanna apatti dukkatassa . adhammakamme vematika apatti dukkatassa . Adhammakamme adhammakammasanna apatti dukkatassa. [391] Anapatti paripunnadvadasavassam gihigatam dve vassani Chasu dhammesu sikkhitasikkham sanghena sammatam vutthapeti ummattikaya adikammikayati. ----------The Pali Tipitaka in Roman Character Volume 3 page 210-214. https://84000.org/tipitaka/read/roman_read.php?B=3&A=4262&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=4262&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=388&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=95 Study Atthakatha :- https://84000.org/tipitaka/attha/attha.php?b=3&i=388 The Pali Atthakatha in Thai :- https://84000.org/tipitaka/atthapali/read_th.php?B=2&A=11769 The Pali Atthakatha in Roman :- https://84000.org/tipitaka/atthapali/read_rm.php?B=2&A=11769 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]