PaliRoman Vol.3

Aramavaggassa dutiyasikkhapadam [334] Tena samayena buddho bhagava vesaliyam viharati mahavane kutagarasalayam . tena kho pana samayena ayasmato upalissa upajjhayo ayasma kappitako susane viharati . tena kho pana samayena chabbaggiyanam bhikkhuninam mahattara bhikkhuni kalakata ^1- hoti. Chabbaggiya bhikkhuniyo tam bhikkhunim niharitva ayasmato kappitakassa viharassa avidure tam ^2- jhapetva thupam katva gantva tasmim thupe rodanti . athakho ayasma kappitako tena saddena ubbalho tam thupam bhinditva vippakiresi ^3-. {334.1} Chabbaggiya bhikkhuniyo imina kappitakena amhakam ayyaya thupo bhinno handa nam ghatemati @Footnote: ¹ Ma. Yu. kalamkatati dissati. ² Ma. Yu. ayam patho natthi. ³ Ma. Yu. pakiresi. Mantesum . annatara bhikkhuni ayasmato upalissa etamattham arocesi . ayasma upali ayasmato kappitakassa etamattham arocesi . athakho ayasma kappitako vihara nikkhamitva nilino acchi . athakho chabbaggiya bhikkhuniyo yenayasmato kappitakassa viharo tenupasankamimsu upasankamitva ayasmato kappitakassa viharam pasanehi ca ledduhi ca ottharapetva mato kappitakoti pakkamimsu. {334.2} Athakho ayasma kappitako tassa rattiya accayena pubbanhasamayam nivasetva pattacivaramadaya vesalim pindaya pavisi . addasamsu kho chabbaggiya bhikkhuniyo ayasmantam kappitakam pindaya carantam disvana evamahamsu ayam kappitako jivati ko nu kho amhakam mantam samharatiti . assosum kho chabbaggiya bhikkhuniyo ayyena kira upalina amhakam manto samhatoti . ta ayasmantam upalim akkosimsu katham hi nama ayam kasavato malamajjano nihinajacco amhakam mantam samharissatiti . ya ta bhikkhuniyo appiccha .pe. Ta ujjhayanti khiyanti vipacenti katham hi nama chabbaggiya bhikkhuniyo ayyam upalim akkosissantiti .pe. saccam kira bhikkhave chabbaggiya bhikkhuniyo upalim akkosantiti. Saccam bhagavati. {334.3} Vigarahi buddho bhagava katham hi nama bhikkhave chabbaggiya bhikkhuniyo upalim akkosissanti netam bhikkhave appasannanam va pasadaya .pe. evanca pana Bhikkhave bhikkhuniyo imam sikkhapadam uddisantu {334.4} ya pana bhikkhuni bhikkhum akkoseyya va paribhaseyya va pacittiyanti. [335] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . bhikkhuniti upasampannam . Akkoseyya vati dasahi va akkosavatthuhi akkosati etesam va annatarena apatti pacittiyassa . paribhaseyya vati bhayam upadamseti apatti pacittiyassa. [336] Upasampanne upasampannasanna akkosati va paribhasati va apatti pacittiyassa . upasampanne vematika akkosati va paribhasati va apatti pacittiyassa . upasampanne anupasampanna- sanna akkosati va paribhasati va apatti pacittiyassa . Anupasampannam akkosati va paribhasati va apatti dukkatassa . Anupasampanne upasampannasanna apatti dukkatassa . Anupasampanne vematika apatti dukkatassa . anupasampanne anupasampannasanna apatti dukkatassa. [337] Anapatti atthapurekkharaya dhammapurekkharaya anusasanipurekkharaya ummattikaya adikammikayati. --------

The Pali Tipitaka in Roman Character Volume 3 page 181-183. https://84000.org/tipitaka/read/roman_read.php?B=3&A=3656&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3656&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=334&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=80 Study Atthakatha :- https://84000.org/tipitaka/attha/attha.php?b=3&i=334 The Pali Atthakatha in Thai :- https://84000.org/tipitaka/atthapali/read_th.php?B=2&A=11678 The Pali Atthakatha in Roman :- https://84000.org/tipitaka/atthapali/read_rm.php?B=2&A=11678 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3