|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Naggavaggassa dasamasikkhapadam [253] Tena samayena buddho bhagava savatthiyam viharati jetavane anathapindikassa arame . tena kho pana samayena annatarena upasakena sangham uddissa viharo karapito hoti. So tassa viharassa mahe ubhatosanghassa akalacivaram datukamo hoti . tena kho pana samayena ubhatosanghassa kathinam atthatam hoti . athakho so upasako sangham upasankamitva kathinuddharam yaci. Bhagavato etamattham arocesum. {253.1} Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave kathinam uddharitum evanca pana bhikkhave kathinam uddharitabbam . byattena bhikkhuna patibalena sangho napetabbo sunatu me bhante sangho yadi sanghassa pattakallam sangho kathinam uddhareyya . esa natti . sunatu me bhante sangho sangho kathinam uddharati . yassayasmato khamati kathinassa uddharo so tunhassa yassa nakkhamati so bhaseyya . uddhatam sanghena kathinam. Khamati sanghassa tasma tunhi. Evametam dharayamiti. [254] Athakho so upasako bhikkhunisangham upasankamitva kathinuddharam yaci . thullananda bhikkhuni civaram amhakam bhavissatiti kathinuddharam patibahi . athakho so upasako ujjhayati khiyati vipaceti katham hi nama bhikkhuniyo amhakam kathinuddharam na dassantiti . assosum--------------------------------------------------------------------------------------------- page146.
Kho bhikkhuniyo tassa upasakassa ujjhayantassa khiyantassa vipacentassa . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda dhammikam kathinuddharam patibahissatiti .pe. saccam kira bhikkhave thullananda bhikkhuni dhammikam kathinuddharam patibahatiti. Saccam bhagavati. {254.1} Vigarahi buddho bhagava katham hi nama bhikkhave thullananda bhikkhuni dhammikam kathinuddharam patibahissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {254.2} ya pana bhikkhuni dhammikam kathinuddharam patibaheyya pacittiyanti. [255] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . dhammiko nama kathinuddharo samaggo bhikkhunisangho sannipatitva uddharati . patibaheyyati katham idam kathinam uddhareyyati patibahati apatti pacittiyassa. [256] Dhammike dhammikasanna patibahati apatti pacittiyassa . dhammike vematika patibahati apatti dukkatassa . Dhammike adhammikasanna patibahati anapatti . adhammike dhammikasanna apatti dukkatassa . adhammike vematika apatti dukkatassa. Adhammike adhammikasanna anapatti. [257] Anapatti anisamsam dassetva patibahati ummattikaya--------------------------------------------------------------------------------------------- page147.
Adikammikayati. Naggavaggo tatiyo. --------The Pali Tipitaka in Roman Character Volume 3 page 145-147. https://84000.org/tipitaka/read/roman_read.php?B=3&A=2906&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2906&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=253&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=58 Study Atthakatha :- https://84000.org/tipitaka/attha/attha.php?b=3&i=253 The Pali Atthakatha in Thai :- https://84000.org/tipitaka/atthapali/read_th.php?B=2&A=11525 The Pali Atthakatha in Roman :- https://84000.org/tipitaka/atthapali/read_rm.php?B=2&A=11525 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]