|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Tatiyaparajikam [18] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni samaggena sanghena ukkhittam arittham bhikkhum gandhabadhipubbam 1- anuvattati. Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda samaggena sanghena ukkhittam arittham bhikkhum gandhabadhipubbam anuvattissatiti .pe. Saccam kira bhikkhave thullananda bhikkhuni samaggena sanghena ukkhittam arittham gandhabadhipubbam anuvattatiti . saccam bhagavati . vigarahi buddho bhagava katham hi nama bhikkhave thullananda bhikkhuni samaggena sanghena ukkhittam arittham gandhabadhipubbam anuvattissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {18.1} ya pana bhikkhuni samaggena sanghena ukkhittam bhikkhum dhammena vinayena satthusasanena anadaram appatikaram akatasahayam tamanuvatteyya sa bhikkhuni bhikkhunihi evamassa vacaniya eso kho ayye bhikkhu samaggena sanghena ukkhitto dhammena vinayena satthusasanena anadaro appatikaro akatasahayo mayye etam bhikkhum anuvattiti evanca sa bhikkhuni bhikkhunihi vuccamana tatheva pagganheyya sa bhikkhuni bhikkhunihi @Footnote: 1 Ma. Yu. gaddhabadhipubbam. sabbattha evam natabbam.--------------------------------------------------------------------------------------------- page16.
Yavatatiyam samanubhasitabba tassa patinissaggaya yavatatiyance samanubhasiyamana tam patinissajjeyya iccetam kusalam no ce patinissajjeyya ayampi parajika hoti asamvasa ukkhittanuvattikati. [19] Ya panati ya yadisa .pe. Ayam imasmim atthe adhippeta bhikkhuniti . samaggo nama sangho samanasamvasako samanasimayam thito . ukkhitto nama apattiya adassane 1- va appatikamme 2- va appatinissagge 3- va ukkhitto . dhammena vinayenati yena dhammena yena vinayena . satthusasanenati jinasasanena buddhasasanena. Anadaro nama sangham va [4]- puggalam va kammam va nadiyati . Appatikaro nama ukkhitto anosarito . akatasahayo nama samanasamvasaka bhikkhu vuccanti sahaya so tehi saddhim natthi tena vuccati akatasahayoti . tamanuvatteyyati yamditthiko so 5- hoti yamkhantiko yamruciko sapi tamditthika hoti tamkhantika tamrucika. [20] Sa bhikkhuniti ya sa ukkhittanuvattika bhikkhuni. Bhikkhunihiti annahi bhikkhunihi . ya passanti ya sunanti tahi vattabba eso kho ayye bhikkhu samaggena sanghena ukkhitto dhammena vinayena satthusasanena anadaro appatikaro akatasahayo mayye etam @Footnote:1-2-3 marammayuropiyapotthakesu ime patha tatiyavibhattivasena kata. @4 Ma. Yu. ganam va. 5 so yamditthikoti evam kammena bhavitabbam.--------------------------------------------------------------------------------------------- page17.
Bhikkhum anuvattiti . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa . sa bhikkhuni sanghamajjhampi akaddhitva vattabba eso kho ayye bhikkhu samaggena sanghena ukkhitto dhammena vinayena satthusasanena anadaro appatikaro akatasahayo mayye etam bhikkhum anuvattiti . dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa. [21] Sa bhikkhuni samanubhasitabba . evanca pana bhikkhave samanubhasitabba. Byattaya bhikkhuniya patibalaya sangho napetabbo {21.1} sunatu me ayye sangho ayam itthannama bhikkhuni samaggena sanghena ukkhittam bhikkhum dhammena vinayena satthusasanena anadaram appatikaram akatasahayam tamanuvattati sa tam vatthum nappatinissajjati . yadi sanghassa pattakaslam sangho itthannamam bhikkhunim samanubhaseyya tassa vatthussa patinissaggaya. Esa natti. {21.2} Sunatu me ayye sangho ayam itthannama bhikkhuni samaggena sanghena ukkhittam bhikkhum dhammena vinayena satthusasanena anadaram appatikaram akatasahayam tamanuvattati sa tam vatthum nappatinissajjati. Sangho itthannamam bhikkhunim samanubhasati tassa vatthussa patinissaggaya . yassa ayyaya khamati itthannamaya bhikkhuniya samanubhasana tassa vatthussa patinissaggaya sa tunhassa--------------------------------------------------------------------------------------------- page18.
Yassa nakkhamati sa bhaseyya. {21.3} Dutiyampi etamattham vadami .pe. tatiyampi etamattham vadami .pe. samanubhattha sanghena itthannama bhikkhuni tassa vatthussa patinissaggaya . khamati sanghassa tasma tunhi . evametam dharayamiti. [22] Nattiya dukkatam dvihi kammavacahi thullaccaya kammavacapariyosane apatti parajikassa. [23] Ayampiti purimayo upadaya vuccati . parajika hotiti seyyathapi nama puthusila dvedha bhinna appatisandhika hoti evameva bhikkhuni yavatatiyam samanubhasiyamana appatinissajjanti assamani hoti asakyadhita tena vuccati parajika hotiti . Asamvasati samvaso nama ekakammam ekuddeso samasikkhata eso samvaso nama so taya saddhim natthi tena vuccati asamvasati. [24] Dhammakamme dhammakammasanna nappatinissajjati apatti parajikassa . dhammakamme vematika nappatinissajjati apatti parajikassa . dhammakamme adhammakammasanna nappatinissajjati apatti parajikassa . adhammakamme dhammakammasanna apatti dukkatassa . adhammakamme vematika apatti dukkatassa . adhammakamme adhammakammasanna apatti dukkatassa. [25] Anapatti asamanubhasantiya patinissajjantiya ummattikaya adikammikayati. Tatiyaparajikam nitthitam.The Pali Tipitaka in Roman Character Volume 3 page 15-18. https://84000.org/tipitaka/read/roman_read.php?B=3&A=258&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=258&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=18&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=3 Study Atthakatha :- https://84000.org/tipitaka/attha/attha.php?b=3&i=18 The Pali Atthakatha in Thai :- https://84000.org/tipitaka/atthapali/read_th.php?B=2&A=10789 The Pali Atthakatha in Roman :- https://84000.org/tipitaka/atthapali/read_rm.php?B=2&A=10789 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]