|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Pattavaggassa sattamasikkhapadam [122] Tena samayena buddho bhagava savatthiyam viharati jetavane anathapindikassa arame . tena kho pana samayena upasaka bhikkhunisanghassa civaratthaya chandakam sangharitva annatarassa pavarikassa ghare parikkharam nikkhipitva bhikkhuniyo upasankamitva etadavocum amukassa ayye pavarikassa ghare civaratthaya parikkharo nikkhitto tato civaram aharapetva bhajethati . bhikkhuniyo tena ca parikkharena sayampi yacitva bhesajjam cetapetva paribhunjimsu . upasaka janitva ujjhayanti khiyanti vipacenti katham hi nama bhikkhuniyo annadatthikena parikkharena annuddisikena sanghikena sannacikena annam cetapessantiti. {122.1} Assosum kho bhikkhuniyo tesam upasakanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo annadatthikena parikkharena annuddisikena sanghikena sannacikena annam cetapessantiti .pe. Saccam kira bhikkhave bhikkhuniyo annadatthikena parikkharena annuddisikena sanghikena sannacikena annam cetapentiti . saccam bhagavati . Vigarahi buddho bhagava katham hi nama bhikkhave bhikkhuniyo annadatthikena parikkharena annuddisikena sanghikena sannacikena annam cetapessanti netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {122.2} ya pana bhikkhuni annadatthikena parikkharena annuddisikena sanghikena sannacikena annam cetapeyya nissaggiyam pacittiyanti. [123] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . annadatthikena parikkharena annuddisikenati annassatthaya dinnena . sanghikenati sanghassatthaya na ganassa na ekabhikkhuniya . sannacikenati sayam yacitva . annam cetapeyyati yam atthaya dinnam tam thapetva annam cetapeti payoge dukkatam patilabhena nissaggiyam hoti nissajjitabbam sanghassa va ganassa va ekabhikkhuniya va . evanca pana bhikkhave nissajjitabbam .pe. idam me ayye annadatthikena parikkharena annuddisikena sanghikena sannacikena annam cetapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayyaya dammiti. [124] Annadatthike annadatthikasanna annam cetapeti nissaggiyam pacittiyam . annadatthike vematika annam cetapeti nissaggiyam pacittiyam . annadatthike anannadatthikasanna annam Cetapeti nissaggiyam pacittiyam . nissattham patilabhitva yathadane upanetabbam . anannadatthike annadatthikasanna apatti dukkatassa . anannasadatthike vematika apatti dukkatassa . Anannadatthike anannadatthikasanna anapatti. [125] Anapatti sesakam upaneti samike apaloketva upaneti apadasu ummattikaya adikammikayati. ----------The Pali Tipitaka in Roman Character Volume 3 page 80-82. https://84000.org/tipitaka/read/roman_read.php?B=3&A=1583&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1583&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=122&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=22 Study Atthakatha :- https://84000.org/tipitaka/attha/attha.php?b=3&i=122 The Pali Atthakatha in Thai :- https://84000.org/tipitaka/atthapali/read_th.php?B=2&A=11187 The Pali Atthakatha in Roman :- https://84000.org/tipitaka/atthapali/read_rm.php?B=2&A=11187 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]