บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Pattavaggassa catutthasikkhapadam [110] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni gilana hoti . athakho annataro upasako yena thullananda bhikkhuni tenupasankami upasankamitva thullanandam bhikkhunim etadavoca kinte ayye aphasu kim ahariyatuti . sappina me avuso atthoti . athakho so upasako annatarassa apanikassa ghara kahapanassa sappim aharitva thullanandaya bhikkhuniya adasi . thullananda bhikkhuni evamaha 1- na me avuso sappina attho telena me atthoti . athakho so upasako yena so apaniko tenupasankami upasankamitva tam apanikam etadavoca na kirayya 2- ayyaya sappina attho telena attho handa te sappim telam me dehiti . sace mayam ayya 3- vikkitam @Footnote: 1 Ma. Yu. idam padadvayam na dissati. 2 Ma. Yu. kirayyo. 3 Ma. Yu. ayyo.--------------------------------------------------------------------------------------------- page74.
Bhandam puna adiyissama 1- kada amhakam bhandam vikkayissati sappissa kayena sappi hatam telassa kayam ahara telam harissasiti . Athakho so upasako ujjhayati khiyati vipaceti katham hi nama ayya thullananda annam vinnapetva annam vinnapessatiti. {110.1} Assosum kho bhikkhuniyo tassa upasakassa ujjhayantassa khiyantassa vipacentassa . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda annam vinnapetva annam vinnapessatiti . athakho ta bhikkhuniyo bhikkhunam etamattham arocesum . bhikkhu bhagavato etamattham arocesum .pe. saccam kira bhikkhave thullananda bhikkhuni annam vinnapetva annam vinnapetiti 2- . saccam bhagavati . Vigarahi buddho bhagava katham hi nama bhikkhave thullananda bhikkhuni annam vinnapetva annam vinnapessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {110.2} ya pana bhikkhuni annam vinnapetva annam vinnapeyya nissaggiyam pacittiyanti. [111] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . annam vinnapetvati yankinci vinnapetva . annam vinnapeyyati tam thapetva annam vinnapeti payoge dukkatam patilabhena nissaggiyam hoti nissajjitabbam @Footnote: 1 Ma. Yu. aharissamati patho dissati. 2 Ma. Yu. vinnapesiti patho dissati.--------------------------------------------------------------------------------------------- page75.
Sanghassa va ganassa va ekabhikkhuniya va . evanca pana bhikkhave nissajjitabbam .pe. idam me ayye annam vinnapetva annam vinnapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayyaya dammiti. [112] Anne annasanna annam vinnapeti nissaggiyam pacittiyam . anne vematika annam vinnapeti nissaggiyam pacittiyam . anne anannasanna annam vinnapeti nissaggiyam pacittiyam . ananne annasanna [1]- apatti dukkatassa . Ananne vematika [2]- apatti dukkatassa. Ananne anannasanna anapatti. [113] Anapatti tanceva vinnapeti annanca vinnapeti anisamsam dassetva vinnapeti ummattikaya adikammikayati. ----------The Pali Tipitaka in Roman Character Volume 3 page 73-75. https://84000.org/tipitaka/read/roman_read.php?B=3&A=1442&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1442&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=110&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=19 Study Atthakatha :- https://84000.org/tipitaka/attha/attha.php?b=3&i=110 The Pali Atthakatha in Thai :- https://84000.org/tipitaka/atthapali/read_th.php?B=2&A=11154 The Pali Atthakatha in Roman :- https://84000.org/tipitaka/atthapali/read_rm.php?B=2&A=11154 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]