|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
4 Cullasuvakarājajātakaṃ [1236] Santi rukkhā haritapattā 2- dumānekaphalā bahū kasmā nu sukkhe koḷāpe suvassa nirato mano. [1237] Phalassa upabhuñjimhā nekavassagaṇe bahū aphalampi viditvāna sāva mitti 3- yathā pure. [1238] Sukkhañca rukkhakoḷāpaṃ opattamaphalaṃ dumaṃ ohāya sakuṇā yanti kiṃ dosaṃ maññase 4- dija. @Footnote: 1 Sī. Ma. suvassa ca varaṃ datvā. evamuparipi . 2 Ma. haripattā . 3 Ma. metti. @4 Ma. passase. [1239] Ye phalatthā sambhajanti aphaloti jahanti naṃ attatthapaññā dummedhā te honti pakkhapātino. [1240] Sādhu pakkhi kataṃ hoti mitti 1- saṃsati santhavo sacetaṃ dhamma rocesi pāsaṃsosi vijānataṃ. [1241] So te suva varaṃ dammi pattayāna vihaṅgama varaṃ varassu vaṅkaṅga yaṅkiñci manasicchasi. [1242] Api nāma naṃ puna passe 2- sapattaṃ saphalaṃ dumaṃ daliddova nidhiṃ laddhā nandeyyāhaṃ punappunaṃ. [1243] Tato amatamādāya abhisiñci mahīruhaṃ tassa sākhā virūhiṃsu sītacchāyā manoramā. [1244] Evaṃ sakka sukhī hohi saha sabbehi ñātibhi yathāhamajja sukhito disvāna saphalaṃ dumaṃ. [1245] Suvassa vacanaṃ sutvā katvāna saphalaṃ dumaṃ pakkāmi saha bhariyāya devānaṃ nandanaṃ vananti. Cullasuvakarājajātakaṃ catutthaṃ. -----------The Pali Tipitaka in Roman Character Volume 27 page 257-258. https://84000.org/tipitaka/read/roman_read.php?B=27&A=5239 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=5239 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1236&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=430 Study Atthakatha :- https://84000.org/tipitaka/attha/attha.php?b=27&i=1236 The Pali Atthakatha in Thai :- https://84000.org/tipitaka/atthapali/read_th.php?B=39&A=7165 The Pali Atthakatha in Roman :- https://84000.org/tipitaka/atthapali/read_rm.php?B=39&A=7165 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]