บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
4 Uragajātakaṃ [717] Uragova tacaṃ jiṇṇaṃ hitvā gacchati santanuṃ evaṃ sarīre nibbhoge pete kālakate sati dayhamāno na jānāti ñātīnaṃ paridevitaṃ tasmā etaṃ na socāmi gato so tassa yā gati. [718] Anabbhito 4- tato āgā nānuññāto 5- ito gato yathāgato tathā gato tattha kā paridevanā dayhamāno na jānāti ñātīnaṃ paridevitaṃ tasmā etaṃ na socāmi gato so tassa yā gati. [719] Sace rode kīsā 6- assaṃ tassā me kiṃ phalaṃ siyā @Footnote: 1 Ma. candanasārānulitte. 2 Ma. sāmā ca kho candanalittagattā. @3 Sī. Ma. laṭṭhīva. 4 Sī. anavhāto. Ma. anavhito. 5 Ma. ananuññāto. @6 Ma. kisā. Yu. kisī. Ñātimittasuhajjānaṃ bhiyyo no aratī siyā dayhamāno na jānāti ñātīnaṃ paridevitaṃ tasmā etaṃ na socāmi gato so tassa yā gati. [720] Yathāpi dārako candaṃ gacchantaṃ anurodati evaṃ sampadamevetaṃ yo petamanusocati dayhamāno na jānāti ñātīnaṃ paridevitaṃ tasmā etaṃ na socāmi gato so tassa yā gati. [721] Yathāpi udakakumbho bhinno appaṭisandhiyo evaṃ sampadamevetaṃ yo petamanusocati dayhamāno na jānāti ñātīnaṃ paridevitaṃ tasmā etaṃ na socāmi gato so tassa yā gatīti. Uragajātakaṃ catutthaṃ. ---------The Pali Tipitaka in Roman Character Volume 27 page 167-168. https://84000.org/tipitaka/read/roman_read.php?B=27&A=3373 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=3373 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=717&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=354 Study Atthakatha :- https://84000.org/tipitaka/attha/attha.php?b=27&i=717 The Pali Atthakatha in Thai :- https://84000.org/tipitaka/atthapali/read_th.php?B=38&A=8935 The Pali Atthakatha in Roman :- https://84000.org/tipitaka/atthapali/read_rm.php?B=38&A=8935 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]