|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
Suttanipate tatiyassa mahavaggassa sattamam selasuttam [373] 7 Evamme sutam . ekam samayam bhagava anguttarapesu carikam caramano mahata bhikkhusanghena saddhim addhaterasehi 1- bhikkhusatehi yena apanam nama anguttarapanam nigamo tadavasari . @Footnote: 1 ayam patho addhatelasaitipi addhatelasaitipi valanjiyati.--------------------------------------------------------------------------------------------- page438.
Assosi kho keniyo jatilo samano khalu bho gotamo sakyaputto sakyakula pabbajito anguttarapesu carikam caramano mahata bhikkhusanghena saddhim addhaterasehi bhikkhusatehi apanam anuppatto . tam kho pana bhavantam gotamam evam kalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava 1- so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. {373.1} Atha kho keniyo jatilo yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinnam kho keniyam jatilam bhagava dhammiya kathaya sandassesi samadapesi samuttejesi sampahamsesi. Atha kho keniyo jatilo bhagavata dhammiya kathaya sandassito samadapito samuttejito sampahamsito bhagavantam etadavoca adhivasetu me bhavam gotamo svatanaya bhattam saddhim bhikkhusanghenati. [374] Evam vutte bhagava keniyam jatilam etadavoca maha kho keniya bhikkhusangho addhaterasani bhikkhusatani tvanca [2]- @Footnote: 1 Ma. bhagavati . 2 Yu. kho.--------------------------------------------------------------------------------------------- page439.
Brahmanesu abhippasannoti . dutiyampi kho keniyo jatilo bhagavantam etadavoca kincapi bho gotama maha bhikkhusangho addhaterasani bhikkhusatani ahanca brahmanesu abhippasanno adhivasetu me bhavam gotamo svatanaya bhattam saddhim bhikkhusanghenati . dutiyampi kho bhagava keniyam jatilam etadavoca maha kho keniya bhikkhusangho addhaterasani bhikkhusatani tvanca brahmanesu abhippasannoti. {374.1} Tatiyampi kho keniyo jatilo bhagavantam etadavoca kincapi bho gotama maha bhikkhusangho addhaterasani bhikkhusatani ahanca brahmanesu abhippasanno adhivasetu me bhavam gotamo svatanaya bhattam saddhim bhikkhusanghenati . adhivasesi bhagava tunhibhavena . atha kho keniyo jatilo bhagavato adhivasanam viditva utthayasana yena sako assamo tenupasankami upasankamitva mittamacce natisalohite amantesi sunantu me bhonto 1- mittamacca natisalohita samano me gotamo nimantito svatanaya bhattam saddhim bhikkhusanghena yena me kayaveyyavatikam kareyyathati . evam bhoti kho keniyassa jatilassa mittamacca natisalohita keniyassa jatilassa patissutva appekacce uddhanani khananti appekacce katthani phalenti appekacce bhajanani dhovanti appekacce udakamanikam patitthapenti appekacce asanani pannapenti . keniyo pana jatilo samam yeva @Footnote: 1 Po. Ma. bhavanto.--------------------------------------------------------------------------------------------- page440.
Mandalamalam patiyadeti. [375] Tena kho pana samayena selo brahmano apane pativasati tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayo tini ca manavakasatani mante vaceti . tena kho pana samayena keniyo jatilo sele brahmane abhippasanno hoti . Atha kho selo brahmano tihi manavakasatehi parivuto janghaviharam anucankamamano anuvicaramano yena keniyassa jatilassa assamo tenupasankami. {375.1} Addasa kho selo brahmano keniyassa 1- jatilassa assame appekacce uddhanani khanante .pe. appekacce asanani pannapente keniyam pana jatilam samam yeva mandalamalam patiyadentam disvana keniyam jatilam etadavoca kim nu kho bhoto keniyassa avaho va bhavissati vivaho va bhavissati mahayanno va paccupatthito raja va magadho seniyo bimbisaro nimantito svatanaya saddhim balakayenati. {375.2} Na me bho sela avaho va bhavissati napi 2- vivaho bhavissati napi raja magadho seniyo bimbisaro nimantito svatanaya saddhim balakayena . api ca kho me mahayanno paccupatthito atthi samano gotamo sakyaputto sakyakula pabbajito anguttarapesu carikam caramano mahata bhikkhusanghena saddhim @Footnote: 1 Yu. keniyassamiye jatile . 2 Po. Ma. vivaho va napi raja.--------------------------------------------------------------------------------------------- page441.
Addhaterasehi bhikkhusatehi apanam anuppatto tam kho pana bhavantam gotamam evam kalyano kittisaddo abbhuggato itipi so bhagava .pe. buddho bhagavati . so me nimantito svatanaya bhattam saddhim bhikkhusanghenati . buddhoti bho keniya vadesi . buddhoti bho sela vadami . buddhoti bho keniya vadesi . buddhoti bho sela vadamiti. {375.3} Atha kho selassa brahmanassa etadahosi ghosopi kho eso dullabho lokasmim yadidam buddhoti . agatani kho pana asmakam 1- mantesu dvattimsa 2- mahapurisalakkhanani yehi samannagatassa mahapurisassa dveva gatiyo bhavanti ananna sace agaram ajjhavasati raja hoti cakkavatti dhammiko dhammaraja caturanto vijitavi janapadatthavariyappatto sattaratanasamannagato tassimani sattaratanani bhavanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam . parosahassam kho panassa putta bhavanti 3- sura virangarupa parasenappamaddana . so imam pathavim sagarapariyantam adandena asatthena dhammena abhivijiya ajjhavasati . sace kho pana agarasma anagariyam pabbajati araham hoti sammasambuddho loke vivatacchado 4- . kaham pana bho keniya etarahi so bhavam gotamo @Footnote: 1 Po. panasmakam. Ma. panamhakam. 2 battimsatipi patho. 3 Po. santi. @4 itisaddo idha bhavitum vattati.--------------------------------------------------------------------------------------------- page442.
Viharati araham sammasambuddhoti. [376] Evam vutte keniyo jatilo dakkhinam baham 1- paggahetva selam brahmanam etadavoca yenesa bho sela nilavanarajiti . Atha kho selo brahmano tihi manavakasatehi saddhim yena bhagava tenupasankami . atha kho selo brahmano te manavake amantesi appasadda bhonto agacchantu pade padam nikkhipanta durasada hi te bhavanto 2- sihava ekacara yada caham bho samanena gotamena saddhim manteyyam ma me bhonto antarantara katham opatetha kathapariyosanam me bhavanto agamentuti. {376.1} Atha kho selo brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho selo brahmano bhagavato kaye dvattimsa mahapurisalakkhanani sammannesi . addasa kho selo brahmano bhagavato kaye dvattimsa mahapurisalakkhanani yebhuyyena thapetva dve dvisu mahapurisalakkhanesu kankhati vicikicchati nadhimuccati na sampasidati kosohite ca vatthaguyhe pahutajivhataya ca 3-. {376.2} Atha kho bhagavato etadahosi passati kho me ayam selo brahmano dvattimsa mahapurisalakkhanani yebhuyyena thapetva dve dvisu mahapurisalakkhanesu kankhati vicikicchati nadhimuccati na sampasidati kosohite ca vatthaguyhe @Footnote: 1 Po. Ma. bahum. 2 Ma. Yu. bhagavanto. 3 Po. Ma. cati.--------------------------------------------------------------------------------------------- page443.
Pahutajivhataya cati . atha kho bhagava tatharupam iddhabhisankharam abhisankharesi 1- yatha addasa selo brahmano bhagavato kosohitam vatthaguyham . atha kho bhagava jivham ninnametva ubhopi kannasotani anumasi patimasi ubhopi nasikasotani anumasi patimasi kevalampi nalatamandalam jivhaya chadesi. {376.3} Atha kho selassa brahmanassa etadahosi samannagato kho samano gotamo dvattimsaya 2- mahapurisalakkhanehi paripunnehi no aparipunnehi no ca kho nam janami buddho va no va. Sutam kho panetam 3- brahmananam vuddhanam mahallakanam acariyapacariyanam bhasamananam ye te bhagavanto 4- arahanto sammasambuddha te sake vanne bhannamane attanam patukarontiti yannunaham samanam gotamam sammukha saruppahi gathahi abhitthaveyyanti . atha kho selo brahmano bhagavantam sammukha saruppahi gathahi abhitthavi |376.975| paripunnakayo suruci sujato carudassano suvannavannosi bhagava susukkadadhosi 5- viriyava |376.976| narassa hi sujatassa ye bhavanti viyanjana sabbe te tava kayasmim mahapurisalakkhana. |376.977| Pasannanetto sumukho braha uju patapava @Footnote: 1 Ma. Yu. abhisamkhasi. 2 Po. Ma. Yu. dvattimsamahapurisalakkhanehi. 3 Ma. Yu. @pana metam . 4 Ma. Yu. bhavanti. 5 susukkadathositipi.--------------------------------------------------------------------------------------------- page444.
Majjhe samanasanghassa adiccova virocasi. |376.978| Kalyanadassano bhikkhu kancanasannibhataco 1- kinte samanabhavena evam uttamavannino. |376.979| Raja arahasi bhavitum cakkavatti rathesabho caturanto vijitavi jambusandassa issaro |376.980| khattiya bhojarajano 2- anuyanta 3- bhavanti te rajabhiraja manujindo rajjam karehi gotama. [377] |377.981| Rajahamasmi sela (ti bhagava) dhammaraja anuttaro dhammena cakkam vattemi cakkam appativattiyam. |377.982| Sambuddho patijanasi (iti selo brahmano) dhammaraja anuttaro dhammena cakkam vattemi iti bhasasi gotama |377.983| ko nu senapati bhoto savako satthuranvayo 4- ko te imam anuvatteti 5- dhammacakkam pavattitam. |377.984| Maya pavattitam cakkam (lesati bhagava) dhammacakkam anuttaram sariputto anuvatteti anujato tathagatam. |377.985| Abhinneyyam abhinnatam bhavetabbanca bhavitam pahatabbam pahinamme tasma buddhosmi brahmana |377.986| vinayassu mayi kankham adhimuncassu 6- brahmana dullabham dassanam hoti sambuddhanam abhinhaso. @Footnote: 1 Po. Ma. Yu. kancana ... . 2 Po. bhoga .... Ma. bhogi ... . 3 Yu. @anuyutta. 4 Yu. satthadanvayo. 5 Po. ko te mam anuvattati. Ma. ... @tamanuvatteti. 6 Po. Ma. Yu. adhimuccassu.--------------------------------------------------------------------------------------------- page445.
|377.987| Yassa 1- ve dullabho loke patubhavo abhinhaso soham brahmana sambuddho sallakatto anuttaro. |377.988| Brahmabhuto atitulo marasenappamaddano sabbamitte vasikatva modami akutobhayo. |377.989| Imam bhonto 2- nisametha yatha bhasati cakkhuma sallakatto mahaviro sihova nadati vane. |377.990| Brahmabhutam atitulam marasenappamaddanam ko disva nappasideyya api kanhabhijatiko. |377.991| Yo mam icchati anvetu yo va nicchati gacchatu idhaham pabbajissami varapannassa santike. |377.992| Evam ce 3- ruccati bhoto sammasambuddhasasanam 4- mayampi pabbajissama varapannassa santike. |377.993| Brahmana tisata ime yacanti panjalikata brahmacariyam carissama bhagava tava santike. |377.994| Svakkhatam brahmacariyam (selati bhagava) sanditthikam akalikam yattha amogha pabbajja appamattassa sikkhatoti. [378] Alattha kho selo brahmano sapariso bhagavato santike pabbajjam alattha upasampadam . atha kho keniyo jatilo @Footnote: 1 Po. yo sa ve ... Ma. yesam ve ... Yu. yesam ve. 2 Ma. bhavanto. @3 Yu. etance. 4 Po. Ma. .. sasane.--------------------------------------------------------------------------------------------- page446.
Tassa rattiya accayena sake assame panitam khadaniyam bhojaniyam patiyadapetva bhagavato kalam arocapesi kalo bho gotama nitthitam bhattanti . atha kho bhagava pubbanhasamayam nivasetva pattacivaramadaya yena keniyassa jatilassa assamo tenupasankami upasankamitva pannatte asane nisidi saddhim bhikkhusanghena. {378.1} Atha kho keniyo jatilo buddhappamukham bhikkhusangham panitena khadaniyena bhojaniyena sahattha santappesi sampavaresi . atha kho keniyo jatilo bhagavantam bhuttavim onitapattapanim annataram nicam asanam gahetva ekamantam nisidi . ekamantam nisinnam kho keniyam jatilam bhagava imahi gathahi anumodi |378.995| aggihutam mukha yanna savitti chandaso mukham raja mukham manussanam nadinam sagaro mukham. |378.996| Nakkhattanam mukham cando adicco tapatam mukham punnamakankhamananam sangho ve yajatam mukhanti. [379] Atha kho bhagava keniyam jatilam imahi gathahi anumoditva utthayasana pakkami . atha kho ayasma selo sapariso eko vupakattho appamatto atapi pahitatto viharanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam--------------------------------------------------------------------------------------------- page447.
Brahmacariyam katam karaniyam naparam itthattayati abbhannasi . Annataro kho panayasma selo sapariso arahatam ahosi . atha kho ayasma selo sapariso yena bhagava tenupasankami upasankamitva ekamsam civaram katva yena bhagava tenanjalimpanametva bhagavantam gathaya 1- ajjhabhasi |379.997| yantam saranamagamma 2- ito atthami cakkhuma 3- sattarattena bhagava dantamha 4- tava sasane. |379.998| Tuvam buddho tuvam sattha tuvam marabhibhu muni tuvam anusaye 5- chetva tinno taresimam pajam |379.999| upadhi te samatikkanta asava te padalita sihosi anupadano pahinabhayabheravo |379.1000| bhikkhavo tisata ime titthanti panjalikata pade vira pasarehi naga vandantu satthunoti. Selasuttam sattamam. ------------The Pali Tipitaka in Roman Character Volume 25 page 437-447. https://84000.org/tipitaka/read/roman_read.php?B=25&A=9075&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=9075&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=373&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=260 Study Atthakatha :- https://84000.org/tipitaka/attha/attha.php?b=25&i=373 The Pali Atthakatha in Thai :- https://84000.org/tipitaka/atthapali/read_th.php?B=29&A=5919 The Pali Atthakatha in Roman :- https://84000.org/tipitaka/atthapali/read_rm.php?B=29&A=5919 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]