PaliRoman Vol.25

Suttanipate uragavaggassa sattamam vasalasuttam [305] ⁷ Evamme sutam . ekam samayam bhagava savatthiyam viharati jetavane anathapindikassa arame . atha kho bhagava pubbanhasamayam nivasetva pattacivaramadaya savatthim pindaya pavisi . Tena kho pana samayena aggikabharadvajassa brahmanassa nivesane aggi pajjalito hoti ahuti ^1- paggahita . atha kho bhagava savatthiyam sapadanam pindaya caramano yena aggikabharadvajassa brahmanassa nivesanam tenupasankami . addasa kho aggikabharadvajo brahmano bhagavantam durato va agacchantam disvana bhagavantam etadavoca atreva ^2- mundaka atreva ^2- samanaka atreva ^2- vasalaka titthahiti. {305.1} Evam vutte bhagava aggikabharadvajam brahmanam etadavoca janasi pana tvam brahmana vasalam va vasalakarane va dhammeti . na khvaham bho gotama janami vasalam va vasalakarane va dhamme sadhu me bhavam gotamo tatha dhammam desetu yathaham janeyyam vasalam va vasalakarane va dhammeti . tena hi brahmana sunahi ^3- sadhukam manasikarohi bhasissamiti . evam bhoti kho aggikabharadvajo brahmano bhagavato paccassosi. Bhagava etadavoca [306] |306.539| Kodhano upanahi ca papamakkhi ca yo naro @Footnote: ¹ Po. Ma. ahuti. ² Ma. Yu. taterava . ³ Po. sunohi. Vipannaditthi mayavi tam janna vasalo iti. 1 |306.540| Ekajam va dvijam ^1- vapi yodha panam vihimsati yassa pane daya natthi tam janna vasalo iti. 2 |306.541| Yo hanti uparundheti ^2- gamani nigamani ca niggahako samannato tam janna vasalo iti. 3 |306.542| Game va yadi varanne yam paresam mamayitam theyya adinnam aneti ^3- tam janna vasalo iti. 4 |306.543| Yo have inamadaya bhunjamano palayati na hi te inamatthiti tam janna vasalo iti. 5 |306.544| Yo ve kincikkhakamyata panthasmim vajatam janam hanta kincikkhamadeti tam janna vasalo iti. 6 |306.545| Yo attahetu parahetu dhanahetu ca yo naro sakkhiputtho musa bruti tam janna vasalo iti. 7 |306.546| Yo natinam sakhinam va daresu patidissati sahasa ^4- sampiyena va tam janna vasalo iti. 8 |306.547| Yo mataram va pitaram va jinnakam gatayobbanam pahusanto na bharati tam janna vasalo iti. 9 |306.548| Yo mataram va pitaram va bhataram bhaginim sasum ^5- hanti roseti vacaya tam janna vasalo iti. 10 |306.549| Yo attham pucchito santo anatthamanusasati @Footnote: ¹ Yu. dijam. ² Ma. Yu. parirundhati. Po. uparundhati. ³ Ma. adinnamaneti. @Yu. adinnam adiyati. ⁴ Ma. sahasa . ⁵ Po. sakhim. Paticchannena manteti tam janna vasalo iti. 11 |306.550| Yo katva papakam kammam ma mam jannati icchati yo paticchannakammanto tam janna vasalo iti. 12 |306.551| Yo ve parakulam gantva bhutva ^1- ca sucibhojanam agatam nappatipujeti tam janna vasalo iti. 13 |306.552| Yo brahmanam va samanam va annam vapi vanibbakam musavadena vanceti tam janna vasalo iti. 14 |306.553| Yo brahmanam va samanam va bhattakale upatthite roseti vaca na ca deti tam janna vasalo iti. 15 |306.554| Asatam yodha pabruti mohena paligunthito kincikkham nijigimsano tam janna vasalo iti. 16 |306.555| Yo cattanam samukkamse pare ^2- ca avajanati nihino sena manena tam janna vasalo iti. 17 |306.556| Rosako kadariyo ca papiccho macchari satho ahiriko anottappi tam janna vasalo iti. 18 |306.557| Yo buddham paribhasati atha va tassa savakam paribbajakam ^3- gahattham va tam janna vasalo iti. 19 |306.558| Yo ve anaraham ^4- santo araham patijanati ^5- coro sabrahmake loke eso ^6- kho vasaladhamo. 20 |306.559| Ete kho vasala vutta maya ye te pakasita. @Footnote: ¹ Ma. Yu. bhutvana sucibhojanam. ² Ma. pare ca mavajanati. Yu. paranca mavajanati. @³ Ma. Yu. paribbajam . ⁴ Yu. anaraha. ⁵ Ma. patikhanati. ⁶ Po. eso kho @vasalodhamo.. yu esa kho vasaladhamo. Na jacca vasalo hoti na jacca hoti brahmano kammuna vasalo hoti kammuna hoti brahmano. |306.560| Tadaminapi janatha yatha medam nidassanam candalaputto sopako matango iti vissuto |306.561| so yasapparamappatto ^1- matango yam sudullabham aganchum ^2- tassupatthanam khattiya brahmana bahu. |306.562| So ^3- devayanam abhiruyha virajam so mahapatham kamaragam virajetva brahmalokupago ahu. Na nam jati nivaresi brahmalokupapattiya. |306.563| Ajjhayikakule ^4- jata brahmana mantabandhava te ca papesu kammesu abhinhamupadissare |306.564| dittheva dhamme garayha samparaye ca duggati. Na ne jati nivareti duggacca ^5- garahaya va. |306.565| Na jacca vasalo hoti na jacca hoti brahmano kammuna vasalo hoti kammuna hoti brahmanoti. [307] Evam vutte aggikabharadvajo brahmano bhagavantam etadavoca abhikkantam bho gotama abhikkantam bho gotama seyyathapi nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evamevam anekapariyayena bhota @Footnote: ¹ Ma. Yu. yasam paramam patto. ² Po. Ma. agacchum. ³ Ma. ayam patho natthi. @⁴ Ma. Yu. ajjhayakakule. ⁵ Ma. duggatya. Gotamena dhammo pakasito esaham bhavantam gotamam saranam gacchami dhammanca bhikkhusanghanca upasakam mam bhavam gotamo dharetu ajjatagge panupetam saranam gatanti . Vasalasuttam sattamam. ---------

The Pali Tipitaka in Roman Character Volume 25 page 349-353. https://84000.org/tipitaka/read/roman_read.php?B=25&A=7232&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=7232&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=305&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=234 Study Atthakatha :- https://84000.org/tipitaka/attha/attha.php?b=25&i=305 The Pali Atthakatha in Thai :- https://84000.org/tipitaka/atthapali/read_th.php?B=28&A=4276 The Pali Atthakatha in Roman :- https://84000.org/tipitaka/atthapali/read_rm.php?B=28&A=4276 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25