PaliRoman Vol.25

Suttantapitake khuddakanikayassa suttanipato -------- namo tassa bhagavato arahato sammasambuddhassa. Pathamo uragavaggo pathamam uragasuttam [294] /khu.su./ |294.424| 1 Yo ve ^1- uppatitam vineti kodham visatam sappavisamva osathehi ^2- so bhikkhu jahati oraparam urago jinnamiva tacam puranam. |294.425| Yo ragamudacchida asesam bhimsapupphamva ^3- saroruham vigayha so bhikkhu jahati oraparam urago jinnamiva tacam puranam. |294.426| Yo tanhamudacchida asesam saritam sighasaram visosayitva @Footnote: ¹ Ma. Yu. vesaddo natthi . ² Ma. osadhehi . ³ Ma. Yu. bhisapupphamva. So bhikkhu jahati oraparam urago jinnamiva tacam puranam. |294.427| Yo manamudabbadhi asesam nalasetumva sudubbalam mahogho so bhikkhu jahati oraparam urago jinnamiva tacam puranam. |294.428| Yo najjhagama bhavesu saram vicinam pupphamiva udumbaresu so bhikkhu jahati oraparam urago jinnamiva tacam puranam. |294.429| Yassantarato na santi kopa iti bhavabhavatanca vitivatto so bhikkhu jahati oraparam urago jinnamiva tacam puranam. |294.430| Yassa vitakka vidhupita ajjhattam suvikappita asesa so bhikkhu jahati oraparam urago jinnamiva tacam puranam. |294.431| Yo naccasari na paccasari sabbam accugama ^1- imam papancam @Footnote: ¹ Ma. Yu. accagama. So bhikkhu jahati oraparam urago jinnamiva tacam puranam. |294.432| Yo naccasari na paccasari sabbam vitathamidanti natva ^1- loke so bhikkhu jahati oraparam urago jinnamiva tacam puranam. |294.433| Yo naccasari na paccasari sabbam vitathamidanti vitalobho so bhikkhu jahati oraparam urago jinnamiva tacam puranam. |294.434| Yo naccasari na paccasari sabbam vitathamidanti vitarago so bhikkhu jahati oraparam urago jinnamiva tacam puranam. |294.435| Yo naccasari na paccasari sabbam vitathamidanti vitadoso so bhikkhu jahati oraparam urago jinnamiva tacam puranam. |294.436| Yo naccasari na paccasari sabbam vitathamidanti vitamoho @Footnote: ¹ Ma. natva. So bhikkhu jahati oraparam urago jinnamiva tacam puranam. |294.437| Yassanusaya na santi keci mula ^[1]- akusala samuhatase so bhikkhu jahati oraparam urago jinnamiva tacam puranam. |294.438| Yassa darathaja na santi keci oram agamanaya paccayase so bhikkhu jahati oraparam urago jinnamiva tacam puranam. |294.439| Yassa vanathaja na santi keci vinibandhaya bhavaya hetukappa so bhikkhu jahati oraparam urago jinnamiva tacam puranam. |294.440| Yo nivarane pahaya panca anigho tinnakathankatho visallo so bhikkhu jahati oraparam urago jinnamiva tacam purananti. Uragasuttam pathamam. ----------- @Footnote: ¹ Ma. casaddo dissati.

The Pali Tipitaka in Roman Character Volume 25 page 324-327. https://84000.org/tipitaka/read/roman_read.php?B=25&A=6720&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=6720&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=294&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=228 Study Atthakatha :- https://84000.org/tipitaka/attha/attha.php?b=25&i=294 The Pali Atthakatha in Thai :- https://84000.org/tipitaka/atthapali/read_th.php?B=28&A=1 The Pali Atthakatha in Roman :- https://84000.org/tipitaka/atthapali/read_rm.php?B=28&A=1 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25