PaliRoman Vol.25

Itivuttake dukanipatassa pathamavaggo [206] 1 Vuttam hetam bhagavata vuttamarahatati me sutam dvihi bhikkhave dhammehi samannagato bhikkhu dittheva dhamme dukkham viharati savighatam saupayasam saparilaham kayassa bheda parammarana duggati patikankha katamehi dvihi indriyesu aguttadvarataya ca bhojane amattannutaya ca imehi kho ^1- bhikkhave dvihi dhammehi samannagato bhikkhu dittheva dhamme dukkham viharati savighatam saupayasam saparilaham kayassa bheda parammarana duggati patikankhati. Etamattham bhagava avoca. Tatthetam iti vuccati cakkhusotanca ghananca jivha kayo tatha mano etani yassa dvarani aguttani ^2- ca bhikkhuno bhojanamhi amattannu indriyesu asamvuto kayadukkham cetodukkham dukkham so adhigacchati dayhamanena kayena dayhamanena cetasa diva va yadi va rattim dukkham viharati tadisoti. Ayampi attho vutto bhagavata iti me sutanti. Pathamam.

The Pali Tipitaka in Roman Character Volume 25 page 247. https://84000.org/tipitaka/read/roman_read.php?B=25&A=5094&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=5094&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=206&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=143 Study Atthakatha :- https://84000.org/tipitaka/attha/attha.php?b=25&i=206 The Pali Atthakatha in Thai :- https://84000.org/tipitaka/atthapali/read_th.php?B=27&A=2399 The Pali Atthakatha in Roman :- https://84000.org/tipitaka/atthapali/read_rm.php?B=27&A=2399 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25