บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
[132] 2 Evamme sutam . ekam samayam bhagava savatthiyam viharati pubbarame migaramatu pasade . tena kho pana samayena bhagava sayanhasamayam patisallana vutthito bahidvarakotthake nisinno hoti . atha kho raja pasenadi kosalo yena bhagava tenupasankami upasankamitva bhagavantam abhivadetva ekamantam nisidi . tena kho pana samayena satta ca jatila satta ca nigantha satta ca acela 1- satta ca ekasata satta ca paribbajaka parulhakacchanakhaloma kharivividhamadaya bhagavato avidure abhikkamanti 2-. Addasa kho raja pasenadi kosalo te satta ca jatile satta ca niganthe satta ca acele satta ca ekasate satta ca @Footnote: 1 Ma. acelaka --- ekasataka . 2 Ma. Yu. atikkamanti. Paribbajake parulhakacchanakhalome kharivividhamadaya bhagavato avidure abhikkamante disvana utthayasana ekamsam uttarasangam karitva dakkhinajanumandalam 1- pathaviyam nihantva yena te satta ca jatila satta ca nigantha satta ca acela satta ca ekasata satta ca paribbajaka tenanjalimpanametva tikkhattum namam savesi rajaham bhante pasenadi kosalo rajaham bhante pasenadi kosaloti. {132.1} Atha kho raja pasenadi kosalo acirapakkantesu tesu sattasu ca jatilesu sattasu ca niganthesu sattasu ca acelesu sattasu ca ekasatesu sattasu ca paribbajakesu yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho raja pasenadi kosalo bhagavantam etadavoca ye 2- ca te bhante loke arahanto va arahattamaggam va samapanna etesam annataroti. [133] Dujjanam kho etam maharaja taya gihina kamabhogina 3- puttasambadhasayanam ajjhavasantena kasikacandanam paccanubhontena malagandhavilepanam dharayantena jataruparajatam sadiyantena ime va arahanto ime va arahattamaggam samapannati . 1 samvasena kho maharaja silam veditabbam tanca kho dighena addhuna na 4- ittarena manasikarota no amanasikarota 5- pannavata no duppannena . 2 Samvoharena kho maharaja soceyyam veditabbam tanca kho dighena @Footnote: 1 Yu. dakkhinam . 2 Ma. ye kho. Yu. ye nu keci kho . 3 Po. kamagiddha. @Yu. kamabhojina . 4 Po. Ma. Yu. na ittaram . 5 Po. Yu. amanasikara. Addhuna na ittarena manasikarota no amanasikarota pannavata no duppannena . 3 apadasu kho maharaja thamo veditabbo so ca kho dighena addhuna na ittarena manasikarota no amanasikarota pannavata no duppannena . 4 sakacchaya kho maharaja panna veditabba sa ca kho dighena addhuna na ittarena mamasikarota no amanasikarota pannavata no duppannenati. [134] Acchariyam bhante abbhutam bhante yava subhasitancidam [1]- Bhagavata dujjanam kho [2]- maharaja taya gihina kamabhogina puttasambadhasayanam ajjhavasantena kasikacandanam paccanubhontena malagandhavilepanam dharayantena jataruparajatam sadiyantena ime va arahanto ime va arahattamaggam samapannati . samvasena kho maharaja silam veditabbam tanca kho dighena addhuna na ittarena manasikarota no amanasikarota pannavata no duppannena. {134.1} Samvoharena kho maharaja soceyyam veditabbam tanca kho dighena addhuna na ittarena manasikarota no amanasikarota pannavata no duppannena . apadasu kho maharaja thamo veditabbo so ca kho dighena addhuna na ittarena manasikarota no amanasikarota pannavata no duppannena . sakacchaya kho maharaja panna veditabba sa ca kho dighena addhuna na ittarena manasikarota @Footnote: 1 Ma. bhante . 2 Ma. etam. No amanasikarota pannavata no duppannenati . ete bhante mama purisa cora ocaraka janapadam otaritva agacchanti 1-. Tehi pathamam otinnam aham paccha otarissami 2- . idani te bhante tam rajojallam pavahetva sunhata suvilitta kappitakesamassu odatavatthavasana pancahi kamagunehi samappita samangibhuta paricariyantiti 3- . atha kho bhagava etamattham viditva tayam velayam imam udanam udanesi na vayameyya sabbattha nannassa puriso siya nannam nissaya jiveyya dhammena na vani 4- careti. Dutiyam.The Pali Tipitaka in Roman Character Volume 25 page 176-179. https://84000.org/tipitaka/read/roman_read.php?B=25&A=3616&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=3616&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=132&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=87 Study Atthakatha :- https://84000.org/tipitaka/attha/attha.php?b=25&i=132 The Pali Atthakatha in Thai :- https://84000.org/tipitaka/atthapali/read_th.php?B=26&A=7922 The Pali Atthakatha in Roman :- https://84000.org/tipitaka/atthapali/read_rm.php?B=26&A=7922 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]