PaliRoman Vol.25

[116] ⁵ Evamme sutam . ekam samayam bhagava savatthiyam viharati pubbarame migaramatu pasade . tena kho pana samayena bhagava tadahuposathe bhikkhusanghaparivuto nisinno hoti . atha kho ayasma anando abhikkantaya rattiya nikkhante ^3- pathame yame utthayasana ekamsam civaram ^4- katva yena bhagava tenanjalimpanametva bhagavantam etadavoca abhikkanta bhante ratti nikkhanto pathamo yamo ciranisinno bhikkhusangho uddisatu bhante bhagava bhikkhunam patimokkhanti. Evam vutte bhagava tunhi ahosi. {116.1} Dutiyampi kho ayasma anando abhikkantaya rattiya nikkhante majjhime yame utthayasana ekamsam civaram katva yena bhagava tenanjalimpanametva bhagavantam etadavoca abhikkanta bhante ratti nikkhanto majjhimo yamo ciranisinno bhikkhusangho uddisatu bhante bhagava bhikkhunam patimokkhanti . dutiyampi kho bhagava tunhi ahosi . tatiyampi kho ayasma anando abhikkantaya rattiya @Footnote: ¹ Yu. va . ² Po. palayatananti . ³ Po. nikkamante . ⁴ Ma. uttarasangam.

--------------------------------------------------------------------------------------------- page151.

Nikkhante pacchime yame uddhaste ^1- arune nandimukhiya rattiya utthayasana ekamsam civaram katva yena bhagava tenanjalimpanametva bhagavantam etadavoca abhikkanta bhante ratti nikkhanto pacchimo yamo uddhasto ^2- aruno nandimukhi ratti ciranisinno bhikkhusangho uddisatu bhante bhagava bhikkhunam patimokkhanti . aparisuddha ananda parisati . atha kho ayasmato mahamoggallanassa etadahosi kannu kho bhagava puggalam sandhaya evamaha aparisuddha ananda parisati. {116.2} Atha kho ayasma mahamoggallano sabbavantam bhikkhusangham cetasa ceto paricca manasakasi . addasa kho ayasma mahamoggallano tam puggalam dussilam papadhammam asucisankassarasamacaram paticchannakammantam assamanam samanapatinnam abrahmacarim brahmacaripatinnam antoputim avassutam kasambukajatam majjhe bhikkhusanghassa nisinnam disvana utthayasana yena so puggalo tenupasankami upasankamitva tam puggalam etadavoca utthehavuso ditthosi bhagavata natthi te bhikkhuhi saddhim samvasoti . atha ^3- kho so puggalo tunhi ahosi. {116.3} Dutiyampi kho so ayasma mahamoggallano tam puggalam etadavoca utthehavuso ditthosi bhagavata natthi te bhikkhuhi saddhim samvasoti . dutiyampi kho so puggalo tunhi ahosi . tatiyampi kho ayasma mahamoggallano tam puggalam etadavoca utthehavuso @Footnote: ¹ Po. uddhise . ² Yu. uddhato . ³ Ma. evam vutte so puggalo.

--------------------------------------------------------------------------------------------- page152.

Ditthosi bhagavata natthi te bhikkhuhi saddhim samvasoti. {116.4} Tatiyampi kho so puggalo tunhi ahosi. Atha kho ayasma mahamoggallano tam puggalam bahayam gahetva bahidvarakotthaka nikkhametva sucighatikam datva yena bhagava tenupasankami upasankamitva bhagavantam etadavoca nikkhamito bhante so puggalo maya parisuddha parisa uddisatu bhante bhagava bhikkhunam patimokkhanti . acchariyam moggallana abbhutam moggallana yava bahagahanapi nameso moghapuriso agamissatiti ^1- . athakho bhagava bhikkhu amantesi nadanaham bhikkhave ito param uposatham karissami patimokkham uddisissami tumhe ^2- yeva bhikkhave ^3- ito param uposatham kareyyatha patimokkham uddiseyyatha atthanametam bhikkhave anavakaso yam tathagato aparisuddhaya parisaya uposatham kareyya patimokkham uddiseyyathati. [117] Atthime bhikkhave mahasamudde acchariya abbhutadhamma ye disva disva asura mahasamudde abhiramanti katame attha 1 mahasamuddo bhikkhave anupubbaninno anupubbapono anupubbapabbharo nayatakeneva ^4- papato yam ^5- bhikkhave mahasamuddo anupubbaninno anupubbapono anupubbapabbharo nayatakeneva papato ayam bhikkhave mahasamudde pathamo acchariyo abbhutadhammo yam disva disva asura mahasamudde abhiramanti. @Footnote: ¹ Ma. agamessatiti. ² Po. Ma. Yu. tumhevadani. ³ Yu. ayam patho natthi. @⁴ Po. Ma. sabbattha ayanakenevati dissati ⁵ Po. ayampi. Ma. Yu. yampi.

--------------------------------------------------------------------------------------------- page153.

² Puna ca param bhikkhave mahasamuddo thitadhammo velam nativattati yam bhikkhave mahasamuddo thitadhammo velam nativattati ayampi ^1- bhikkhave mahasamudde dutiyo acchariyo abbhutadhammo yam disva disva asura mahasamudde abhiramanti. ³ Puna ca param bhikkhave mahasamuddo na matena kunapena samvasati yam hoti mahasamudde matam kunapam tam khippameva tiram vaheti thalam ussadeti yampi bhikkhave mahasamuddo na matena kunapena samvasati yam ^[2]- mahasamudde matam kunapam tam khippameva tiram vaheti thalam ussadeti ayampi bhikkhave mahasamudde tatiyo acchariyo abbhutadhammo yam disva disva asura mahasamudde abhiramanti. ⁴ Puna ca param bhikkhave ya kaci mahanadiyo seyyathidam ganga yamuna aciravati sarabhu mahi ta mahasamuddam patta ^3- jahanti purimani namagottani mahasamuddo tveva sankhyam gacchanti yam bhikkhave ya kaci mahanadiyo seyyathidam ganga yamuna aciravati sarabhu mahi ta mahasamuddam patta jahanti purimani namagottani mahasamuddo tveva sankhyam gacchanti ayampi bhikkhave mahasamudde catuttho acchariyo abbhutadhammo yam disva disva asura mahasamudde abhiramanti. ⁵ Puna ca param bhikkhave ya ^4- loke savantiyo mahasamudde ^5- appenti ya ca antalikkha dhara papatanti ^6- na tena mahasamuddassa @Footnote: ¹ Po. ayampi kho . ² Ma. hoti . ³ Ma. patva . ⁴ Po. yakaci. @Ma. Yu. ya ca . ⁵ Ma. Yu. mahasamuddam . ⁶ Po. pavattanti.

--------------------------------------------------------------------------------------------- page154.

Unattam va purattam va pannayati yampi bhikkhave ya ca loke savantiyo mahasamudde appenti ya ca antalikkha dhara papatanti na tena mahasamuddassa unattam va purattam va pannayati ayampi bhikkhave mahasamudde pancamo acchariyo abbhutadhammo yam disva disva asura mahasamudde abhiramanti. ⁶ Puna ca param bhikkhave mahasamuddo ekaraso lonaraso yampi bhikkhave mahasamuddo ekaraso lonaraso ayampi bhikkhave mahasamudde chattho acchariyo abbhutadhammo yam disva disva asura mahasamudde abhiramanti. ⁷ Puna ca param bhikkhave mahasamuddo bahuratano anekaratano tatrimani ratanani seyyathidam mutta mani veluriyo sankho sila pavalam rajatam jatarupam lohitango masaragallo ^1- yam bhikkhave mahasamuddo bahuratano anekaratano tatrimani ratanani seyyathidam mutta mani veluriyo sankho sila pavalam rajatam jatarupam lohitango masaragallo ayampi bhikkhave mahasamudde sattamo acchariyo abbhutadhammo yam disva disva asura mahasamudde abhiramanti. ⁸ Puna ca param bhikkhave mahasamuddo mahatam bhutanam avaso tatrime bhuta timi timingalo timitimingalo ^2- asura naga gandhabba santi mahasamudde yojanasatikapi attabhava dviyojanasatikapi attabhava tiyojanasatikapi attabhava catuyojanasatikapi attabhava @Footnote: ¹ Ma. masaragallam . ² Po. timitimingala. Ma. timiramingala. Yu. timirapingalo.

--------------------------------------------------------------------------------------------- page155.

Pancayojanasatikapi attabhava yampi bhikkhave mahasamuddo mahatam bhutanam avaso tatrime bhuta timi timingalo timitimingalo asura naga gandhabba santi mahasamudde yojanasatikapi attabhava dviyojanasatikapi attabhava tiyojanasatikapi attabhava catuyojanasatikapi attabhava pancayojanasatikapi attabhava ayampi bhikkhave mahasamudde atthamo acchariyo abbhutadhammo yam disva disva asura mahasamudde abhiramanti . Ime kho bhikkhave ^[1]- mahasamudde attha acchariya abbhutadhamma ye disva disva asura mahasamudde abhiramanti. [118] Evameva kho bhikkhave imasmim dhammavinaye attha acchariya abbhutadhamma ye disva disva bhikkhu ^[2]- dhammavinaye abhiramanti katame attha 1 seyyathapi bhikkhave mahasamuddo anupubbaninno anupubbapono anupubbapabbharo nayatakeneva papato evameva kho bhikkhave imasmim dhammavinaye anupubbasikkha anupubbakiriya anupubbapatipada nayatakeneva annapativedho yam bhikkhave imasmim dhammavinaye anupubbasikkha anupubbakiriya anupubbapatipada nayatakeneva annapativedho ayam bhikkhave imasmim dhammavinaye pathamo acchariyo abbhutadhammo yam disva disva bhikkhu imasmim dhammavinaye abhiramanti. ² Seyyathapi bhikkhave mahasamuddo thitadhammo velam nativattati @Footnote: ¹ Ma. attha . ² Ma. imismim.

--------------------------------------------------------------------------------------------- page156.

Evameva kho bhikkhave yam maya savakanam sikkhapadam pannattam tam mama savaka jivitahetupi natikkamanti yampi bhikkhave mama savakanam sikkhapadam pannattam tam mama savaka jivitahetupi natikkamanti ayampi bhikkhave imasmim dhammavinaye dutiyo acchariyo abbhutadhammo yam disva disva bhikkhu imasmim dhammavinaye abhiramanti. ³ Seyyathapi bhikkhave mahasamuddo na matena kunapena samvasati yam hoti mahasamudde matam kunapam tam khippameva tiram vaheti thalam ussadeti evameva kho bhikkhave yo so puggalo dussilo papadhammo asucisankassarasamacaro paticchannakammanto assamano samanapatinno abrahmacari brahmacaripatinno antoputi avassuto kasambukajato na tena sangho samvasati atha kho ^[1]- khippameva sannipatitva ukkhipati kincapi so hoti majjhe bhikkhusanghassa nisinno atha kho so araka ca sanghamha sangho ca tena yampi bhikkhave yo so puggalo dussilo papadhammo asucisankassarasamacaro paticchannakammanto assamano samanapatinno abrahmacari brahmacaripatinno antoputi avassuto kasambukajato na tena sangho samvasati atha kho khippameva sannipatitva ukkhipati kincapi so hoti majjhe bhikkhusanghassa nisinno atha kho so araka ca sanghamha sangho ca tena ayampi bhikkhave imasmim @Footnote: ¹ Ma. Yu. nam.

--------------------------------------------------------------------------------------------- page157.

Dhammavinaye tatiyo acchariyo abbhutadhammo yam disva disva bhikkhu imasmim dhammavinaye abhiramanti. ⁴ Seyyathapi bhikkhave ya kaci mahanadiyo seyyathidam ganga yamuna aciravati sarabhu mahi ta mahasamuddam patta jahanti purimani namagottani mahasamuddo tveva sankhyam gacchanti evameva kho bhikkhave cattaro vanna khattiya brahmana vessa sudda te tathagatappavedite dhammavinaye agarasma anagariyam pabbajitva jahanti purimani namagottani samana sakyaputtiya tveva sankhyam ^1- gacchanti yampi bhikkhave cattaro vanna khattiya brahmana vessa sudda te tathagatappavedite dhammavinaye agarasma anagariyam pabbajitva jahanti purimani namagottani samana sakyaputtiya tveva sankhyam gacchanti ayampi bhikkhave imasmim dhammavinaye catuttho acchariyo abbhutadhammo yam disva disva bhikkhu imasmim dhammavinaye abhiramanti. ⁵ Seyyathapi bhikkhave ya ca loke savantiyo mahasamuddam appenti ya ca antalikkha dhara papatanti na tena mahasamuddassa unattam va purattam va pannayati evameva kho bhikkhave bahupi ^2- bhikkhu anupadisesaya nibbanadhatuya parinibbayanti na tena nibbanadhatuya unattam va purattam va pannayati yampi bhikkhave bhikkhu anupadisesaya nibbanadhatuya parinibbayanti na tena @Footnote: ¹ Ma. Yu. sabbattha sankhanti dissati . ² Ma. Yu. bahu cepi.

--------------------------------------------------------------------------------------------- page158.

Nibbanadhatuya unattam va purattam va pannayati ayampi bhikkhave imasmim dhammavinaye pancamo accariyo abbhutadhammo yam disva disva bhikkhu imasmim dhammavinaye abhiramanti. ⁶ Seyyathapi bhikkhave mahasamuddo ekaraso lonaraso evameva kho bhikkhave ayam dhammavinayo ekaraso vimuttiraso yampi bhikkhave ayam dhammavinayo ekaraso vimuttiraso ayampi bhikkhave imasmim dhammavinaye chattho acchariyo abbhutadhammo yam disva disva bhikkhu imasmim dhammavinaye abhiramanti. ⁷ Seyyathapi bhikkhave mahasamuddo bahuratano anekaratano tatrimani ratanani seyyathidam mutta mani veluriyo sankho sila pavalam rajatam jatarupam lohitango masaragallo evameva kho bhikkhave ayam dhammavinayo bahuratano anekaratano tatrimani ratanani seyyathidam cattaro satipatthana cattaro sammappadhana cattaro iddhippada pancindriyani panca balani satta bojjhanga ariyo atthangiko maggo yampi bhikkhave ayam dhammavinayo bahuratano anekaratano tatrimani ratanani seyyathidam cattaro satipatthana cattaro sammappadhana cattaro iddhippada pancindriyani panca balani satta bojjhanga ariyo atthangiko maggo ayampi bhikkhave imasmim dhammavinaye sattamo acchariyo abbhutadhammo yam disva disva bhikkhu imasmim dhammavinaye abhiramanti.

--------------------------------------------------------------------------------------------- page159.

⁸ Seyyathapi bhikkhave mahasamuddo mahatam bhutanam avaso tatrime bhuta timi timingalo timitimingalo asura naga gandhabba santi mahasamudde yojanasatikapi attabhava dviyojanasatikapi attabhava tiyojanasatikapi attabhava catuyojanasatikapi attabhava pancayojanasatikapi attabhava evameva kho bhikkhave ayam dhammavinayo mahatam bhutanam avaso tatrime bhuta sotapanno sotapattiphala- sacchikiriyaya patipanno sakadagami sakadagamiphalasacchikiriyaya patipanno anagami anagamiphalasacchikiriyaya patipanno araha arahattaya patipanno yampi bhikkhave ayam dhammavinayo mahatam bhutanam avaso tatrime bhuta sotapanno sotapattiphalasacchikiriyaya patipanno sakadagami sakadagamiphalasacchikiriyaya patipanno anagami anagamiphalasacchikiriyaya patipanno araha arahattaya patipanno ayampi bhikkhave imasmim dhammavinaye atthamo acchariyo abbhutadhammo yam disva disva bhikkhu imasmim dhammavinaye abhiramanti . ime kho bhikkhave imasmim dhammavinaye attha acchariya abbhutadhamma yam disva disva bhikkhu imasmim dhammavinaye abhiramantiti . atha kho bhagava etamattham viditva tayam velayam imam udanam udanesi channamativassati vivatam nativassati tasma channam vivaretha evantam nativassatiti. Pancamam.