บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[116] 26 Ekam samayam bhagava rajagahe viharati jivakambavane. Athakho jivako komarabhacco yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho jivako komarabhacco bhagavantam etadavoca kittavata nu kho bhante upasako hotiti . yato kho jivaka buddham saranam gato hoti dhammam saranam gato hoti sangham saranam gato hoti ettavata kho jivaka upasako hotiti. {116.1} Kittavata pana bhante upasako silava hotiti . Yato kho jivaka upasako panatipata pativirato hoti .pe. Suramerayamajjapamadatthana pativirato hoti ettavata kho jivaka upasako silava hotiti. {116.2} Kittavata pana bhante upasako attahitaya patipanno hoti no parahitayati . yato kho jivaka upasako attana ca saddhasampanno hoti no param saddhasampadaya samadapeti .pe. Attana ca atthamannaya dhammamannaya dhammanudhammapatipanno hoti no param dhammanudhammapatipattiya samadapeti ettavata kho jivaka upasako attahitaya patipanno hoti no parahitayati. {116.3} Kittavata pana bhante upasako attahitaya ca patipanno hoti parahitaya cati. Yato kho jivaka upasako attana ca saddhasampanno hoti paranca saddhasampadaya samadapeti attana ca silasampanno hoti paranca silasampadaya samadapeti attana ca cagasampanno hoti paranca cagasampadaya samadapeti attana ca bhikkhunam dassanakamo hoti paranca bhikkhunam dassane samadapeti attana ca saddhammam sotukamo hoti paranca saddhammassavane samadapeti attana ca sutanam dhammanam dharakajatiko hoti paranca dhammadharanaya samadapeti attana ca sutanam dhammanam atthupaparikkhi hoti paranca atthupaparikkhaya samadapeti attana ca atthamannaya dhammamannaya dhammanudhamma- patipanno hoti paranca dhammanudhammapatipattiya samadapeti ettavata kho jivaka upasako attahitaya ca patipanno hoti Parahitaya cati.The Pali Tipitaka in Roman Character Volume 23 page 225-227. https://84000.org/tipitaka/read/roman_read.php?B=23&A=4814&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=4814&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=116&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=99 Study Atthakatha :- https://84000.org/tipitaka/attha/attha.php?b=23&i=116 The Pali Atthakatha in Thai :- https://84000.org/tipitaka/atthapali/read_th.php?B=16&A=5549 The Pali Atthakatha in Roman :- https://84000.org/tipitaka/atthapali/read_rm.php?B=16&A=5549 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]