PaliRoman Vol.23

suvinicchitani suttaso anubyanjanaso catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati . imehi kho bhikkhave sattahi dhammehi samannagato bhikkhu vinayadharo hotiti. [74] Sattahi bhikkhave dhammehi samannagato bhikkhu vinayadharo hoti . katamehi sattahi apattim janati anapattim janati lahukam apattim janati garukam apattim janati vinaye kho pana thito hoti asamhiro catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati . imehi kho bhikkhave sattahi dhammehi samannagato bhikkhu vinayadharo hotiti. [75] Sattahi bhikkhave dhammehi samannagato bhikkhu vinayadharo hoti . katamehi sattahi apattim janati anapattim janati lahukam apattim janati garukam apattim janati anekavihitam pubbenivasam anussarati seyyathidam ekampi jatim dvepi jatiyo .pe.

--------------------------------------------------------------------------------------------- page144.

Iti sakaram sauddesam anekavihitam pubbenivasam anussarati dibbena cakkhuna visuddhena atikkantamanusakena .pe. yathakammupage satte pajanati asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati . imehi kho bhikkhave sattahi dhammehi samannagato bhikkhu vinayadharo hotiti. [76] Sattahi bhikkhave dhammehi samannagato bhikkhu vinayadharo sobhati . katamehi sattahi apattim janati anapattim janati lahukam apattim janati garukam apattim janati silava hoti .pe. Samadaya sikkhati sikkhapadesu catunnam jhananam .pe. akasiralabhi asavanam khaya .pe. sacchikatva upasampajja viharati . imehi kho bhikkhave sattahi dhammehi samannagato bhikkhu ^1- vinayadharo sobhatiti. [77] Sattahi bhikkhave dhammehi samannagato vinayadharo sobhati katamehi sattahi apattim janati anapattim janati lahukam apattim janati garukam apattim janati ubhayani kho panassa patimokkhani vittharena svagatani honti suvibhattani suppavattini suvinicchitani suttaso anubyanjanaso catunnam jhananam .pe. akasiralabhi asavanam khaya .pe. sacchikatva upasampajja viharati . imehi kho bhikkhave sattahi dhammehi samannagato vinayadharo sobhatiti. [78] Sattahi bhikkhave dhammehi samannagato vinayadharo sobhati. Katamehi sattahi apattim janati anapattim janati lahukam apattim @Footnote: ¹ Ma. ayam patho natthi.

--------------------------------------------------------------------------------------------- page145.

Janati garukam apattim janati vinaye kho pana thito hoti asamhiro catunnam jhananam .pe. akasiralabhi asavanam khaya .pe. sacchikatva upasampajja viharati . imehi kho bhikkhave sattahi dhammehi samannagato vinayadharo sobhatiti. [79] Sattahi bhikkhave dhammehi samannagato vinayadharo sobhati. Katamehi sattahi apattim janati anapattim janati lahukam apattim janati garukam apattim janati anekavihitam pubbenivasam anussarati seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati dibbena cakkhuna visuddhena atikkantamanusakena .pe. yathakammupage satte pajanati asavanam khaya .pe. sacchikatva upasampajja viharati . imehi kho bhikkhave sattahi dhammehi samannagato vinayadharo sobhatiti. [80] Athakho ayasma upali yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma upali bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti . Ye kho tvam upali dhamme janeyyasi ime dhamma na ekantanibbidaya viragaya nirodhaya upasamaya abhinnaya sambodhaya nibbanaya

--------------------------------------------------------------------------------------------- page146.

Samvattantiti ekamsena upali dhareyyasi neso dhammo neso vinayo netam satthusasananti ye ca kho tvam upali dhamme janeyyasi ime dhamma ekantanibbidaya viragaya nirodhaya upasamaya abhinnaya sambodhaya nibbanaya samvattantiti ekamsena upali dhareyyasi eso dhammo eso vinayo etam satthusasananti. [81] Sattime bhikkhave adhikaranasamatha dhamma uppannuppannanam adhikarananam samathaya vupasamaya . katame satta sammukhavinayo databbo sativinayo databbo amulhavinayo databbo patinnatakaranam ^[1]- yebhuyyasika ^[2]- tassa papiyasika ^[3]- tinavattharako [4]-. Ime kho bhikkhave satta adhikaranasamatha dhamma uppannuppannanam adhikarananam samathaya vupasamayati. Vinayavaggo tatiyo -----------

The Pali Tipitaka in Roman Character Volume 23 page 143-146. https://84000.org/tipitaka/read/roman_read.php?B=23&A=3066&w=suttaso&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=3066&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=73&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=72 Study Atthakatha :- https://84000.org/tipitaka/attha/attha.php?b=23&i=72 The Pali Atthakatha in Thai :- https://84000.org/tipitaka/atthapali/read_th.php?B=16&A=4684 The Pali Atthakatha in Roman :- https://84000.org/tipitaka/atthapali/read_rm.php?B=16&A=4684 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23