|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā
[90] Pancime bhikkhave dhamma sekhassa bhikkhuno parihanaya samvattanti katame panca idha bhikkhave sekho bhikkhu bahukicco hoti--------------------------------------------------------------------------------------------- page132.
Bahukaraniyo abyatto 1- kimkaraniyesu rincati patisallanam nanuyunjati ajjhattam cetosamatham ayam bhikkhave pathamo dhammo sekhassa bhikkhuno parihanaya samvattati . puna caparam bhikkhave sekho bhikkhu appamattakena kammena divasam atinameti rincati patisallanam nanuyunjati ajjhattam cetosamatham ayam bhikkhave dutiyo dhammo sekhassa bhikkhuno parihanaya samvattati . puna caparam bhikkhave sekho bhikkhu samsattho viharati sagahatthapabbajitehi 2- ananulomikena gihisamsaggena rincati patisallanam nanuyunjati ajjhattam cetosamatham ayam bhikkhave tatiyo dhammo sekhassa bhikkhuno parihanaya samvattati. {90.1} Puna caparam bhikkhave sekho bhikkhu atikalena 3- gamam pavisati atidiva patikkamati rincati patisallanam nanuyunjati ajjhattam cetosamatham ayam bhikkhave catuttho dhammo sekhassa bhikkhuno parihanaya samvattati . puna caparam bhikkhave sekho bhikkhu yayam katha abhisallekhika cetovivaranasappaya seyyathidam appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha evarupiya kathaya na nikamalabhi hoti kicchalabhi kasiralabhi [4]- rincati patisallanam nanuyunjati ajjhattam cetosamatham ayam bhikkhave pancamo dhammo sekhassa bhikkhuno parihanaya samvattati . ime kho bhikkhave panca dhamma sekhassa bhikkhuno parihanaya samvattanti. {90.2} Pancime bhikkhave dhamma sekhassa bhikkhuno aparihanaya samvattanti katame panca idha bhikkhave sekho @Footnote: 1 Ma. viyatto. Yu. byatto . 2 Ma. gahatthapabbajitehi . 3 Ma. akalena. @4 Ma. na akicchalabhi na akasiralabhi.--------------------------------------------------------------------------------------------- page133.
Bhikkhu na bahukicco hoti na bahukaraniyo byatto kimkaraniyesu na rincati patisallanam anuyunjati ajjhattam cetosamatham ayam bhikkhave pathamo dhammo sekhassa bhikkhuno aparihanaya samvattati . puna caparam bhikkhave sekho bhikkhu na appamattakena kammena divasam atinameti na rincati patisallanam anuyunjati ajjhattam cetosamatham ayam bhikkhave dutiyo dhammo sekhassa bhikkhuno aparihanaya samvattati . puna caparam bhikkhave sekho bhikkhu asamsattho viharati sagahatthapabbajitehi ananulomikena gihisamsaggena na rincati patisallanam anuyunjati ajjhattam cetosamatham ayam bhikkhave tatiyo dhammo sekhassa bhikkhuno aparihanaya samvattati. {90.3} Puna caparam bhikkhave sekho bhikkhu na atikalena gamam pavisati natidiva patikkamati na rincati patisallanam anuyunjati ajjhattam cetosamatham ayam bhikkhave catuttho dhammo sekhassa bhikkhuno aparihanaya samvattati . puna caparam bhikkhave sekho bhikkhu yayam katha abhisallekhika cetovivaranasappaya seyyathidam appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha evarupiya kathaya nikamalabhi hoti akicchalabhi akasiralabhi na rincati patisallanam anuyunjati ajjhattam cetosamatham {90.4} ayam bhikkhave pancamo dhammo sekhassa bhikkhuno aparihanaya samvattati . ime kho bhikkhave panca dhamma sekhassa bhikkhuno aparihanaya samvattantiti. Theravaggo catuttho.--------------------------------------------------------------------------------------------- page134.
Tassuddanam rajaniyam 1- vitarago kuhakosaddhaakkhamo 2- patisambhida ca silena thero sekhapare duveti. -----------The Pali Tipitaka in Roman Character Volume 22 page 131-134. https://84000.org/tipitaka/read/roman_read.php?B=22&A=2770&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=2770&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=90&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=90 Study Atthakatha :- https://84000.org/tipitaka/attha/attha.php?b=22&i=90 The Pali Atthakatha in Thai :- https://84000.org/tipitaka/atthapali/read_th.php?B=16&A=972 The Pali Atthakatha in Roman :- https://84000.org/tipitaka/atthapali/read_rm.php?B=16&A=972 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]