บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[77] Pancimani bhikkhave anagatabhayani sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya katamani panca idha bhikkhave arannako bhikkhu iti patisancikkhati aham kho etarahi ekako aranne viharami ekakam kho pana aranne viharantam ahi va mam damseyya 1- vicchika 2- va mam damseyya satapadi va mam damseyya 1- tena me assa kalakiriya so mamassa antarayo handaham viriyam arabhami appattassa pattiya anadhigatassa adhigamaya asacchikatassa sacchikiriyayati idam bhikkhave pathamam anagatabhayam sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya. {77.1} Puna caparam bhikkhave arannako bhikkhu iti patisancikkhati aham kho etarahi ekako aranne viharami ekako kho panaham aranne viharanto upakkhaletva va papateyyam bhattam va me bhuttam byapajjeyya pittam va me kuppeyya semham va me kuppeyya satthaka va me vata kuppeyyum te me assa kalakiriya so mamassa antarayo handaham viriyam arabhami appattassa pattiya anadhigatassa adhigamaya @Footnote: 1 Yu. daseyya . 2 Ma. Yu. vicchiko. Asacchikatassa sacchikiriyayati idam bhikkhave dutiyam anagatabhayam sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya. {77.2} Puna caparam bhikkhave arannako bhikkhu iti patisancikkhati aham kho etarahi ekako aranne viharami ekako kho panaham aranne viharanto valehi samagaccheyyam sihena va byagghena va dipina va acchena va taracchena va te mam jivita voropeyyum tena me assa kalakiriya so mamassa antarayo handaham viriyam arabhami appattassa pattiya anadhigatassa adhigamaya asacchikatassa sacchikiriyayati idam bhikkhave tatiyam anagatabhayam sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya. {77.3} Puna caparam bhikkhave arannako bhikkhu iti patisancikkhati aham kho etarahi ekako aranne viharami ekako kho panaham aranne viharanto manavehi samagaccheyyam katakammehi va akatakammehi va te mam jivita voropeyyum tena me assa kalakiriya so mamassa antarayo handaham viriyam arabhami appattassa pattiya anadhigatassa adhigamaya asacchikatassa sacchikiriyayati idam bhikkhave catuttham anagatabhayam sampassamanena alameva arannakena bhikkhuna appamattena atapina pahitattena viharitum appattassa pattiya Anadhigatassa adhigamaya asacchikatassa sacchikiriyaya. {77.4} Puna caparam bhikkhave arannako bhikkhu iti patisancikkhati aham kho etarahi ekako aranne viharami santi kho panaranne vala amanussa te mam jivita voropeyyum tena me assa kalakiriya so mamassa antarayo handaham viriyam arabhami appattassa pattiya anadhigatassa adhigamaya asacchikatassa sacchikiriyayati idam bhikkhave pancamam anagatabhayam sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyaya. {77.5} Imani kho bhikkhave panca anagatabhayani sampassamanena alameva arannakena bhikkhuna appamattena atapina pahitattena viharitum appattassa pattiya anadhigatassa adhigamaya asacchikatassa sacchikiriyayati.The Pali Tipitaka in Roman Character Volume 22 page 115-117. https://84000.org/tipitaka/read/roman_read.php?B=22&A=2419&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=2419&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=77&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=77 Study Atthakatha :- https://84000.org/tipitaka/attha/attha.php?b=22&i=77 The Pali Atthakatha in Thai :- https://84000.org/tipitaka/atthapali/read_th.php?B=16&A=884 The Pali Atthakatha in Roman :- https://84000.org/tipitaka/atthapali/read_rm.php?B=16&A=884 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]