PaliRoman Vol.22

Mundarajavaggo pancamo [41] Athakho anathapindiko gahapati yena bhagava tenupasankami upasankamitva bhagavantam abhivadetva ekamantam nisidi . Ekamantam nisinnam kho anathapindikam gahapatim bhagava etadavoca pancime gahapati bhoganam adiya katame panca idha gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi attanam sukheti pineti samma sukham pariharati matapitaro sukheti pineti samma sukham pariharati puttadaradasakammakaraporise sukheti pineti samma sukham pariharati ayam pathamo bhoganam adiyo. {41.1} Puna caparam gahapati ariyasavako utthanaviriyadhigatehi @Footnote: ¹ Ma. Yu. maggam . ² Ma. dananisamsako . ³ Yu. thanaputtena. Bhogehi bahabalaparicitehi sedavakkhittehi dhammikehi dhammaladdhehi mittamacce sukheti pineti samma sukham pariharati ayam dutiyo bhoganam adiyo. {41.2} Puna caparam gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi ya ta honti apada aggito va udakato va rajato va corato va appiyato va dayadato tatharupasu apadasu bhogehi pariyodhaya vattati sotthim attanam karoti ayam tatiyo bhoganam adiyo. {41.3} Puna caparam gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi panca bali ^1- katta hoti natibalim atithibalim pubbapetabalim rajabalim devatabalim ayam catuttho bhoganam adiyo. {41.4} Puna caparam gahapati ariyasavako utthanaviriyadhigatehi bhogehi bahabalaparicitehi sedavakkhittehi dhammikehi dhammaladdhehi ye te samanabrahmana madappamada pativirata khantisoracce nivittha ekamattanam damenti ekamattanam samenti ekamattanam parinibbapenti tatharupesu samanabrahmanesu uddhaggikam dakkhinam patitthapeti sovaggikam sukhavipakam saggasamvattanikam ayam pancamo bhoganam adiyo. {41.5} Ime kho gahapati panca bhoganam adiya tassa ce gahapati ariyasavakassa ime panca bhoganam adiye adiyato bhoga parikkhayam gacchanti tassa evam hoti ye vata bhoganam adiya te @Footnote: ¹ Ma. balim. Caham adiyami bhoga ca me parikkhayam gacchantiti itissa hoti avippatisaro . tassa ce gahapati ariyasavakassa ime panca bhoganam adiye adiyato bhoga abhivaddhanti tassa evam hoti ye vata bhoganam adiya te caham adiyami bhoga ca me abhivaddhantiti itissa hoti avippatisaro ^1- ubhayeneva avippatisaroti. Bhutta bhoga bhata bhacca vitinna apadasu me uddhagga dakkhina dinna atho panca bali kata upatthita silavanto sannata brahmacarayo ^2- yadattham bhogamiccheyya pandito gharamavasam so me attho anuppatto katam ananutapiyam. Etam anussaram macco ariyadhamme thito naro idheva nam pasamsanti pecca sagge pamodatiti ^3-.

The Pali Tipitaka in Roman Character Volume 22 page 48-50. https://84000.org/tipitaka/read/roman_read.php?B=22&A=1010&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=1010&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=41&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=41 Study Atthakatha :- https://84000.org/tipitaka/attha/attha.php?b=22&i=41 The Pali Atthakatha in Thai :- https://84000.org/tipitaka/atthapali/read_th.php?B=16&A=549 The Pali Atthakatha in Roman :- https://84000.org/tipitaka/atthapali/read_rm.php?B=16&A=549 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22